الموضوع: أرجو المساعدة فى شراء فليشيا 97

اسمع نصحتى الفليشا عربية محترمة جدا جدا بس العربية اللى حضرتك بتوصفها لينا بلاش اشترى توكتك احسن منها مع اعتذارة للحبيبة الغالية اسكودا........*

المشاركة الأصلية كتبت بواسطة eng_gouda2000

سلام عليكم ورحمة الله وبركاته
وعليكم السلام ورحمة الله وبركاته
أولا أشكر كل القائمين على هذا المنتدى الرائع وأشكراً أيضاً جميع أعضاءه
ندخل فى الموضوع :
أنا أخوكم أحمد وعجباني بجنون السيارة سكودا فليشيا من حيث الشكل الخارجي والصالون الواسع وشكل الطابلوة
المهم دي ستكون أول سيارة بالنسبة لي

السيارة مواصفاتها فليشيا 97 لون زيتي فبريقة دواخل رشة برة نظافة فرش جلد فوق الفرش الأصلي كبالن جديدة كاسيت ريموت بطارية جافة جديدة .
المشكلة أن المكنة بتاعتها خفيفة وبتاكل زيت وصاحب العربية بيحطلها زيت ( 1000 كل ألف كيلو )
مكنة خفيفة يعني هتدخل فى قصة عمرة موتور او يا اما هتشترى موتور استيراد ده مبدائيا
وكمان فيه صوت فى الفتيس يمكن يكون بلية أو شيئ أخر ودة يبان بعد فك الفتيس
صوت فى الفتيس من الممكن ان يكون طقم دبرياج او يكون فى ترس مكسور فى الفتيس يعني ممكن تدخل فى قصة فتيس استيراد وتسقطه ويا عالم وانت وحظك
والراجل صاحبها ( معلي المكنة يعني عداد rpm عالي وهية واقفة على الأرض قبل ماتمشي )
يعني ايه معلى الار بى ام اللى فهمته من كلامك ان هيه على السلانسيه كمان مش مظبوطة
وكمان فية بستم ساقط بمعني ممكن يكون فية بستم مش شغال ودة كلام الميكانيكي اللي شاف العربية ودة من طرفي انا وصاحبي هوة ميكانيكي ديزل بس شاطر جداً فى شغلة ويهمة أمري .
زى ماقلتلك قبل كده يعني برده فتح موتور ودخولك فى دوامة عمرة
الميكانيكي قال أحنا لو هناخد العربية هتبقي زي البطيخة ممكن يكون فيها شغل بسيط أو مشاكل كتير .
العربية معروضة على 27.000 ألف ودة كلام نهائي
عربية بالحالة دى والسعر ده كتييييييييييييييييييييير اوى عليها لسببين الاول موتور يا اما عمرة او موتور استيراد والسبب الثانى قصة الفتيس
أرجو منكم النصيحة ياتري أشتري العربية ولا اية مع العلم أن العربية أو عربية هاجيبها عجباني جداً كشكل وفرش ولون .
العربية مانحكمش عليها من الشكل والفرش واللون لان دى حاجات فرعيات مش اساسيات وبعدين انت لسه مشوفتش حالة العفشة بتاعتها ايه
وأسف على الإطالة وأرجو أن أكون وضحت لكم الموضوع وبرجاء الرد بسرعة لو أمكن علشان نازل اشتري العربية قريب

ودة لينك الاعلان
سكودا فليشيا موديل 1997 لون زيتي فابريكا دواخل رش حديث من ثلاثة اشهر وبطارية وكواتش تيوبلس جديد خمسة جنوط سبور مقاس 13 راديوفلاشة بالريموت كبالن جديدة وتظبيط العفشة ممتازة وفرش جلد لونين اسود ورمادي فوق فرش الفابريكا الارضية جلد فوق موكت الفابريكا فوانيس شبورة امامية وخلفية شكمان ديفل صوته مميز دواخل فابريكا بالكامل مرور مدينة نصر رخصة باسمي سارية سنتين ونصف وماشية 200,750 كم

نصيحة شوف عربية تانية بنفس السعر ده وهتكون حالتها افضل بكتيييييييييييير من دى وربنا يوفقك فى عربية كويسة ومش متهانة