الف مبروك مقدما وان شاء الله الاعضاء يجابو علي اسئلتك
رقم العضوية : 63926
تاريخ التسجيل : 02Mar2010
المشاركات : 170
النوع : ذكر
الاقامة : Cairo
السيارة: ISA
السيارة[2]: Elentra MD 2012
دراجة بخارية: No
الحالة :
مساء الخير علي احلي اعضاء في اجمد منتدي.. ان شاء الله هاستلم بكرة جميلة الجميلات الفلوانس زينون و 6 ايرباج من عند اباظة .. قولولي ابص علي ايه كويس وكود الكاسيت اجيبه ازاي واي حاجة ممكن تفيدوا اخوكم بها.. وان شاء الله اعملكم تقرير مفصل بعد الاستلام... شكرا ليكم كلكم.
رقم العضوية : 162369
تاريخ التسجيل : 07Jul2014
المشاركات : 229
النوع : ذكر
الاقامة : مصر==>القاهرة :)
السيارة: قريبا ان شاء الله
السيارة[2]: دايو نوبيرا 2007
الحالة :
الف مبروك مقدما وان شاء الله الاعضاء يجابو علي اسئلتك
يا رب نشوف مصر في خير وتقدم وعدل واسترها معانا
رقم العضوية : 155996
تاريخ التسجيل : 13Feb2014
المشاركات : 69
النوع : ذكر
الاقامة : مدينتى
السيارة: Kia Rio 2013 Tier 2
السيارة[2]: Renault Fluence E3S 2015
الحالة :
اهم حاجة تستلم بالراحة على اقل من مهلك انت دافع فلوس و هم مش بيمنوا عليك حتى لو خدت ساعة ولا اتنين براحتك
1. شيل البلاستيك الابيض من علي العربية عشان تتأكد ان مفيش اي خبطات او خدوش فى الصاج و الفوانيس كمان و ان اللمض كلها شغالة فوجات ناحيتين وره و قدام واطى وعالى و اشارة و الليدات و الاستوب.
2. افتح الابواب كلها واتأكد انهم بيفتحو و يقفلو كويس والمرايات والزجاج الجانبى و فتحة السقف واتاكد ان مفيش تزييق فى اى حاجة.
3. استلم كل اوراق العربية زي الافراج الجمركي (بيبقى مكتوب فيه بخط الايد ان فيه ستاير فابريكة عشان تعرف تثبتها على الرخصة) و المبايعة اللي بأسمك و خطاب المرور.
4. استلم كتالوج العربية (المفروض كتيب الصيانة جزء منه يعنى فى الصيانة بتختم فى الكتالوج ده) و كتالوج الكاسيت والورق اللى فيه رقم الموتور والشاسيه و رقم الكاسيت ودول بيبقوا فى شنطة قماش عادة فى درج التابلوه.
5. شيك علي الكوريك السمبوسة و ملف العجل وحديدة القطر فى الشنطة.
6. اتأكد ان الاستبن موجود و بيقى حديد مقاس 15 مش زى باقى الكاوتش 16 ماتقلقش.
7. في 4 علامات رينو بيركبوا فى نص الجنط اتاكد انهم موجودين.
8. تاكد من وجود طفاية سجاير بلاستيك دائرية.
9. تأكد من وجود ولاعة سجاير.
10. هتستلم 2 كارت رينو.
11. متنساش الاريال بيقى فى درج التابلوه او الشنطة و متمشيش من غيره يجيبهولك من عربية تانية حتى.
12. ضغط الكاوتش هيكون مش مظبط اظبطه علي 32 امامى و 29 خلفى مكتوبة على غطا التانك.
13. لمبة البنزين هتبقي منورة حط بنزين اول متخرج.
14. شوف العداد ماشي قد ايه تحت 50 كم معقول اكتر يبقى ساقوا العربية و هما بينقلوها (انا كانت عاملة 13 كم).
15. اتاكد من سلامة الفرش الداخلي و التابلوه .
16.جرب الكاسيت و السماعات و البلوتوث .
17. اتأكد ان المساحات و الكلاكس شغالين .
18. اتأكد ان التكييف شغال.
19. اتأكد ان الكراسي بتتحرك قدام وورا و الضهر بيتحرك بسهولة معاك .
20. شغل التكييف عادي من اول متستلم .
21. متحرقش علي الغيارات و متعليش الار بي ام عن 3.5 اول 1000كم .
22. متقطرش او تجر اي عربية .
23. مش هتستلم اي حاجة مع العربية ولا حتي ميدالية و لا دواسة غالبا اتاكد برضه .
24. اطلب منهم غسيل العربية ووضع دواسات ورق كارتون .
25. حاول تقفل الشنطة من النص بالضبط عشان تقفل معاك بسهولة .
26. تانك البنزين يمين مش ناحيتك عشان و انت داخل البنزينة و مالوش زرار من جوه هو والشنطة بيفتحوا مع السنتر من بره.
27.متنساش تكلم التوكيل على 16202 تفعل ضمان العربية و تاخد كود تفعيل الكاسيت عشان لو فصلت البطارية او الكهرباء عموما الكاسيت ممكن يفصل و ميشتغلش من غيره.
28. لو دورت العربية و لقيت السهمين بتوع الإشارة منورين ما تقلقش ده وضع التخزين للسيارة اطلب منهم الغائه هو تقريبا بتنل دراع المساحة و النور مع بعض لاخر مشوارهم و تقريبا بتعمل معاهم حاجة كمان بس مش فاكرها.
29. فى الهاى لاين اتاكد ان بخاخات الزينون شغالة تقريبا بتشد دراع النور و المساحة عليك بس مش متاكد.
و ربنا يديك خيرها و يكفيك شرها و يباركلك فيها.
ملاحظة: ممكن يبقى فى فروق بسيطة عن المكتوب حسب فئة العربية الكلام ده ل e3s 2015 و اهلا بيك فلوانساوى معانا :)
رقم العضوية : 63926
تاريخ التسجيل : 02Mar2010
المشاركات : 170
النوع : ذكر
الاقامة : Cairo
السيارة: ISA
السيارة[2]: Elentra MD 2012
دراجة بخارية: No
الحالة :
عمرو بك.. شكرا لاهتمامك ونصايحك الجميلة اوي
المفضلات