أسباب ضعف السحب مع إستهلاك عالى للبنزين فى الأوبترا الأوتوماتيك

أولا خالص تحياتى لأعضاء المنتدى اللى برجو منهم يشاركوا فى الموضوع ده اللى معظمنا بيعانوا منه .. بلاش السلبية بتاعة ندخل عشان نشوف معلومة مكتوبة ناخدها ونجرى وخلاص .. لأنك يوم ما بتحتاج معلومة وتطلبها ف موضوع بتتضايق لما تلاقى الناس تدخل تبص وتطلع من غير ما تكلف نفسها دقيقتين تكتب فيهم معلومة تكون عندهم ويكبروا دماغهم :00020191:
ماحدش يزعل من الكلام بس للأسف ده بيحصل مع أعضاء كتير .. طبعا مش كل الأعضاء كدة .. فى ناس بتجتهد وبتكتب وبترد وبتفيد الناس ويستحقوا التحية بجد :S_thum1[1]:
ثانيا نيجى لموضوعنا :
أنا عربيتى أوبترا أوتو 2010 .. أنا تانى يد .. أول ما اشترتها غيرت كل حاجة (كل السيور - كل الزيوت - كل الفلاتر - البوجيهات - تنظيف الرشاشات والحساسات والمانافول) ماسيبتش حاجة
بالنسبة للزيوت أنا حطيت للموتور زيت ميجوين 5-30 (ليكوى مولى سابقا) وللفتيس الأوتو حطيت برده ميجوين ATF III ... الحقيقة بعد كل ده سحب العربية كان معقول جدا لكن سحب البنزين عالى شوية (170 كم/صفيحة) طرق سريعة وبطيئة
الصيانة الأخيرة: غيرت بوجيهات GM أصلى وجبتها من التوكيل بنفسى .. وغيرت الزيت وخليته (شل للموتور) و (موبيل ATF 320) للفتيس الأوتو ,, والحقيقة معدل التسارع بقى أضعف وسحب البنزين بقى أعلى (155 كم/ صفيحة) وبرده طرق سريعة وبطيئة .. للعلم كل ماسبق بالتكييف سواء بالزيوت الأولى أو التانية .. أديكم شايفين الجو النار اللى احنا فيه :angry35:
طبعا كدة لا أداء العربية كويس ولا التسارع كويس ولا معدل سحب البنزين كويس ..
أنا كتبت تجربتى وياريت اللى عنده معلومة مايبخلش بيها وخلينا كلنا نستفيد من الموضوع ده لأنه أكيد مش أنا بس اللى بتابع الموضوع ده ومش أنا بس اللى عندى المشكلتين دول .. أكيد كلنا عايزين نعرف إزاى نخلى العربية تبقى خفيفة وسحبها حلو ، ونعرف إيه أفضل أنواع زيوت للموتور وللفتيس وتكون متوافقة مع مواصفات Dexron 6 ... وكمان مشكلة معدل استهلاك البنزين العالى ..
مع الشكر ،،،

اقتباس:

---

المشاركة الأصلية كتبت بواسطة braveheart_13

أولا خالص تحياتى لأعضاء المنتدى اللى برجو منهم يشاركوا فى الموضوع ده اللى معظمنا بيعانوا منه .. بلاش السلبية بتاعة ندخل عشان نشوف معلومة مكتوبة ناخدها ونجرى وخلاص .. لأنك يوم ما بتحتاج معلومة وتطلبها ف موضوع بتتضايق لما تلاقى الناس تدخل تبص وتطلع من غير ما تكلف نفسها دقيقتين تكتب فيهم معلومة تكون عندهم ويكبروا دماغهم :00020191:
ماحدش يزعل من الكلام بس للأسف ده بيحصل مع أعضاء كتير .. طبعا مش كل الأعضاء كدة .. فى ناس بتجتهد وبتكتب وبترد وبتفيد الناس ويستحقوا التحية بجد :s_thum1[1]:
ثانيا نيجى لموضوعنا :
أنا عربيتى أوبترا أوتو 2010 .. أنا تانى يد .. أول ما اشترتها غيرت كل حاجة (كل السيور - كل الزيوت - كل الفلاتر - البوجيهات - تنظيف الرشاشات والحساسات والمانافول) ماسيبتش حاجة
بالنسبة للزيوت أنا حطيت للموتور زيت ميجوين 5-30 (ليكوى مولى سابقا) وللفتيس الأوتو حطيت برده ميجوين atf iii ... الحقيقة بعد كل ده سحب العربية كان معقول جدا لكن سحب البنزين عالى شوية (170 كم/صفيحة) طرق سريعة وبطيئة
الصيانة الأخيرة: غيرت بوجيهات gm أصلى وجبتها من التوكيل بنفسى .. وغيرت الزيت وخليته (شل للموتور) و (موبيل atf 320) للفتيس الأوتو ,, والحقيقة معدل التسارع بقى أضعف وسحب البنزين بقى أعلى (155 كم/ صفيحة) وبرده طرق سريعة وبطيئة .. للعلم كل ماسبق بالتكييف سواء بالزيوت الأولى أو التانية .. أديكم شايفين الجو النار اللى احنا فيه :angry35:
طبعا كدة لا أداء العربية كويس ولا التسارع كويس ولا معدل سحب البنزين كويس ..
أنا كتبت تجربتى وياريت اللى عنده معلومة مايبخلش بيها وخلينا كلنا نستفيد من الموضوع ده لأنه أكيد مش أنا بس اللى بتابع الموضوع ده ومش أنا بس اللى عندى المشكلتين دول .. أكيد كلنا عايزين نعرف إزاى نخلى العربية تبقى خفيفة وسحبها حلو ، ونعرف إيه أفضل أنواع زيوت للموتور وللفتيس وتكون متوافقة مع مواصفات dexron 6 ... وكمان مشكلة معدل استهلاك البنزين العالى ..
مع الشكر ،،،

