الموضوع: استفسار عن مهدىء اعصاب

انت اكيد بتهزر
حضرتك مينفعش واحد عنده سيمنار او برزينتيشن يكون واخد مهدئ
انت بتلعب بالنار
ممكن يكون هادى وقاعد عمال يرص كلام - لكن من وجهة نظرى مستحيل يكون ذهنه صافى - ده لو حد سأله سؤال بلكنه غريبه ولا حد قال قدامه كلمه مضحكه هاتبقى فضيحه

قول لصاحبك يعمل التالى
يروح يقعد قدام المرأه لمدة ساعتين تلاته متواصل ويقول كل الكلام اللى عايز يقوله - وكل لما يتلخبط يعيد من الاول
ممكن يزود انه يقعد مع اصحابه ويعيد الكلام تانى وخلى اصحابه ياخدوا الموضوع على محمل الجد ويتناقشوا معاه ويرخموا عليه ويحاكوا الوضع الحقيقى بالظبط

أو انه يضرب حشيش افغانى - اشترى منى مفعوله زى السحر

جرب هو الكلام ده وحاسس ان برضه دول اصحابه فمطمئن نفسيا لكده انما مع حد غريب هيتغير الموضوع تماما

الفوبيا دي رقم 1 عالميا علي فكره واي حد لازم يحصله كده
بس تقدر تخفف التوتر بالترتيب والتحضير المسبق لل presentation
اي مهدئات مش هتنفع

الموضوع ملوش حل غير بالتدريب والتعود ربنا معاه

التدريب كتير فى القوضه عنده ادام المرايه ويشرح نفس البيرزنتيشن الحقيقه
وتشرحها اكتر من 3 مرات ل 3 او 4 من اصدقائك لو معاك وقت طبعا قبل الايفنت

ركز على نفسك مش على الحاضرين وخلى ذهنك صافى
نام كويس جدا باليل علشان التوتر يقل
كل موز كتير بيخفف التوتر علشان نسبه البوتاسيوم فيه عاليه

خد اوميجا 3 بتساعد العقل على التذكر والتركيز واستدعاء المعلومه بسرعه علشان الخوق والتوتر هياثر على معلوماتك داخل القاعه

ديه حلول سريعه لكن الحل الامثل هو التدريب الكتير ادام مجموعه لاتقل عن 5 افراد مرتين فى الاسبوع هتلاقى الفوبيا ديه رااااحت تماما

انا مع التدريب امام مجموعات مختلفة. الادوية ليها تاثير سلبي على التركيز و استحضارر المعلومات و سرعة التجاوب مع الناس. و نفس الكلام بالنسبة للحشيش او اي مخدرات

هو عنده الموضوع بزياده جدااااااااااااا..ورغم تحضيره الا انا ممكن يقف قدامهم ميتكلمش ولا كلمه..تقدر تقول رهاب اجتماعى بزياده جدا..انا عارف كده فهو مش هينفع معاه غير مؤثر خارجى

زاناكس....وزولام................. دا هينام اكيد قبل المقابله

الاتنين منوم قوى وجدول مخدرات

هو سئل حد من اصدقائه الدكاتره وقالله مافيش غير دول هينفعوا معاه

ما بلاش يقضيها كيميا ..وخليه فعلا في العلاج الطبيعي

يعني يتدرب كويس قوي على الموقف..يشرب شوب موز باللبن قبل العرض بساعتين ..يشرب شاي اخضر بعد الفطار الصبح ..يحاول قبليها بيوم يخرج خروجه يهدي فيها اعصابه ..مشكلة المهدئات انها ممكن تدي نتائج هزيله او عكسيه ..زي مثلا انها ممكن تنيمه او تخليه مهلوس ..ممكن يرد رد غير مسؤل على عضو من اعضاء اللجنه اللي هو واقف قدامها عكس اشخاص تانيه ممكن تدي نتائج كويسه ..

جرب هو حاجات كتير ووصفات طبيعيه والحاجات دى فى مواقف كتير سابقه ومنجحتش فعشان كده معندوش استعداد يجرب تانى ويفشل