افيدوني...قدامي 2 سيفيك vti ومش عارف انهي افضل

**Hondawyy** · 13-08-2015 10:07 PM

السلام عليكم..
ياريت يا جماعة تفيدوني بسرعة

انا قدامي سيفيك 2009 vti واحدة ياباني وواحدة تركي

الحالتين زي بعض بالظبط اانا سوقت الاتنين جربتهم وحسيت ان التركي افضل كفرامل والتكييف اسقع بكتير

اقل درجة للتكييف كانت 16 انما الياباني اقل درجة 19 فمش عارف هل ده السبب

كمان في زرار فالتابلوه بيعلي نور الفانوس ويوطيه مش موجود فالياباني

وسخانات للمرايات مش موجودة فالياباني

وال 8 ايرباج فالتركي

الحاجة برضه اللي مستغربها ان البويه بتاعت العربية التركي افضل بمراحل مع انهم نفس اللون مش عارف ده سببه ايه بس ملوش علاقة بتلميع لانهم متلمعين

وفي فوج خلفي فالتركي مش موجود فالياباني

حتي فتحات التكييف االريش بتاعتها حاسسها افخم من الياباني وعلامة الهوندا فالطارة متاكلة فالياباني عن التركي

انا بصراحة محتار جدا ازاي عربية هوندا تقفيل اليابان بالدرجة دي مقارنة بالتقفيل التركي

هل التركي كده افضل؟؟؟؟ مع انها ارخص بحوالي 10 الاف جنيه

ياريت تفيدوني بسرعة..

**Eslam.Elrefaey** · 14-08-2015 04:15 PM

التركى اكتر كماليات ولكن اليبانى محببوبة ومطلوبة اكتر

**Hondawyy** · 14-08-2015 06:46 PM

انا شايف ان الياباني مهتمية بالشكل اكتر من الاوبشنز كمان التركي ميكانيكيا افضل

**RedBull_30** · 20-08-2015 08:54 PM

الياباني مخصصة لسوق السيارات المصري (( الامّعه)) , و موضوع التركي ده غريب .. هل الاتراك هم اللي صنعو الهوندا ؟ معملوش حاجة غير انهم صنعوها بالمفكات بتاعتهم ..
على كده بقى مكناش نركب لا مرسيدس ولا ال بي ام اللي في مصر ..

**Hondawyy** · 20-08-2015 09:27 PM

معني كلمة تركي ان العربية من صنع اليابان بس التقفيل تم فمصنع هوندا بتركيا باوبشنز اعلي من اللي بتنزل مصر
كمان العربيات التركي بتتصدر لاوروبا يعني التركي مواصفات اوروبا مش خليجي زي مالناس كانت بتقول
لان اللي بتنزل مصر هي اللي كانت بتيجي مالفطيم اللي هي الخليجي ومكتوب عالقايم كده

انا خلاص اشتريت التركي الحمد لله وبشهادة مهندسي التوكيل التركي افضل واللي مش مصدق يروح يسال بنفسه
التكييف اشد بكتير الفرامل مفهاش اي مشاكل بعكس اللي بتنزل مصر البوية بتاعت العربية مختلفة مع العلم انها اتقل فالتركي
عوامل الامان اكتر وحاجات تانية كتير

من الاخر التركي افضل وارخص وناس كتير متعرفش كده..