اسكت يا ............

**AHMEDCAR** · 18-11-2008 11:07 AM

انا عارف ان عنوان الموضوع غريب بس بجد انا عاوز اعرف رائيكوا فى اللى الموضوع ده علشان خلاص هاتجنن الحكايه باختصار

كنت راجع من الشغل عند كليه الشرطه اللى موجوده على الدائرى و انا كنت على الطريق الداخلى اللى موازى للطريق الدائرى و بصراحه الطريق ده بيبقى كويس يعنى بتجرى براحته و انا اخرى عليه 100 مش اكتر و فجاه الطريق وقف

وانا ملاحظ كده قومت ممور العربيه و و سايبها ماشيه بسرعتها لانى كنت حاسب العربيه هاتقف امتى و كانت الحاره بتاعتى فاضيه خلو بالكو من كلمه فاضيف دى

و فجاه عربيه باسات 2008 جت من الشمال لليمن فى الحاره بتاعتى و انا ايدى على الزماره و برضو مافيش فايده قولت مابدهاش شديت الهاند و الحمد لله العربيه و قفت

فوجئت بسواق العربيه الباسات بيبصلى باشمئزاز كده لما جيت جنبه دار الحوار الاتى

ملحوظه : اللى سايق الباسات صاحبها مش السواق باين عليه

انا : يعنى انت شايفنى جاى مسرع و بزمرلك و برضو دخلت

هو : ماهو الطريق واقف انت مش بتقف ليه

انا : ياباشا انا مظبط نفسى انى عارف اقف لكن انت لخبطتنى

هو : بس يا حمار

انا : الله يسامحك

هو : طبعا هايسامحنى امال هيسامحك انت

انا : قفلت قزاز عربيتى و مشيت ( حسيت ان ده انسب رد على واحد زى ده )

و بجد سبحان من صبرنى و خلانى مشيت مع العلم انى من النوع اللى بيتنرفز بسرعه

اطرف حاجه فى الموضوع ده بقى
كان معايا واحد صحبى خم نوم و كان نايم فى العربيه و صحى على الصوت كل اللى عمله قام و قال للراجل خلاص حصل خير و قام نايم تانى

**KoDaK_Gti** · 18-11-2008 11:15 AM

ههههههههههههههه
بص لما حد يغلط ويرخم عليك وهو سايق رخم عليه ومتتكلمش معاه ولو كلمك متردش عليه
انا لومكانك امشى جمبه ازنقه مخليهوش يطلع نهائى

**hero** · 18-11-2008 11:18 AM

في قورص للقيادة الآمنة...يعني واحد من القورصات بتاعة السيفتي ايلي الشركات المحترمة في العالم بيدوها للموظفين علشان يحافظوا علي حياتهم...
90% من الحوادث بتكون القصة دي سبب كدة...ان سيادتك بتقول انا ما شفتش هو جة منين....ودة لانك مش مركز قوي مع الطريق والعربيات الي حواليك...وبتشيك علي مراياتك او جنبك كل شوية...ومركز بس في ان الطريق زي الحرير وفاضي وجميل...وممكن تجري علية...

نفس السبب برضة...
سيادتك اخدت قرار انك تكمل رغم انك شايفة بيحدف عليك وعايز يدخل قدامك...واعتمدت علي ان الكلاكس هايوقفة او علي الاقل هايقنعه انة ينتظر....ودي برضة مشهورة قوي في حوادث التقاطعات...واحد عايز يعدي والتاني جاي من بعيد بيقلب نور وبيدي كلاكسات....وبووووم حادثة ...
في قاعدة ذهبية في القيادة....وهي انك ابداااا لا تثق في من حولك....يعني انت ما تعرفش ..سواق العربية ايلي جنبك ولا ايلي قدامك...ممكن يعمل اية في الثانية الجاية.....علشان كدة الكلاكس لواحدة مش كفاية....كان المفروض انك تهدي...وتشوف هو ناوي يعديك ولا مصر يسبقك...

دي بيسموها برة....Defensive Driving يعني بتسوق وانت بتدافع عن نفسك....وعن حياتك وعن عربيتك....

عموما حصل خير....ومن الواضح انك انتوا الاتنين مشتركين في الخطأ...مع زيادة الاخ بتاع الباسات ربنا يهدية.....

ياريت يا جماعه كلنا نسوق بالطريقة بتاعه الـ Defensive Driving دي ...والله الشوارع هاتبقي اريح واهدي بكتير...

