الموضوع: من الأخر كروز ولا سنترا وارجوكم ضرورى علشان لازم اشترى

كروز افضل لعائلة صغيرة نوعا ما وتجربة خصوصا الجيل الجديد من 3 سنين
السنترا لعائلة أكبر وراحة افضل
من الآخر
لو بتتنقل بعائلتك فى كل مشاوريك يبقى السنترا افضل لك خصوصا لو فيه سفر كتيير
لو معظم مشاويرك لوحدك او واحد معاك تبقى الكروز افضل
تقبل مرورى

المشاركة الأصلية كتبت بواسطة hossam_elwani

العربيه ممتازه جدااا وفعلا العربيه القيمه مقابل المدفوع فيها ولكن توكيلها فااااااااااااااااااااشل وانسى حاجه اسمها ضمان فى اغلب تعاملك معاه وان حصل وتم تغيير قطعه فى الضمان فده بعد طلوع الروح

منصور من سىء الى اسوء رغم انه واخد من تمن العربيه 6000 جنيه تقريبا مقابل الضمان تخيل !!!

النيسان توكيلها مش مثالى ولكن اقل سوءاً

ولكن الكروز اكثر قيمه

يعنى لو انا فهمت كلامك صح يبقى لو هنقارن عربية قصاد عربية هتختار الكروز لأنها افضل قيمة مقابل السعر لكن بأضافة التوكيل هتختار نيسان علشان عيوب منصور كتوكيل صح؟؟
طب ينفع اتعبك ونقارن عربية قصاد عربية من غير توكيل ومن غير سعر يعنى نتكلم عن ثبات عن سحب عن موتور عن عفشة عن أوبشن عن عوامل امان ,, ولك جزيل الشكر

المشاركة الأصلية كتبت بواسطة scientist9508

بسم الله الرحمن الرحيم

أخى الفاضل طالب النصح الرشيد

سأخبرك بشىء ربما لن تسمعه إلا منى.

أرى أن السيارات الثلاثه متساويين و يقفون على مسافات شديدة التقارب من بعضهم جدآ و إن حسبت مجموع نقاط تفوق كل سياره ستجد فى النهايه أن كلهم متساويين.
انا بقارن بين السنترا والكروز فقط ولا حضرتك تقصد السيات توليدو كمان؟

لذلك أرى أن تستخدم قواعد و قوانين للتفاضل بينهم. مثل:

1 - كفاءة التوكيل ( و إن كان الثلاث توكيلات فشله). لاحظ أنك تشترى تكنولوجيا كتقدمه و معقده فى الثلاث سيارات مما يعنى أن ذهاب أى منهم للميكانيكى هو مخاطره جسيمه.
عندك حق بس يمكن تكون نيسان كتوكيل اقلهم سوء

2 - إرتياحك النفسى (أعنى النواحى الجماليه للسياره و هى أيضآ عنصر لا يمكن أبدآ إغفاله و خاصة عندما تكون السياره باهظة الثمن)
دى فعلا اكثر نقطة محيرة علشان الناحية الجمالية مش كاملة ممكن تكون العربية شيك من بره وفاشلة او صالون ضيق من الداخل او العكس صالون فخم وشيك وشكل خارجى سيئ

3 - هل تحتاج لأن يكون للوكيل مراكز صيانه خارج القاهره أم لا؟
لأ انا مقيم فى القاهرة تحديدا 6 اكتوبر

لكن إن ظللت تبحث عن مقارنه بين النواحى الفنيه بين السيارات الثلاث فأنت تضيه وقتك هباءآ منثورآ لأنك لن تصل إلى أى شىء . . . ببساطه لأن السيارات الثلاثه متساويين تقريبآ من النواحى الفنيه

هداك الله لأرشد أمرك و أقومه

السلام عليكم و رحمة الله و بركاته

فكل الأحوال اسمح لى اشكرك جدا على اهتمامك وردك ولكن سؤال اخير وارجو ان يتسع له صدرك وانا لدى خبرة فعلا قليلة بالسيارات ,, او افترضنا ان حضرتك بتتكلم عن السنترا والكروز والتوليدو ازاى بس هما متقاربين جداا فنيا وانا حاسس انهم مختلفين تماما كموتور وتكنولجيا ناقل حركة وابعاد سواء خارجية او داخلية واشكرك

