الموضوع: الاستشارة الكبيرة بقي بعد الشراء

المشاركة الأصلية كتبت بواسطة mahmoud.emad

الحمدلله جبنا فانتازيا ٢٠١٠ مانوال خليجى ، و كان عندى كام سؤال ، هل في اى تحديث لسوفتوير العربية ممكن يتعمل عشان تبقي كل حاجة اب تو ديت يعنى
عندى زرار السنتر لوك اللى جنب الفتيس مش شغال ايه الاسباب المحتملة
هل ممكن اوصل الموبايل بالبلوتوث و اشغل ميديا ولا للمكالمات بس ،
التكييف كويس اوى بس الهوايات اللي فى النص هواها ضعيف يا ترى ايه السبب ، فلتر عايز يتنصف؟
عندى بابا الازاز بتاعه بيتقفل و ييجى قبل الاخر يرد تانى كأنة قابل مقاومة و بيعمل صوت تزييق كده يا ترى ايه السبب ؟

كمان عايز اعمل نسخة تانية من المفتاح الريموت عشان صاحبها مكنش معاه غير واحد هيكلف كام و لازم فى التوكيل ولا ممكن اى مكان
ايه افضل زيت استخدمه
مياة خضرا ولا حمرا افضل
اصين كل اد ايه و فين
اخيراً انا بفكر اشترى كابل للعربية و السوفتوير بتاع الصيانة بتاعها هل الخطوة دى ضرورية ولا مصاريف على الفاضى

اسف للاطالة و شكراً مقدماً

السلام عليكم و رحمة الله و بركاتة
الرد تحت كل سوال :-
و كان عندى كام سؤال ، هل في اى تحديث لسوفتوير العربية ممكن يتعمل عشان تبقي كل حاجة اب تو ديت يعنى

- مفيش حاجة اسمها ابتوديت و سوفت وير لعربية مانيول .. وكلة ضحك علي الدقون..

عندى زرار السنتر لوك اللى جنب الفتيس مش شغال ايه الاسباب المحتملة

- الاسباب عدموصول الفيشة الخاصة بالزرار او تلفها . اوتلف الزرار . او فيوز

هل ممكن اوصل الموبايل بالبلوتوث و اشغل ميديا ولا للمكالمات بس ،
- لا للمكالمات فقط
التكييف كويس اوى بس الهوايات اللي فى النص هواها ضعيف يا ترى ايه السبب ، فلتر عايز يتنصف؟

ممكن يكون سافنج الهواية مانع مرور الهواء

عندى بابا الازاز بتاعه بيتقفل و ييجى قبل الاخر يرد تانى كأنة قابل مقاومة و بيعمل صوت تزييق كده يا ترى ايه السبب ؟

ماكينة الزجاج و دة مشكلة شائعة

كمان عايز اعمل نسخة تانية من المفتاح الريموت عشان صاحبها مكنش معاه غير واحد هيكلف كام و لازم فى التوكيل ولا ممكن اى مكان

تتكلف في حدود 700

ايه افضل زيت استخدمه

شل او كاستورال


مياة خضرا ولا حمرا افضل

حمراء و مش اي حمراء ( أصلي او هيبو )

اصين كل اد ايه و فين
اخيراً انا بفكر اشترى كابل للعربية و السوفتوير بتاع الصيانة بتاعها هل الخطوة دى ضرورية ولا مصاريف على الفاضى

مهم و هينفعك

تحياتي
م . طارق العدوي

الافضل صيانه شامله زى صيانه ال60 كده وتبدأ مع العربيه بجدول صيانه مظبوط
والمشاكل اللى عندك دى بسيطه جدا ان شاء الله

والف مبروك ربنا يعطيك خيرها

المشاركة الأصلية كتبت بواسطة ahmedjuddy

هو منسق القسم بيرد على ناس و ناس ?

لا ابدا مبردش علي ناس و ناس بس لو حضرتك قريت ردي الاولاني كنت شفت ردي علي سوالك
...
تحياتي
م . طارق العدوي

المشاركة الأصلية كتبت بواسطة ahmedjuddy

يا استاذ طارق حضرتك كاتب .... مهم و هينفعك ....
أنا كدا مفهمتش حاجه.
أنا بسأل هو الكابل ده لزمته ايه و بيركب فين و ما معنى سوفت وير الصيانه .
أنا عندي لما بعمل صيانه كل 10000كم المهندس في التوكيل بيظبط كمبيوتر السياره على كدا ولما العشره تقرب تخلص بيديني انذار . فأنا مش عارف ايه هي الزياده لما ينزل السوفت وير بتاع الصيانه ده وبينزل ازاي .. وشكرا لسيادتك

يا استاذ احمد موضوع السوفت وير دة ضحك علي الدقون
رقم اتنين الكابل اهميتة في كشف الاعطال و بيركب تحت جنب قطمة الدريكسيون .
رقم تلاتة موضوع ظبط تاريخ الصيانة دة عادي و دة اساسي لتذكيرك بموعد الصيانة القادمة
رقم اربعة انا عمري ما فرقت في رد بين حد او اي حد . حضرتك ممكن تراجع مواضيعي و حضرتك تعرف
تحياتي لحضرتك
م . طارق العدوي