مساعدة قبل شراء فليشيا 96

**shrshr471** · 15-08-2015 01:34 AM

السلام عليكم
معروض عليا فليشيا 96
الراجل لسة مغير ليها ماتور مع فتيس وعفشة
مفيهاش تكييف ولا باور
مرشوشة من برة وفابريقة من جوة
ومعروضة عليا ب 26 الف
بس الماتور اللى لسة شاريه مش مثبوت على الرخصة وهى كانت ماشية قبل كدة 160 الف كيلو
والرخصة خلصانة
يعني انا هشتريها منه واجدد الرخصة واثبت الماتور على الرخصة الجديدة ( هو اول مالك والرخصة باسمه مباشرة)
عايز اعرف السعر ده كويس وللا لا
وعايز اعرف تكاليف تجديد الرخصة واثبات الماتور الجديد والضرايب والحوارات دي تاخد كام وقت وفلوس؟
العربية انا ركبتها وحاسس انها جميلة جدا والميكانيكي اللى شافها قال مفهاش حاجة غير شوية رش خفيف من برة

**rias** · 27-08-2015 10:59 PM

الأخوة الكرام مفيش ردود ليه من ملاك وخبراء الأسكودا؟؟

**AlphaCharlie** · 28-08-2015 12:34 AM

انا شايف السعر كويس
أهم حاجة اتأكد من حالة الموتور والعفشة.
اتأكد من موضوع الحرارة
شوف التابلوه واتاكد من أن العدادات شغالة لاني شايف عداد rpm وموديل 96 مفهوش rpm يعني هو مغيره.
وياريت علي قد ما تقدر تكون قطع غيارها الي حتغيرها اصلية