الموضوع: مشكله هتجننى فى اوكتافيا a5 .............

المشاركة الأصلية كتبت بواسطة mostafa galal

الموضوع باختصار عربيتى اوكتافيا a5 2007 معايا بقالها سنتين زى الفل اول مشكله حصلت فيها من 4شهور الغيارات هنجت على الشاشة ولكن بتمشى عادى وتنقل عادى المهم كشفت عليها وظهر الايرور ومسحناه ونظفنا الفيشة الكبيرة بتاع الفتيس بالاسبراى والامور بقت تمام فترة كبيرة ظهر عندى مشكلة جديدة من اسبوعين كنت فى مشوار سفر حوالى 200 ك وكانت ماشيه على الطريق زى الفل او مادخلت البلد ومشيت بطئ فى اشارة الشاشة علقت على رقم 3 وانا واقف جيبت n ورجعت لdرزعت جامد والشاشة على الغيار رقم 3 ربنا الهمنى بطلت العربية وشغلت تانى ظبطت وبقت تمام خلصت مشوارى وقولت لما ارجع اكشف عليها تانى كشفت مالقيتش حاجه ومشيت بيها عادى تانى لمدة اسبوع ومن يومين اتكرر الموضوع تانى وانهى المشكله بفصل المفتاح لازم اشيله من العربية لو بطلتها وهو فيها وشغلتها تانى تظل نفس المشكله
الزيت متغير 118 الف وعداد حالى 140 الف وكشفت على الزيت قالى كويس
افيدونى بارك الله فيكم

السؤال مش امتى غيرت زيت الفتيس و بس ؟

و لكن هل غيرت زيت الفتيس بنوعه الاصلى ؟

المشاركة الأصلية كتبت بواسطة م أحمد

السؤال مش امتى غيرت زيت الفتيس و بس ؟

و لكن هل غيرت زيت الفتيس بنوعه الاصلى ؟

لا مش متاكد لانه شاريها متغير ومعايا فاتوره مكتوب فيها اصلى ولكن مكتوب طرف العميل

اليوم صباحا نزلت وقلت بسم الله وشغلتها لاقيت الشاشة زى الفل والتهنيجه راحت قلت الحمد لله روحت مشوارى هو مش كبير حوالى 7ك معملتش اى مشكله

طيب انا نويت اغير زيت وفلتر ايه رايكم ولا مش هيفيد وعايز اقولكم لما قرات السريفس مانوال بيقول ان المشكلة حاجه من اتنين
1 فيشة الفتيس
2 السولونويد رقم 1
الفيشة من الخارج نظيفه وزى الفل ممكن تكون من جوا البادى فالف نفسه

المشاركة الأصلية كتبت بواسطة طارق _عبد السلام

لو الفالف فيه مشكله هترزع معاك على طول.. اظن فيه حاجه تبع الكنترول.. ممكن فيشه بتعلق..احتمال

شكرا على مرورك ولكن تغيير الزيت هيفيد ولا هيبقى فلوس على الفاضى
وازاى اعرف الزيت كويس ولا لا والكمية مظبوطه ولا ناقصه
انا بغسلها كتير من بره ممكن يكون ده المشكله يعنى الميه بتعمل شورت فى حاجه