شاب محتار و محتاج المساعده و المشوره

**tiger_target** · 06-09-2008 04:26 PM

اخوكم احمد.... انا محتاااااار جدااااااااااااااااا انا لسه متخرج و بدأت شغل يعني (21 سنه) و عايز اجيب عربيه عشان شغلي بعيد جدا عن سكني يعني العربيه لازم تكون تستحمل مشوار بعيد كل يوم (العاشر من رمضان-اسماعيليه الصحراوي لحد المهندسين) كل يوم......عشان كده انا محتار جداااا(و اقصى مبلغ هدفعه 70000 او 72000 ده لو استلفت ) فكرت في عربيات كتير

-الاسبرانزا 1600 و كنت مبهور بيها بس خايف جدا منها عشان صيني و ممكن متستحملش
-الفيرنا بس عرفت اخبار وحشه جدا عنها و خوفتني منها انها خفيفه جدا و انا نفس قطع الاكسنت القديمه ولكن تم تجميعها في الفيرنا والله اعلم اذا كان الكلام ده صح؟؟؟
-الأفيو بس مشكلتها انا صالونها ضيق و غاليه شويه
-الفيات باليو ومش عارف اذا كانت فعلا كويسه ولا لأ و خايف من الوكيل و الصيانه و قطع الغيار
-الفيات سيينا شكلها الجديد حلو اوي و امكانيتها كويسه بس برضه خايف منها بسبب الوكيل و الصيانه و قطع الغيار

وفيه ناس قالولي على كسر الزيرو بس انا مش بحب المستعمل او بعنى تاني قلقان جدا منه...

افيدوني افادكم الله انا مش عارف اعمل ايه خصوصا ان خبرتي في السيارات ضعيفه..............ولو فيه اي اقتراحات عن عربيات تانيه انا مش عارفها او مخدتهاش في حسباني يا ريت تساعدوني........

**foxarc** · 07-09-2008 12:26 AM

الاسبيرانزا عربية جامدة جدا و بتستحمل انا عن نفسي بسافر بيها كل يوم من القاهرة للفيوم مكان عملي و برجع بيها يعني حوالي 180كم كل يوم و ماشاء الله زي الفل

**Hosam_Optrawy** · 07-09-2008 09:23 AM

العربيات المتاحه بالسعر ده
هيونداى فيرنا مانيوال كامله ( 72 الف ) وحاليا معمول عرض بمناسبة رمضان سعرها بقى ( 70 الف )
او ممكن تجيب اسبيرانزا ( 68 الف )
لو مش عايز التقفيل المصرى
فيرنا فيفا مانيوال كامله ( 70 الف )
او لو ينفع معاك الهاتش باك ممكن
كيا بيكانتو مانيوال كامله ( 64 الف )
كيا بيكانتو اوتوماتيك ( 70 الف )
واعتقد ان لو قدرت تزود شويه ممكن تجيب
شيفروليه افيو مانيوال ( 74 الف )
وحتى هى معمول عليها عرض حاليا من المنصور تخفيض 2000 جنيه بمناسبة رمضان يعنى سعرها بقى ( 72 الف ) بس على فكره دى هاتكون هاف اوبشنز فيها ( تكييف - باور - كاسيت )
يبقى الخلاصه :
1 - الافيو ( لو تقبل بالهاف اوبشنز )
2 - فيرنا فيفا ( لو مش عايز تقفيل مصرى على الاقل اضمن من الفيرنا والاسبيرانزا )
3 - كيا بيكانتو ( لو تمشى معاك الهاتش باك )
وربنا يوفقك فى الاختيار يا اخ احمد

**tiger_target** · 07-09-2008 10:54 AM

HANBOLY باشا بجد متشكر جدااا على التصنيف الجامد ده بس انا عايز استفسر عن حاجات مهمه لأني معنديش خبره كبيره عن العربيات

1)حسب معلوماتي ان البيكانتو 1100 cc بس هل موتور زي ده ممكن يستحمل مشواري كل يوم مع تكييف؟؟؟

2) الفيفا هيه فعلا تقفيل هندي؟؟؟ طيب لو كده التقفيل ده محترم ولا زيه زي المصري؟؟ و قطع غيارها ايه اخبارها؟؟؟

