لادا جرانتا مصر – كل الحقائق والبروشور والمواصفات الكاملة والصور والأسعار

**ابو ياسمين** · 22-08-2015 03:35 PM

المشاركة الأصلية كتبت بواسطة rotanamasoud

والله يا ابو ياسمين انت استاذ فى التقارير حليت العربيه بالتقرير ده انت شغال معاهم ولا ايه
مش شايف اهم عيب فى العربيه 75 و92 والمبلغ ده يجيب فئات تانيه لها وضعها فى السوق
انا شايفها حتفشل لسعرها

فى الحقيقة انا محتار فى سعرها

وقد وضحت ماذا تأخذ منها مقابل 17000 جنية فقط كفارق سعر بين المانيوال والأوتو

فأما ان تكون الأوتو رخيصة الثمن

او تكون المانيول مرتفعة الثمن

او الأحتمالين معا !!

وجزيل الشكر على ردك فى التقرير

**ابو ياسمين** · 22-08-2015 03:45 PM

المشاركة الأصلية كتبت بواسطة احمد فهمى

بصراحه تقرير الوكيب نفسو ميعرفش يعملو تحياتي لك من فتره مفيش تقارير مميزه كده

اذا ماذا اقول عن تقارير حضرتك الرائعة والممتعة

خالص الشكر واسعدنى مرورك بالتقرير

**ابو ياسمين** · 22-08-2015 04:15 PM

المشاركة الأصلية كتبت بواسطة karim_monir

اخيرا تقرير قوي عن جرانتاتحياتي ليك وللتقرير القوى فعلا
اضيف ملحوظتين بس
التابلوه بفتحات التكييف قريب جدا من الداتشيا لوجان المملوكه لرينو ايضا

الفتيس ال zf هو الفتيس الخاص بالعلامه الالمانيه bmw
وانه احد اقوى شركات تصنيع الفتيس في المانيا والعالم

ومستغرب جدا وضعهم فتيس من شركه كبيره زي دي في عربيه اقتصاديه زي جرانتا
خالص تحياتي

حضرتك شرفت ونورت التقرير وأعتزازى الكبير برأيك فيه

وكلام حضرتك عن التشابه مع لوجان صحيح تماما وهذا جعلنى اقول فى بداية التقرير انى لاحظت فورا بصمات رينو على السيارة

وبالنسبة للفتيس فعلى الموقع الرسمى الروسى لسيارات لادا فأنهم يقولون ان الفتيس تصميم وتكنولوجيا zf الألمانية

ولكنهم لم يقولوا انه صناعتها وهذا بالضبط ما قلته فى التقرير

ولهذا اعتقد ان الفتيس مصنوع فى روسيا بناء على التصميم الأصلى وبترخيص من zf

وفى جميع الحالات فأن لادا اتخذت خطوة جيدة جدا بأعتمادها على فيتيس من شركة كبيرة جدا

وشكرا جزيلا للمرور بالتقرير وبالرد فيه

*****

الصورة من الموقع الرسمى الروسي لجرانتا

وبها شرح عن الفتيس يتضمن مصدره وتحمله لمدة 10 سنوات

**mif** · 22-08-2015 11:58 PM

شكرا ابو ياسمين على التقرير الممتاز
و انت استاذ بنتعلم من حضرتك ... فن و اصول التقارير

**mif** · 23-08-2015 12:08 AM

المشاركة الأصلية كتبت بواسطة rotanamasoud

والله يا ابو ياسمين انت استاذ فى التقارير حليت العربيه بالتقرير ده انت شغال معاهم ولا ايه
مش شايف اهم عيب فى العربيه 75 و92 والمبلغ ده يجيب فئات تانيه لها وضعها فى السوق
انا شايفها حتفشل لسعرها

