الموضوع: النقاش سارح عليا تمام

السلام عليكم
ياريت ياجماعه لو حد بيفهم فى النقاشه ولو يعرف الاسعار بتاعت السنه اللى فاتت كنت عاوز اعرف تمن معجون اسمه اتش بي تقريبا والشكاره بتفرد على مساحه قد ايه والبستله البوهيه النص لامعه جوتن وسايبس بكام
وكنت عاوز اعرف سعر السيلر ويفرد على اد ايه برده
انا شقتى حوالى ٧٠ متر صاله ٣ ونص فى سته ونص واوضتين اربعه فى اربعه وطرقتين حوالى تسعين فى متر ونص
وسقف الصاله كله بالطرقتين بحته كبيره فى اوضه معمول جبس بورد
وكنت جبت واحد عملى الجبس بورد بمعجون ولزق حاجه زى شاش كده
وكنت برده عاوز اعرف الجبس بورد هياخد اربع سكاكين معجون زى الحيطه ولا لا مع العلم ان المحاره نضيفه جدا والف شكر

ياريت اللى يعرف اى معلومه او تفاصيل يكتبها لانى محتاج المعلومات دى ضرورى

المشاركة الأصلية كتبت بواسطة hema_lancer

الجبس بورد مدام اخدت معجونة يبقي فاضلة سكينة او اتنين اخرة
الحوائط من 2 الي 3
شقتك تاخد حوالي من 8 الي 10 شكاير معجون ب 3 سكاكين
دهانات جوتن نص لمعة غالبا 230 -250

الف شكر على الرد