3)الأفيو انا حاسس انها جامده جدا و متشره و شكلها كويس اوي بس موضوع الهاف اوبشن ده مفيهوش حتى انذار للعربيه او ايرباج او سنترلوك او الزجاج الامامي كهرباء؟؟؟ انا مش عارف

و تفتكر يا باشا لو صنفناهم حسب التوكيل و خدمه ما بعد البيع ايهم احسن؟؟؟؟
و جزاك الله كل خيير

**foxarc** · 07-09-2008 11:20 PM

الافيو عربية كويسة جدا بس مشكلتها انها غالية الفول اوبشن بحوالي 79000 جم و متتخدعش باسعار الجرايد و هاف طبعا مش مرضية مع احترامي للمركات التانية بس انا شايف انها مش حلوه خالص لا تقفيل مصري و لا هندي و البيكانتو محركها ضعيف علي مشوار بعيد كل يوم مع استعمال تكييف انا رايي لو معاك فلوس الاقيو الكاملة اتوكل علي الله او هات الاسبيرانزا بجد عربية ممتعة في سواقتها

**ewermido** · 08-09-2008 12:45 AM

ابعد عن اسبيرانزا مع انها انتشرت بس بلاش منها
يعنى انا لو مكانك هبعد عنها
خليك فى افيو وفى كمان دايو لانوس عربيه محترمه جدا وكويسه وبردو ازواق ممكن تعجبنى ومتعجبكش
فا خليك فى فيرنا او افيو او لانوس لو عجباك بس بجد ابعد عن الصينى
وبردو الاختيار الاول والاخير ليك

**blazer** · 08-09-2008 01:22 AM

بوص :):)
انا شايف انك مش مقتنع باى عربيه من اللى انت كاتبهم
وده هيخليك مش مبسوط بلعربيه اللى انت هتشتريها و دى حاجه وحشه جدا لا قدر الله
انت لو تقدر انك تشترى عربيه اعلى منهم كلهم فى حدود 80 -85 الف بس تكون بلقسط منا غير اما تستلف من حد و تحاول تغطى ال 15 الف الزياده من مرتبك لو ظروفك تسمح ب كدا
العربيات اللى ارشحهاللك
دايو لانوس 65000-70000
الرينو الكليو 1.4 مانيوال فول اوبشن 74000
هيونداى جيتز 1.6 مانيوال فول اوبشن 76000
او فكر فى كسر الزيرو ممكن تقدر تجيب حين 2 او نوبيرا ودا حل افضل لو كشفت و اتأكدت نا العربيه تمام
و ربنا يوفقك

**Hosam_Optrawy** · 08-09-2008 06:09 AM

المشاركة الأصلية كتبت بواسطة tiger_target

HANBOLY باشا بجد متشكر جدااا على التصنيف الجامد ده بس انا عايز استفسر عن حاجات مهمه لأني معنديش خبره كبيره عن العربيات

1)حسب معلوماتي ان البيكانتو 1100 cc بس هل موتور زي ده ممكن يستحمل مشواري كل يوم مع تكييف؟؟؟

2) الفيفا هيه فعلا تقفيل هندي؟؟؟ طيب لو كده التقفيل ده محترم ولا زيه زي المصري؟؟ و قطع غيارها ايه اخبارها؟؟؟

3)الأفيو انا حاسس انها جامده جدا و متشره و شكلها كويس اوي بس موضوع الهاف اوبشن ده مفيهوش حتى انذار للعربيه او ايرباج او سنترلوك او الزجاج الامامي كهرباء؟؟؟ انا مش عارف

و تفتكر يا باشا لو صنفناهم حسب التوكيل و خدمه ما بعد البيع ايهم احسن؟؟؟؟
و جزاك الله كل خيير

1 - البيكانتو 1100 cc فعلا وهاتستحمل عادى المشاوير والتكييف

2 - الفيفا تقفيل هندى واكيد اكيد احسن من المصرى وقطع غيارها متوفره ورخيصه زى الفيرنا

3 - الافيو فعلا محترمه بس الهاف اوبشنز دى تخنق فعلا

ولو جينا للتوكيلات والخدمات يبقى المنصور رقم 1 يعنى الافيو
بعده ييجى كيا واخيرا هيونداى