مشكلتها سعرها المبالغ جدا
اسمها في روسيا سيارة الشعب
و هى سيارة الفقراء بجد
لو حتتجمع فى مصر مانيوال ب اخرها 55-50 و amt اخرها 65
(غير كدا استغلال توكيل)
لو استيراد مانيوال اخرها 65 و amt اخرها 80-85
بناء على اسعار البيع للمستهلك الروسي
التجار بيكون ليهم اسعار و التوكيل اسعار افضل
جمرك السيارة ال 1600 لحد ما تعدي من المينا بتعدي 60%
اما جمرك قطع الغيار بيكون 12% و دا بيحفض سعر منتج التجميع المحلي جامد

**M.Gomaa** · 23-08-2015 12:09 AM

تقرير أكثر من رائع و يستحق التثبيت
بس أنا ليا سؤال هل جرانتا تستحق الإقتناء و إمكانياتها و أدائها مقارنتا بالفئة السعرية هيكون أفضل من العربيات الصينى

**crazy car** · 23-08-2015 10:57 AM

تقرير رائع
ولو توافرت قطع غيارها باسعار رخيصة هتكون بديل للفيرنا والسيارات الصينى

بس هل موتورها هو نفس موتور اللادا القديم

**ابو ياسمين** · 23-08-2015 09:17 PM

المشاركة الأصلية كتبت بواسطة mif

شكرا ابو ياسمين على التقرير الممتاز
و انت استاذ بنتعلم من حضرتك ... فن و اصول التقارير

هذا تواضع منك يا عزيزى mif ودائما استفيد بمشاركاتك وموضوعاتك الجميلة فى المنتدى

وشكرا لمرورك بالتقرير

**ابو ياسمين** · 23-08-2015 09:31 PM

المشاركة الأصلية كتبت بواسطة m.gomaa

تقرير أكثر من رائع و يستحق التثبيت
بس أنا ليا سؤال هل جرانتا تستحق الإقتناء و إمكانياتها و أدائها مقارنتا بالفئة السعرية هيكون أفضل من العربيات الصينى

لكل سيارة مميزاتها وهناك عوامل كثيرة تحدد الأفضلية بين السيارات

وجرانتا لم يكن الهدف منها اساسا بناء سيارة فاخرة ولم يكن هذا هدف لوجان ايضا

ولكن الهدف الأساسى ان تكون سيارة حديثة ومريحة وعملية وعائلية واقتصادية فى نفس الوقت

دون ان ننسى تمتعها بكماليات عالية دون شك فى الموديل الأوتو وبقدر جيد من الأوبشن فى المانيوال

فضلا عن انها جميلة التصميم والمظهر

ولكن ستبقى لهذه السيارة ميزة مهمة على منافسيها

وهى انها فى النهاية صناعة اوروبية تحت اشراف كامل وبتكنولوجيا رينو الفرنسية

وبها فيتيس اوتو من اكبر شركة فى العالم كما وضح لنا الأستاذ / كريم منير
مع شكرى وتحياتى

**ابو ياسمين** · 23-08-2015 09:38 PM

المشاركة الأصلية كتبت بواسطة crazy car

تقرير رائع
ولو توافرت قطع غيارها باسعار رخيصة هتكون بديل للفيرنا والسيارات الصينى

بس هل موتورها هو نفس موتور اللادا القديم

شكرا لردك الكريم

والسيارة بأكملها بما فيها المحرك لا علاقة لها بسيارات لادا القديمة

الموضوع: لادا جرانتا مصر – كل الحقائق والبروشور والمواصفات الكاملة والصور والأسعار

LinkBack

أدوات الموضوع

عرض

-

-

-

-

-

-

المواضيع المتشابهه

نيو اوبترا 2014 كل الحقائق الكاملة التى لا تعرفها والمواصفات والصور وأخر الأسعار

التقرير الشامل عن أوبل ادام بالفيديو والصور والأسعار والمواصفات

بالسعر والمواصفات الكاملة – شيفرولية سونيك الجديدة تصل إلى مصر رسميًا

غبور أوتو تطلق هيونداى i 20 محلياً , المواصفات الكاملة والأسعار

السعر والمواصفات الكاملة ل N96 فى مصر والامارات والسعودية وفرنسا وامريكا

الكلمات الدلالية لهذا الموضوع

المفضلات

المفضلات

ضوابط المشاركة