المشاركة الأصلية كتبت بواسطة miam0502788391

كروز افضل لعائلة صغيرة نوعا ما وتجربة خصوصا الجيل الجديد من 3 سنين
السنترا لعائلة أكبر وراحة افضل
من الآخر
لو بتتنقل بعائلتك فى كل مشاوريك يبقى السنترا افضل لك خصوصا لو فيه سفر كتيير
لو معظم مشاويرك لوحدك او واحد معاك تبقى الكروز افضل
تقبل مرورى

بداية اشكر حضرتك جدا على ردك وياريت استفيد من رأيك اكتر من كده يعنى اكيد مش هاشترى عربية لمجرد انا هايركب معايا كام فرد او هسافر كام مرة ,, ياريت تقولى رأيك فى العربيتين من ناحية الثبات والسحب والنعومة والعفشة وعوامل الأمان والأوبشن واشكرك مرة اخرى

المشاركة الأصلية كتبت بواسطة roland

فكل الأحوال اسمح لى اشكرك جدا على اهتمامك وردك ولكن سؤال اخير وارجو ان يتسع له صدرك وانا لدى خبرة فعلا قليلة بالسيارات ,, او افترضنا ان حضرتك بتتكلم عن السنترا والكروز والتوليدو ازاى بس هما متقاربين جداا فنيا وانا حاسس انهم مختلفين تماما كموتور وتكنولجيا ناقل حركة وابعاد سواء خارجية او داخلية واشكرك

بسم الله الرحمن الرحيم

أخى الفاضل

ما هو أسفل كبوت السياره شىء يخص و يعنى الوكيل فقط (مادام يوفر قطع الغيار عند الإحتياج). ما يهمك و يخصك أنت الآداء ثم الآداء. فإن تباينت و إختلفت المكونات و التكنولوجيا ولكن الآداء متقارب أو متساوى فالنتيجه واحده (بالنسبه لك كمستخدم) و هى تساوى الجميع فى وجهة نظرك.

هداك الله لأرشد أمرك و أقومه

السلام عليكم و رحمة الله و بركاته

السنترا تكسب فى الوسع الداخلى وعالية عن الارض ونعمة وثبات مشكلة إعادة البيع أى عربية من نيسان بتنزل جامد فى البيع الكروز شكلها حلو ثبات تحفة وفيها أمان أحلى الكورى فى نظرى ولكن توكيل سمعتة مش حلوة وبهدلة ومعاملة زفت ودة يخسر عند بيع العربية وكمان السنترا لو حتقفل فى مصر حتبقى أفضل واحلى خد عندك اوبشن بالزيادة منها مثلا التكييف التاش مش البكر القديممممم اللى مبوظ شكل التابلو واكيد حيزودة حاجات تانية انا عن نفسى لو حاشترى يبقى سنترا وبرضة أسأل وخد اراء

انا هقولك رأيي الشخصي و قد يحتمل الصواب او الخطأانا لما كنت بشتري العربية من ١٠ شهور كنت بقارن بين فلوانس ،سيراتو،سنترا،كورولا
بالنسبة للسنترا انا شايف انها كعربية ممتازة سواء عفشة او موتور بس ليها عيوب
بالنسبه لي العربية فقيرة من جوه جداً جداً و الخامات من وجهة نظري سيئة
الشكل الخارجي كان قافلني و مريحنيش خالص
العربية بقالها سنة و مش منتشرة و اتوقع انها هتبقى عاملة زي البلوبيرد كده و مش هتلاقي مبيعات و ده هيأثر على قطع الغيار ، قريبي كان معاه نيسان مش فاكر نوعها بس هيا عاملة زي التيوتا افانزا و عمل حادثة و فضل ٦ شهور بيصلح فيها لعدم توافر قطع الغيار اللي هي عامل اساسي في اختيار اي سيارة بالنسبة للطرق اللي موجودة و السواقين البارعين اللي عندنا
بالنسبة للكروز اللي اعرفه انها عربية جيدة و منتشرة و قطع غيرها منتشرة و الناس اللي اعرفها و عندهم العربية بيشكرو فيها
انا جبت السيرتو هاي لاين بس منصحش انك تجيب الفئة اللي اقل منها عشان مش هتستمتع بالعربية و كمان مش هيكون فيها عناصر الامان زي ال ايه بي اس و اير باج
انصحك تفكر في الفلوانس عشان ده كان هيكون اختياري التاني بعد السيراتو

هو كان معاه فلوانس و باعها