الموضوع: أخبار من التوكيل -- و ملف جدول صيانة الجين 2

المشاركة الأصلية كتبت بواسطة khpopo

شكرااا اخ توت على مجهوداتك مع جين2 الجميلة :k4: وهى تستاهل كل خير لانها اثبتت وجودها بنفسها بدون ادنى مساعدة من الوكيل ودلوقتى لازم يتحرك باسرع مايمكن للمنافسة العالية ودة من حظها الحلو انك بتساندها كمان احسن حاجة فى الدنيا لما تحس انك اسعدت انسان
ربنا يوفق

منور يا باشا .....و العفو و فعلا أنا متفق معاك
العربية بيطلع عليها أشاعات بالهبل و مع ذلك .....ما شاء الله بتبيع كويس قوي و ده دليل إن الأشاعات كلها كدب في كدب و أغلبها تأليف و فتي
و أنا شايف إن التوكيل بيتحسن و ده شئ ايجابي لأسم التوكيل و أسم السيارات اللي معاه وكالتهم زي بروتون و سيتروين و الكرايزلر و البي ام و الشيروكي و الدودج .......... ربنا يكرمه و يكرمنا للأحسن بإذن الله تعالى

المشاركة الأصلية كتبت بواسطة Boody8882

ربنا يباركلك ويكرمك
ألف شكرآ
على تعبك معانا

العفو يا أخي الكريم و ربنا يباركلك

المشاركة الأصلية كتبت بواسطة elmadawy

شي جميل وإن شاء الله التوكيل في تقدم علشان جميله الجميلات الجين 2 علي راي الاستاذ توت
لكن عايز اقول حاجه انا شايف ان الاهتمام في فرع القاهرة واين فرع الاسكندريه من كل هذا ياريت يا استاذ توت ترد علي هذا السؤال وشكرا

أهلا بيك يا باشا و منور
الأستاذ آمر بيتكلم عن كل الفروع و اللي عنده أي مشكلة يكلمه و إن شاء الله تتحل ........ و أحنا بنتكلم عن شركة و توكيل عز العرب و ليس فرع الصحراوي .... لذلك كل التحسينات إن شاء الله ستتطول كل الفروع و اللي عنده مشكلة ....... لا يتردد في الأتصال بالمهندس آمر و إن شاء الله تتحل

المشاركة الأصلية كتبت بواسطة MohabSaeed

مش جديد على الكينج توت عنخ امون المجهودات الخارقه ديه
" النجم الساطع فى قسم بروتون ... اكيد توت عنخ امون "

تسلم ايدك يا استاذ توت
و شكر كبير ل المهندس امر " الى واضح فعلا انه عاوز يعمل تغير فى سياسه التوكيل "
بس انا لسه فى انتظار اعاده النظر فى اسعار قطع الغيار
و اتمنى انى اشوف قايمه اسعار الواجا قبل ما اموت , او قبل ما ابيعها " ايهما اقرب " .

منور يا أستاذ مُهاب يا كبير الواجاوية
ربنا يخليك و يكرمك و متشكر قوي على الكلام الجميل ده

و فعلا التوكيل بيتسحن و إن شاء الله هيكون أحسن من كدا خصوصا بعد فتح المركز الجديد للإصلاح خلف القرية الذكية ...... ربنا يسهل
و ليه بس كدا موضوع بيع العربية
إن شاء الله كل حاجة تبقى تمام و أنا شايف إن الواجا فعلا عربية محترمة قوي
ربنا يباركلك فيها و يقيك شر الطريق

المشاركة الأصلية كتبت بواسطة tweety26980

شكرااا للاستاذ توت ولكن اللينك بتاع الجدول مش شغال ياتوت
بليز ارفعه تاني
واشكرك

تويتي باشا
أولا العفو يا جميل و منور الموضوع يا عسل
أنا راجعت على الرابط الخاص بالملف و كله شغال تمام
أنتظر حتى نهاية تحميل الصفحة
ستجد في نهاية الصفحة كلمة صغيرة جدا مكتوب عليه
save file to your pc click here
إنما الرابط شغال يا باشا

المشاركة الأصلية كتبت بواسطة momenhamdy

طبعاً انا عارف اني اتأخرت اوي عليك يا توت في الشكر
مع ان الشكر دي كلمه صغيره جداً جداً علي المجهود الرهيب الي انت بتعمله يا توت
و بجد انا و الله عاجز عن الشكر ....... علشان انت انسان بتحاول علي اد ما تقدر تفيد الناس بطريقة بجد بجد محترمه جداً
و انا عارف ان الشغل دا مش غاريب علي واحد في شخصيتك يا توت بجد
بسم الله ما شاء الله .... و مفيش كلمه اروع من كدا اقدر اقولها علي مجهودك
و النهادره فعلاً ان اثبت لكل عضو او اي انسان ان فعلاً عز العرب فعلاً بيطور نفسه و ان هو بيهمه مصلحه عميل الخاص بي
دا غير الجدول الي مفيد اوي اوي لملاك الجين2

و ليك اجمل التحيات
:k49::k49::k49::k49::k49:

العفو يا أستاذ مؤمن و حضرتك منور في أي وقت و كفاية الذوق و الأخلاق و دي أهم من ألف كلمة شكر
ربنا يباركلك و يبارك لملاك الجين 2 في عربياتهم
بالنسبة للتوكيل فعلا زي ما قلنا قبل كدا أنه الحمد لله في تحسن مستمر و كمان الشركة الأم مهتمة جدا بالسوق المصري بعد المبيعات الكبيرة التي لم تكن متوقعة و فيه دورات تدريبية للعمال و الصنايعية والمهندسين في التوكيل و مراكز الخدمة التابعة له
و طبعا ده شئ كويس و يرفع من مستواهم العلمي و الفني علشان يقدروا يواكبوا التطورات في المجال ده ....... ألا و هو ....... إصلاح و صيانة جميلة الجميلات بطريقة أفضل للعملاء ........للحفاظ على أسم بروتون و كمان الحفاظ على رضاء العملاء و جذب عملاء جدد

استاذ توت ... 1000 شكر ع المجهود الرائع

المشاركة الأصلية كتبت بواسطة bethoven101

أرجوك محتاج جدول الصيانه ضروري جدا جدا جدا جدا

المشاركة الأصلية كتبت بواسطة abokartona

انا مش لاقى الفايل و لا لاقى حاجة من اللى بتقول عليها..ممكن تحط ال url فى وسط الصفحة

بتهوفن و أبو كرتونة ....... إن شاء الله يا رجالة أرفع الملف تاني بكرة الصبح علشان ده موضوع قديم من أيام سنة 2008
إن شاء الله أول ما أصحى الصبح هارفع الملف مرة تاني

المشاركة الأصلية كتبت بواسطة x512

مجهود رائع بس الاهم من النت اللاسلكي و اماكن الانتظار المكيفه....الصيانه تبقي بضمير و حسن معامله العميل...مش اما يواجه مشكله تلاقي العامل او المهندس يقولو هي كدا و متقارنش العربيه بعربيات تانيه

كلامك كله مظبوط يا باشا ...... فعلا الأهم العربية لما تروح تعمل صيانة تطلع و العميل راضي عنها .
بس برضه موضوع الانترنت اللاسلكي و غرفة الأستقبال .... حاجات كويسة .