**nasr-eldeen** · 18-11-2008 11:19 AM

خلاص حصل خير

خخخخخخخخخخخخخخخخخخخخخخخخخ خخخخ

**AHMEDCAR** · 18-11-2008 11:22 AM

ان سيادتك بتقول انا ما شفتش هو جة منين

انا مقولتش كده انا قولت انه جيه من الشمال لليمين و انا كنت شايفه

سيادتك اخدت قرار انك تكمل رغم انك شايفة بيحدف عليك وعايز يدخل قدامك

انا ماكملتش اول ماشوفته بيعمل كده حطيت ايدى على الكلاكس و فرملت لانى ساعتها عرفت انى هاخبطه اكيد لدرجه انى شديد الهاند

شكرا على النصيحه

**AHMEDCAR** · 18-11-2008 11:24 AM

المشاركة الأصلية كتبت بواسطة nasr-eldeen

خلاص حصل خير

خخخخخخخخخخخخخخخخخخخخخخخخخ خخخخ

الحمد لله على كل شيى بس بجد انا كنت مستغرب من رد الراجل ده عليا

طبعا هايسامحنى امل هايسمحك انت :k41:

**crazylambada** · 18-11-2008 11:25 AM

ههههههههههههههههههههههه
عادي جدا مش بالعربية
و الدليل انك بتلاقي ناس سايقة عربيات رخيصة جدا و قمة في الاحترام و الزوق
صح و لا لأ
انا طبيعتي زوق جدا بس حصل موقف معايا الساعة اتنين بليل في الزقازيق
الطريق حارتين وبوكس ماشي في الحارة الشمال على 40 طبعا مروريا دا غلط
شوف بقى جيت اعدي من يمينه لقيته كسر عليا عارف عملت ايه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟
كنت مزود البنزين عربيتي كانت خلاص حتبتدي تحك في عربيته و الرصيف
فكان موسعيادوب
هو بيرخم
كنت اول ما عديت منه لما الاكصطدام اللي ورا بتاعي بقى عند الرفرف بتاعه
كنت كاسر نص كسرة
بطريقة انك بتخليه يتبرجل بدون حدوث خسائر
واستلمته طول السكة يشغل العالي مفيش فايدة
مرتدش اتخانق معاه و لا حاجة
انا طبيعتي اللي بيغلط بسامحه عادي
لكن اللي بيبقى قاصده بيلعن اليوم اللي فكر يعمل كده
و ده نظام البلد اللي المفروض كلنا بنمشي عليه
على العموم حصل خير
بس انتا ليه شديد الاهند مش الفرامل
اخرحاجة يا جميل
صاحبك ده زي العسل
بس اوعى تاخده معاك في خناقة

**human** · 18-11-2008 11:26 AM

المشاركة الأصلية كتبت بواسطة kodak_gti

ههههههههههههههه
بص لما حد يغلط ويرخم عليك وهو سايق رخم عليه ومتتكلمش معاه ولو كلمك متردش عليه
انا لومكانك امشى جمبه ازنقه مخليهوش يطلع نهائى

حبيييييبىىىىى والله

دى سكتى يا معلم و عملتها و بعملها كنت زمان
ووقعت فى واحد كان معاه لانسر و انا كان معايا مازدا 323
مش عارف ايه اللى حصل انا بغلس عليه عادى عشان هو نرفزنى عشان يعنى يحس انه غلط
لقيتلك عم الحاج الدم فار فى نفوخه و قام رامى عليا و فضلنا راميين على بعض و العربيتين اتبهدلوا من الجنب و بعدين طلع يجرى

و مره تانيه واحد بماروتى بعد ما عدانى بطرقه غريبه و انا واقف بالعربيه عشان ارجع
لقيته راح راجع مارشدير بسرعه و دب فى العربيه من قدام و طلع يجرى :)
انا فضلت واقف متيس مش مصدق ان فيه حد ممكن يعمل كده

فنصيحه لahmedcar ابقى كبر دماغك انت مش ضامن نوع المجانين اللى انت هتتنرفز معاهم

**r0xer** · 18-11-2008 11:28 AM

فعلا أحسن تصرف هو السكوت. لان الكائنات دي لايصلح معها غير كدا . ولكن بصراحة انت برضو عليك 30% من الخطأ في انك اعتقدت انه ممكن يكون بيفهم ومش هيجي الحارة. ومن الضمن الخطأ برضو انك قلتله ياباشا ففتكر نفسه حاجة!! وكان لازم تعامله على انه مجرد كائن من الكائنات قاعد في عربية.

حصل خير...المهم انك بخير وعربيتك بخير.