من الأخر كروز ولا سنترا وارجوكم ضرورى علشان لازم اشترى

**hossam_elwani** · 23-08-2015 12:18 AM

سنترا ثم كروز

**memo_p910** · 23-08-2015 01:39 AM

السيات توليدو
والله العربيه دي تحفه
ونازله في التوكيل 2016 اخر الشهر
تقفيل وجوده لا تضاهى

**ibrahimaly** · 23-08-2015 11:01 AM

المشاركة الأصلية كتبت بواسطة ROLAND

ان شاء الله عربيتى هتتباع خلاص وضرورى جدااا اجيب عربية تانية فى اسرع وقت (فى خلال اسبوع بالكتير) علشان كده محتاج رأيكم ضرورى بس محتاج رأى اما عن خبرة فى مجال السيارات عموما او عن تجربة شخصية لو سمحتم ,, بعد دراسة وبحث وجولات كتير على المنتدى ومع الأخذ فى الأعتبار انى عايز عربية تكون فى حدود 160 ألف بحد اقصى (ماينفعش جنيه زيادة) لاقيت طبعا سيارات كتير فى الشريحة دى لكن بعد استبعاد موديلات كتير ومع العلم انى محتاج عربية عائلية بقدر معقول من الأوبشن والاهم عندى عوامل الأمان والثبات والتوكيل وقوة السيارة ودلوقتى انا محتار جدااا بين الكروز والسنترا - الكروز موجودة فى السوق ومعروفة وثبتت وجودها من 2014 بعد تلافى عيوبها ودلوقتى موتورها وعفشتها بتوع الأسترا وعربية قوية وعيوبها التوكيل وفقيرة اوبشن وصالون ضيق - السنترا رغم انها معروفة جداا بره مصر لكن اول مرة تنزل مصر بس عربية نيسان صالون وشنطة واسعين جداا اوبشن معقولة وجميلة وخصوصا لو هاجيب الهاى لاين من عيوبها خايف من سعر اعادة البيع وخصوصا انها هاتتقفل فى مصر وسعرها هاينزل ومن عيوبها ان لسه العربية مش متجربة اوى يعنى ناس كتير بتشكر فيها وناس لأ - ياريت حد ينصحنى اجيب انهى فيهم - بالمناسبة انا فكرت فى السيات توليدو وبرضه خفت منها علشان عدم الأنتشار وسعر اعادة البيع وبرضه الأراء مختلفة فيها - مش هاجيب فلوانس مش هاجيب شارك مش هاجيب سيراتو مش هاجيب ياريس علشان مش عايز اضيع وقتكم ,, ارجوكم فى انتظار رأيكم

هات رينو ميجان السعر 167000 عربيه تحفة واوبشن عالى جداا جداا وثبات واضح وامان وواسعة جدا من جوة وشنطة بحر رغم انها هاتش باك ومن اهم مميزاتها خاصيه الركن الزكى اللى موجودة فى العربيات اللى زى الكورولا والاوكتافيا ودة رابط للمقارنة بين الكروز والسنترا والميجان مقارنة السيارات الجديدة - ContactCars.com
العربيه بصراحة تحفة اللى عنده كلام على العربيه عيوب او مميزات يا ريت يقولها

**ROLAND** · 23-08-2015 03:30 PM

المشاركة الأصلية كتبت بواسطة د.هشام

العربيتين الإتنين حلوين
لو انا حختار ، يبقى السنترا

تمام يا دكتور بس ليه؟ انا يهمنى اعرف ليه بتفضل السنترا

**ROLAND** · 23-08-2015 03:31 PM

المشاركة الأصلية كتبت بواسطة eng.mark

سنترا

معلش لو هاتعبك اعرف ليه تفضل السنترا

**ROLAND** · 23-08-2015 03:34 PM

المشاركة الأصلية كتبت بواسطة hossam_elwani

سنترا ثم كروز

رغم انك من ملاك الكروز بتقول سنترا ثم كروز ؟؟ يبقى ياريت لو سمحت تقولى ليه ؟ رأيك مهم جدااا بالنسبة لى اعرف ليه تفضل سنترا عن كروز وياريت بتفاصيل اكتر

**ROLAND** · 23-08-2015 03:36 PM

المشاركة الأصلية كتبت بواسطة ibrahimaly

هات رينو ميجان السعر 167000 عربيه تحفة واوبشن عالى جداا جداا وثبات واضح وامان وواسعة جدا من جوة وشنطة بحر رغم انها هاتش باك ومن اهم مميزاتها خاصيه الركن الزكى اللى موجودة فى العربيات اللى زى الكورولا والاوكتافيا ودة رابط للمقارنة بين الكروز والسنترا والميجان مقارنة السيارات الجديدة - contactcars.com
العربيه بصراحة تحفة اللى عنده كلام على العربيه عيوب او مميزات يا ريت يقولها

مع احترامى الشديد لرأيك لكن الميجان بره حساباتى خالص ومش لعيب فالعربية لكن لأنها لا تناسبنى مش اكتر

**د.هشام** · 23-08-2015 04:32 PM

المشاركة الأصلية كتبت بواسطة roland

تمام يا دكتور بس ليه؟ انا يهمنى اعرف ليه بتفضل السنترا

الموضوع اذواق، شكلها بيعجبني اكتر، وتدي إحساس بالفخامة اكتر، وأوسع. غير كدة الكروز فيها تعقيدات في صيانة الفتيس، وأنا بصراحة أي كلام ييجي جنب الموتور أو الفتيس، بيقلقني من العربية

**ROLAND** · 24-08-2015 01:06 AM

المشاركة الأصلية كتبت بواسطة د.هشام

الموضوع اذواق، شكلها بيعجبني اكتر، وتدي إحساس بالفخامة اكتر، وأوسع. غير كدة الكروز فيها تعقيدات في صيانة الفتيس، وأنا بصراحة أي كلام ييجي جنب الموتور أو الفتيس، بيقلقني من العربية

أشكر حضرتك

**hossam_elwani** · 26-08-2015 04:03 AM

المشاركة الأصلية كتبت بواسطة roland

رغم انك من ملاك الكروز بتقول سنترا ثم كروز ؟؟ يبقى ياريت لو سمحت تقولى ليه ؟ رأيك مهم جدااا بالنسبة لى اعرف ليه تفضل سنترا عن كروز وياريت بتفاصيل اكتر

العربيه ممتازه جدااا وفعلا العربيه القيمه مقابل المدفوع فيها ولكن توكيلها فااااااااااااااااااااشل وانسى حاجه اسمها ضمان فى اغلب تعاملك معاه وان حصل وتم تغيير قطعه فى الضمان فده بعد طلوع الروح

منصور من سىء الى اسوء رغم انه واخد من تمن العربيه 6000 جنيه تقريبا مقابل الضمان تخيل !!!

النيسان توكيلها مش مثالى ولكن اقل سوءاً

ولكن الكروز اكثر قيمه