---

انت جبت البوجيهات بكام و هل نفس مواصفات القديمة
فى الغالب حتغير بوجيهات تانى

بناء على إيه بتقول إنى لازم أغير البوجيهات تانى؟
دى البوجيهات الأصلية gm وأنا جايبها من جوه التوكيل نفسه !!
وعموما هى سعرها فى التوكيل 138 ج

يا جماعة ...
هل فيه أسباب تانية لضعف السحب والتسارع غير البوجيهات والزيوت؟
وإذا كان كدة .. إيه الأفضل عن تجربة وليس عن تخمين؟؟
وهل يوجد حلول لعلاج الإستهلاك الزائد للبنزين؟؟؟
:help2:

مش عارف انت بتقول غيرت زيت الفتيس مرتين ليه وبعد كام كيلو متر راجع علي مقياس زيت الفتيس فزيادته تضعف السحب نتيجة عمل رغاوي في منظومة الفتيس الاوتو

طريقة القياس بتكون والسيارة علي ارضية مستوية والموتور شغال مشي عصاية الفتيس في جميع الغيارات وبعدين وقفه علي آلn وشد الهاند بريك والموتور داير بص علي المقياس المفروض يكون بين علامتين الساخن

اقتباس:

---

المشاركة الأصلية كتبت بواسطة ahmedsrs

مش عارف انت بتقول غيرت زيت الفتيس مرتين ليه وبعد كام كيلو متر راجع علي مقياس زيت الفتيس فزيادته تضعف السحب نتيجة عمل رغاوي في منظومة الفتيس الاوتو

---

أنا غيرت زيت الموتور لأنه خلص الـ 10 آلاف كم بتوعه .. أما زيت الفتيس فده ماغيرتوش بمزاجى ، هو للأسف إتسرب من اللاكور اللي بين الفتيس وبين الرادياتير وللأسف برده إضطريت أغير الرادياتير بالكامل لأن مفيش علاج للموضوع ده غير كده .. أما بالنسبة لقياس الزيت فهو مظبوط لأنى بغيره فى مركز محترم ، ده غير إنى بركب عربيات أوتوماتيك من زمان وفاهم المواضيع دى

اقتباس:

---

المشاركة الأصلية كتبت بواسطة ahmedsrs

طريقة القياس بتكون والسيارة علي ارضية مستوية والموتور شغال مشي عصاية الفتيس في جميع الغيارات وبعدين وقفه علي آلn وشد الهاند بريك والموتور داير بص علي المقياس المفروض يكون بين علامتين الساخن

---

عذرا يا أستاذ أحمد ولكن كل كلامك مظبوط ماعدا إننا نوقفه على الـ n .. الصح إننا هنوقفه على الـ r

السلام عليكم ورحمة الله وبركاتة
مرحبا أخى الكريم
العربية ماشية كام كيلو
وهل لم بتعمل كيك داون صوت الموتور بيعلى مع تجميع بتحس أنو مخنوق
غيرت فلتر الهوا ونضفت البوابة
الرشاشات نضفتها قريب ولا لأ

اقتباس:

---

المشاركة الأصلية كتبت بواسطة lancer06

السلام عليكم ورحمة الله وبركاتة
مرحبا أخى الكريم
العربية ماشية كام كيلو
وهل لم بتعمل كيك داون صوت الموتور بيعلى مع تجميع بتحس أنو مخنوق
غيرت فلتر الهوا ونضفت البوابة
الرشاشات نضفتها قريب ولا لأ

---

أولا شكرا لردك ولأسلوبك الراقى ..
ثانيا بالنسبة لأسئلتك .. العربية عاملة عالعداد 147 ألف كم ولكنى أشك إن العداد متغير قبل ما أشتريها لأنها موديل 2010 والحالة فابريقة وده دليل على إنه العداد حصل فيه تلف معين وتم تغييره بواحد تانى إستيراد كان عامل 130 ألف .. فبالنسبة للنقطة دى مش هنقدر نحددها بدقة .. وأنا ماقابلتش صاحبها الأصلى لأنى اشتريتها عن طريق وسيط
بالنسبة للكيك داون فهو كويس ولكن مش بنفس الإستجابة السريعة قبل تغيير الزيت ، وده طبعا بيدينى إحساس إن الموتور عالي ومخنوق نسبياً.
فلتر الهوا أنا مغيره من ألفين كم قبل تغيير الزيت .. ونضفت البوابة قبل تغيير الزيت والبوجيهات بألف كم.
أما الرشاشات فأنا مابنضفهاش عند حد لأنى بحس إن كلهم نصابين وبيبيعولنا الهوا وخصوصا مركز الصفا .. ولكنى بنضفهم عن طريق إضافة عبوة تنظيف الرشاشات "ميجوين" (ليكوى مولى سابقا) على تفويلة تانك بنزين كل 2000 إلى 3000 كم ، والحقيقة بقالى أكتر من 4000 كم ماحطتش ولا عبوة
أنا كدة جاوبتك على كل الإستفسارات عشان أكيد ليك هدف من معرفة المعلومات دى أولا
وبشكرك مرة تانية ..

السلام عليكم ورحمة الله
أنا تحت أمرك لو نقدر نفيد بعض بأى شىء مهما كان صغير لان دا الهدف من المنتدى أننا نساعد بعض

أنا سألت حضرتك العربية عاملة كم كيلو وحضرتك ذكرت أنها وقت ما أشتريتها كنت عاملة 130 ودلوقت عاملة 147 ودا بالنسبة لسنة الصنع رقم مش قليل ودا بيدى أحتمال أن اللى قبلك كان بيمشى بالعربية كتير وممكن كمان يكون من النوع اللى بيتأخر على العربية فى الصيانة الدورية ومن أهمها الزيت لأن زى ما حضرتك عارف الزيت حياة الموتور والفتيس

أسف على الإطالة فى الكلام

تعالى نفكر بصوت عالى
المشكلة من كلامك لاحضتها بعد ما غيرت زيت الفتيس المرة الأخيرة
يبقى حاول تقف هنا شوية
هل من الممكن أنك مشيت على الزيت وهو ناقص بعد مشكلة التسريب
وسؤل أخير هل بتلاحظ نتشة فى الغيارت كنك سايق مانيوال

حاله الموتور بصفه عامله كام % تقريبا
وحاله الفتيس فيه اي مشاكل فيه

اقتباس:

---

المشاركة الأصلية كتبت بواسطة BraveHeart_13

عذرا يا أستاذ أحمد ولكن كل كلامك مظبوط ماعدا إننا نوقفه على الـ n .. الصح إننا هنوقفه على الـ r

---

لا مش بتوقفه ولا علي N ولا R بتوقفه علي الP

https://photos-3.dropbox.com/t/2/AAD...60&size_mode=2

اقتباس:

---

المشاركة الأصلية كتبت بواسطة lancer06

السلام عليكم ورحمة الله
أنا تحت أمرك لو نقدر نفيد بعض بأى شىء مهما كان صغير لان دا الهدف من المنتدى أننا نساعد بعض

أنا سألت حضرتك العربية عاملة كم كيلو وحضرتك ذكرت أنها وقت ما أشتريتها كنت عاملة 130 ودلوقت عاملة 147 ودا بالنسبة لسنة الصنع رقم مش قليل ودا بيدى أحتمال أن اللى قبلك كان بيمشى بالعربية كتير وممكن كمان يكون من النوع اللى بيتأخر على العربية فى الصيانة الدورية ومن أهمها الزيت لأن زى ما حضرتك عارف الزيت حياة الموتور والفتيس

