من اولها كده؟؟؟مساعده من فضلكم

**Mr S English** · 23-08-2015 05:22 PM

السلام عليكم ورحمة الله وبركاته ....
انا يا جماعه لسه جايب ماروتي من شهر كده ..المهم اتعلمت السواقه عليها وقولت اعملها السرفيس بتاعها غيرت سيور وفلاتر والمياكانيكي قاللي لازم تغير كوبلن خارجي لانه ضايع ..المهم جبت الاصلي بتاعها ب 450 جنيه من شارع دمشق من اكرم حمدي وركبهولي وهنا المشكله .....:b4_048: الميكانيكي اتصل بيا تاني يوم قاللي تعالي ضروري عشان يتاكد من حاجه ...روحت له قالي هربط ع معرفش ايه ....واكتشف فجأه ان الكوليه اللي ماسك جلده الكوبلن مقطوع والشحم بينزل ....راح جايب كوليه من عنده وظبطها ...المهم جيت اخرج النهارده قولت ابص عليه تاني لقيته برضه الكوليه اتقطع والكوتشه سايبه والشحم بينزل ....يا تري ده عيب في العربيه ولا في الميكانيكي ولا في الكوليه ولا في انا .......
اعذروني للاطاله وجزاكم الله خيرا

**Mr S English** · 23-08-2015 06:13 PM

30 مشاهده ومفيش ردود....في انتظار اراء حضراتكم

**م أحمد** · 24-08-2015 11:51 AM

نزول الشحم من الكوبلن تمهيد لتلف الكوبلن و اللى بيحفظ الشحم هى الكاوتشة و دى بتتربط عن طريق الكوليه

من كلامك يبقى هو ربط الكوليه ساعة لما كان الكوبلن جديد

و ربطه ساعة لما اتصل بيك

و انت لقيته فاكك تانى بعد ما ربطه ( بعد ما اتصل بيك )

لا تظلم الكوليه او السيارة !!! بل لا تظلم الكوبلن القديم !!!

**scientist9508** · 24-08-2015 07:36 PM

بسم الله الرحمن الرحيم

اخى الفاضل

انا من ملاك الماروتى (جديده) منذ 6 سنوات و على مدى هذه السنوات السته (و انا استخدامى للسياره شاق) لم تحدث اى مشكله للكبالن.

انصحك بتغيير المكيانيكى

السلام عليكم و رحمة الله و بركاته