الموضوع: محتار و عايز المشوره !!!!!!!

السلام عليكم و رحمه الله و بركاته ....
من كام يوم سمعت صوت زي صوت زقزقه العصفوره في فرده الكاوتش اللي ورا السواق في المطبات في الفانتازيا بتاعتي وكل ما اخد مطب اسمع صوت العصفوره ده . فا قلت يمكن العفشه عايزها تتربط وروحت بريدجستون .... ناس محترمه جدا و أمناء جدا ....
وقلت على المشكله . والراجل بتاع العفشه عندهم كشف على العفشه لقاها متربطه و أعاد تربيطها تاني و حط wd40 احتياطي في العربيه كلها من تحت ورا السواق على السوسته و المساعد و المسامير كلها و استنى شويه و طلعنا نجرب العربيه لقينا نفس الصوت في المطبات .. فكان رد الراجل ان فرده المساعد عمرها الافتراضي انتهى ...
بعد اذن الاساتذه المحترمين عندي كام سؤال :
1.ممكن فعلا يكون المساعد باظ?
2.لو روحت التوكيل هيعرفوا العيب فين ولا لما اقولهم فرده مساعد هيمسكوا في الكلمه علشان يدفعوني و خلاص?
3.وهل لو هو فعلا المشكله في المساعد بيتغير فرده واحده ولا الاثنين اللي ورا مع بعض ولو الاثنين بتغيروا مع بعض عايز اعرف ليه ..زي ما ناس كتير بتقول كدا ?
4.البطاحات بتتغير مع المساعدين الجديده ولا علي حسب حالتهم ?

وشكرا للجميع ..........

المشاركة الأصلية كتبت بواسطة eng.tarek eladwy

بصراحة معرفش لازم اشوف عشان اقدر احدد
ثانيا . فو واحد صاحبي لسة جايب مساعدين جديدة اصلي بالبطاحات بتاعتهم جداد اصلي لم يستخدمو تماما و بعد ما جابهم باع العربية بعدها بكام يوم من غير ما يركبو لو حضرتك عايزني اوصلك بية تحت امرك و هو ممكن تاخدهم بسعر اقل شوية من سعرهم دلوقتي بعد رفع الاسعار
-----------
تحياتي .
م . طارق العدوي

يا استاذ طارق المشكله اني مش عارف العيب فين و عايز اعرف ومش عارف اعمل ايه .
اروح على التوكيل و اكشف ولا اروح عند عفشجي يكشف عليها ولا اعمل ايه?
أنا سألت في التوكيل النهارده لقيت فرده المساعد الأصلي عامله 620 جنيه والبطاحات سعر الواحده 400 جنيه وسألت عند واحد عندنا في المنطقه بيبيع حاجات سكودا لقيت فرده المساعد ب 500 جنيه . وياريت تقولي اعرف منين ان العيب في المساعد