أسف على الإطالة فى الكلام

تعالى نفكر بصوت عالى
المشكلة من كلامك لاحضتها بعد ما غيرت زيت الفتيس المرة الأخيرة
يبقى حاول تقف هنا شوية
هل من الممكن أنك مشيت على الزيت وهو ناقص بعد مشكلة التسريب
وسؤل أخير هل بتلاحظ نتشة فى الغيارت كنك سايق مانيوال

---

تخمين حضرتك مظبوط ..
فعلا الزيت فضل ينقص نقطة نقطة على مدار عدة أيام لحد ما بدأت أحس إن الفتيس بينتش (كأنه بيهبد) عند التغيير من d إلى r أو العكس أو فى الغيارات بصفة عامة .. وبعدها بكام يوم روحت لمركز الصيانة عشان أشوف سبب الحكاية دى وطبعا إكتشفت الحكاية السابق ذكرها سلفا فى موضوعى وإن زيت الفتيس فى أدنى مستوى وطبة الزيت بتاعة الكارتيرة لما فتحناها نزلت زيت بس مش كتير يعنى ممكن نقول نصف الكمية اللى المفروض تنزل أو ربما أقل .. لكن حسب كلام المركز إن الحمد لله الفتيس سليم وإتلحق قبل ما يتحرق وتم عمل الصيانة وتغيير الزيت ثم موضوع تغيير الرادياتير .. لكن تخوفى هنا إن يكون الموضوع ده إتسبب فى عمل رايش جوه الفتيس !!

اقتباس:

---

المشاركة الأصلية كتبت بواسطة a7medelfe2y

حاله الموتور بصفه عامله كام % تقريبا
وحاله الفتيس فيه اي مشاكل فيه

---

بالنسبة للموتور فالحقيقة أنا ماعملتش قياس لحالة الموتور ولكن حسب كلام أكتر من مكان محترم إتعاملت معاهم بيقولوا كلهم نفس الكلام وهو إنه من 75 إلى 80%
أما الفتيس فالحمد لله مفيش مشاكل لحد دلوقتى لكن بعد المشكلة اللى شرحتها فى الموضوع هنا حاسس إن السحب بقى ضعيف نسبيا .. يعنى بشكل بسيط أو أقل نسبيا من قبل المشكلة .. وكان سؤالى هو: هل السبب من المشكلة دى ولا نوعية الزيت اللى تم تغييره؟!! ... وإيه هو أفضل زيت لفتيس الأوبترا الأتوتوماتيك من واقع خبرات الناس اللى جربت؟

اقتباس:

---

المشاركة الأصلية كتبت بواسطة mohamed_mohsen

لا مش بتوقفه ولا علي n ولا r بتوقفه علي الp

https://photos-3.dropbox.com/t/2/aad...60&size_mode=2

---

واضح يا أستاذ محمد إن كل واحد فاهم ومقتنع وبيتعامل مع عربيته برأى مختلف فى الموضوع ده .. بس أنا طول عمرى أعرف إننا بنقيسه وهى على الـ r !! ...
لكن عموما أنا مش متمسك برأيى .. لأن أكيد فى واحد بس صح والباقيين غلط .. يا ريت نتأكد من المعلومة دى لأنها مهمة جدا

السلام عليكم ورحمه الله
مرحبا اخى الكريم اتمنى تكون بأتم صحه وعافيه
نقص الزيت بيسبب تآكل اجزاء الفتيس الداخليه
وبالنسبه للشوائب فى فى كل فتيس كارتيره بتكون تحت الفتيس وفيها مصفاه المصفه دى فيها مغناطيس
وظيفته انه يجذب اى شوائب من القطع المتآكله علشان متدخلش لأجزاء الفتيس وبيكون شكلها زى الصوره دى

http://www.2carpros.com/images/artic...ission_pan.jpg
الاحتمال الاول فلتر فتيس مع تغيير زيت الفتيس مره تانيه

الاحتمال التانى يكون كلتشات فتيس ودى عباره عن اسطوانات زى الصوره دى
https://lh5.googleusercontent.com/pr...Q=w302-h422-nc
وظيفتها نقل السرعات

ودى بيحصلها تآكل من نقص الزيت وظيفتها هى وظيفه الديسك والاسطوانه فى الفتيس المانيوال وبتأثر على العزم

وومكن تتأكد منها اذا كان عندك غيار معين او اكتر بتلاحظ فيه ضعف العزم
لاكن دا مستبعد بإذن الله
ابدأ بتغير الفلتر والزيت وتنظيف المصفاه
واتمنى من الله ان يكون الموضوع بسيط
فى رعايه الله

