مساعدة في اتخاذ قرار مهم

**remongamil** · 21-08-2015 07:12 PM

فكرة الانتقال من المعيشه في الصعيد الي الاستقرار ونقل جهه العمل لاحدي المحافظات الاتيه :

1) القاهرة ... متوفر فرصة اقامة ونقل جهه العمل , لكن الاذدحام والضوضاء والتعب النفسي

2) الغردقة ... متوفر فرصه اقامه ونقل جهه العمل , بلد جميله وهادئة ,لكن مافيش خبرة لطبيعه المعيشه بهده البلد

3) شرم الشيخ ... متوفر فرصه اقامه ونقل جهه العمل , بلد جميله وهادئه, لكن مافيش ايضا خبرة لطبيعه المعيشه بهذه البلد

من يستطيع النصيحه باي معلومه حتي لو بسيطة وصغيرة ياريت ما يتاخرش ... للمساعدة في اتخاذ القرار الاقرب للصحيح وشكرا

**htkamal** · 21-08-2015 08:16 PM

الاخ الكريم من وجهة نظرى الغردقة انسب لانها مدينه كبيرة وفى جميع مستويات المعيشة وتجد فيها السائح الغنى والمتوسط واللى جى على قد ميزانيتة مع الاخذ فى الاعتبار ان الغردقة مدينه قديمة فى الاساس بالنسبه لشرم فهى مدينه سياحية ومصممة على استقبال السائح الغنى

**Bassem Youssef** · 21-08-2015 08:30 PM

الغردقه و بعدين شرم و شيل القاهره من الحسبان

**ali ashraf** · 21-08-2015 08:49 PM

اخى الكريم اللى فهمته ان حضرتك الانفى الصعيد و عاوز تتجه شمالا و نصيحتى الغردقة و بالمناسبة الغردقة برضه شديدة القرب من الصعيد و دى ممكن تكون ميزة اضافية لقاطنى وجه قبلى ....انا قاهرى و قهرتنى زحمة و ضوضاء القاهرة و حاليا اخطو حثيثا لنقل حالى و محتالى الى الغردقة خطوة صعبة و اتغلب عليها بالتدريج فى كل خطوة .......الغردقة افضل من القاهرة و شرم الشيخ اذا تساوت امور العمل و دراسة الاطفال . و بالتوفيق

**MaZaGAngeE** · 22-08-2015 01:51 AM

ابعد عن القاهرة…
شرم الشيخ مملة جدا لو هتشتغل فيها و غالية جدا و هتقابلك مشكلة في المياه للشرب و الاستحمام…
الغردقة جميلة و جوها معقول و الحياة فيها اسعارها عادية جدا و فيها صعايدة كتير…

**remongamil** · 22-08-2015 10:47 AM

شكرا لحضراتكم علي النصائح الغالية والتفصيل والشرح الواضح ، وانا شايف ان الكلام كله في اتجاه واحد تقريبا وهو لصالح الغردقة كبلد هادئه واسعارها معقولة وتوافر الخدمات .... شكرا لحضراتكم