اقتباس:

---

المشاركة الأصلية كتبت بواسطة BraveHeart_13

واضح يا أستاذ محمد إن كل واحد فاهم ومقتنع وبيتعامل مع عربيته برأى مختلف فى الموضوع ده .. بس أنا طول عمرى أعرف إننا بنقيسه وهى على الـ r !! ...
لكن عموما أنا مش متمسك برأيى .. لأن أكيد فى واحد بس صح والباقيين غلط .. يا ريت نتأكد من المعلومة دى لأنها مهمة جدا

---

ممكن توقفه على الp او n لكن الr مستحيل

اقتباس:

---

المشاركة الأصلية كتبت بواسطة BraveHeart_13

واضح يا أستاذ محمد إن كل واحد فاهم ومقتنع وبيتعامل مع عربيته برأى مختلف فى الموضوع ده .. بس أنا طول عمرى أعرف إننا بنقيسه وهى على الـ r !! ...
لكن عموما أنا مش متمسك برأيى .. لأن أكيد فى واحد بس صح والباقيين غلط .. يا ريت نتأكد من المعلومة دى لأنها مهمة جدا

---

ده مش كلامي...ده كلام كاتالوج العربية
http://s11.postimg.org/ybln8rq37/gx_...Cj_r_Oy_Fc.png

السلام عليكم ورحمة الله وبركاتة
موضوع قياس مستوى زيت الفتيس
بيتم عن طريق
1- انك تمشى بالعربية مدة لا تقل عن 10 دقائق
2- وقوف العربية فى أرض مستوية
3- تغيير السيلكتور على جميع النقلات مع كل مرة بتنقل على غيار نصبر ثونى وبعدين ندى الغيار اللى بعدة طبعا والعربية واقفة للتأكد من بلوغ الزيت كل مسارات الفتيس
4- توقف السيلكتور على P أو N
5- سحب مؤشر القياس ومسحة ثم تركيبة فى مكانة ثم سحبة مرة أخرى والتأكد أنة بين مؤشر Min و MAX الخاص بـ HOT
دى طريقة القياس الصحيحة من كتالوج كيا ولانسر
والبنسبة لو هتقيس الزيت والعربية باردة هيكون المؤشر عند MIN و MAX الخص بـ Cool

اقتباس:

---

المشاركة الأصلية كتبت بواسطة lancer06

السلام عليكم ورحمه الله
مرحبا اخى الكريم اتمنى تكون بأتم صحه وعافيه
نقص الزيت بيسبب تآكل اجزاء الفتيس الداخليه
وبالنسبه للشوائب فى فى كل فتيس كارتيره بتكون تحت الفتيس وفيها مصفاه المصفه دى فيها مغناطيس
وظيفته انه يجذب اى شوائب من القطع المتآكله علشان متدخلش لأجزاء الفتيس وبيكون شكلها زى الصوره دى

http://www.2carpros.com/images/artic...ission_pan.jpg
الاحتمال الاول فلتر فتيس مع تغيير زيت الفتيس مره تانيه

الاحتمال التانى يكون كلتشات فتيس ودى عباره عن اسطوانات زى الصوره دى
https://lh5.googleusercontent.com/pr...q=w302-h422-nc
وظيفتها نقل السرعات

ودى بيحصلها تآكل من نقص الزيت وظيفتها هى وظيفه الديسك والاسطوانه فى الفتيس المانيوال وبتأثر على العزم

وومكن تتأكد منها اذا كان عندك غيار معين او اكتر بتلاحظ فيه ضعف العزم
لاكن دا مستبعد بإذن الله
ابدأ بتغير الفلتر والزيت وتنظيف المصفاه
واتمنى من الله ان يكون الموضوع بسيط
فى رعايه الله

---

أولا: أحب أقول إن حضرتك شخص غاية فى الإحترام والرقي
ثانيا: أتوجه ليك بكل الشكر على إهتمامك وردودك السديدة ومعلوماتك القيمة
ثالثا: أتمنى لك كل الخير والتوفيق بإذن الله .... وتقبل خالص تحياتى

اقتباس:

---

المشاركة الأصلية كتبت بواسطة mohamed_mohsen

ده مش كلامي...ده كلام كاتالوج العربية
http://s11.postimg.org/ybln8rq37/gx_...cj_r_oy_fc.png

---

أستاذ محمد
أنا بشكرك جدا على الصورة المنشورة من الكتالوج واللى طبعا كدة بتقطع الشك باليقين وبتوضح المعلومة بشكل نهائى
تقبل خالص تحياتى ،،،