الحقوني اعمل ايه سرقة سياراتي و رجوعها بالسلامة و ياريتها ما رجعت

**Imostafa1** · 30-08-2015 09:00 AM

بسم الله الرحمن الرحيم

ارجوا من الزملاء قراءة قصتي المأساوية انا امتلك سيارة هيونداي النترا مو 2011 الشكل القديم فابريقة برة و دواخل استهلاك 50000 كم تمت سرقتها من تحت البيت و تم الاتصال من سارقها في اليوم التالي و طلب فدية 25000 جنيه لاستردادها و بعد مفاوضات استمرت ل 3 اسابيع استردتها و اتفق معي احد زملائي بالعمل على شرائها عندما استردها بمبلغ 92000 جنيه تم دفع 90000 و تبقى 2000 نند التوثيق النهائي و بعد اجراءات اثبات رجوعها اتفقت معه على تجديد رخصتها لان الرخصة كانت منتهية حتى اتمكن من عمل توكيل له و اذ بالمفاجأة اثناء فحص بالمرور فقد تمكن الجناة من العبث بارقام الشاسيه و لكن رقم الموتور لم يتم العبث به و بسؤال مهندس الفحص افاد بانه سوف يتم ارسال السيارة و الملف الى اللجنة الفنية بمرور الدراسة لابداء رأيها في دق رقم الشاسيه على القايم الشمال و بالفعل تم تحويلي الى مرور الدراسة الذي بدوره حولني يوم الاربعاء القادم 2/9/2015 الى الادارة العامة للمرور برابعة العدوية للتأكد من ان رقم الشاسيه التالف هو الرقم المثبت في الملف المروري و اذ بزميلي في العمل (المشتري) يريد استرداد امواله و الغاء اتفاق الشراء فأفيدوني ماذا افعل معه و ماذا سوف يفعلون بالسيارة في الادارة العامة للمرور من واقع خبراتكم و هل دق الشاسيه على القايم الشمال ينقص من ثمن السيارة مع العلم انها فابريقة و مثبت تلف رقم الشاسيه بسبب سرقتها بالملف

افيدوني و الحقوني احسن خلاص هولعععععععععععععععععع

**غزلة** · 30-08-2015 09:21 AM

زميلك من حقه يسترد اموالة عشان حي خش في مشاكل ملوش ذنب فيها

**Imostafa1** · 30-08-2015 10:19 AM

المشاركة الأصلية كتبت بواسطة غزلة

زميلك من حقه يسترد اموالة عشان حي خش في مشاكل ملوش ذنب فيها

على فكرة انا عرضت عليه ياخد فلوسه بعد اكتشاف مشكلة رقم الشاسيه فورا و لكنه رفض و اصر على شرائها قائلا العربية دي بتاعتي و شكراا لردك

**mody112** · 30-08-2015 11:28 AM

ان شاء الله وتثبت حقك وانت بتقول انكم زمايل يعنى مش هتخسروا بعض وكل واحد فيكو هيقدر ظروف التانى وبالنسبه لموضوع رقم الشاسيه اللى هيتدق على القايم مش هياخد باله منه غير حد فاهم قوى وبعدين انت قلقان ليه اول ما هتخلص الحوار ده زميلك هياخدها .
وربنا يعوض عليك فى ال25000 اللى دفعتهم

**غزلة** · 30-08-2015 03:52 PM

المشاركة الأصلية كتبت بواسطة imostafa1

على فكرة انا عرضت عليه ياخد فلوسه بعد اكتشاف مشكلة رقم الشاسيه فورا و لكنه رفض و اصر على شرائها قائلا العربية دي بتاعتي و شكراا لردك

ما دمت قد عرضت عليه ياخد فلوس بقى انت عداك العيب وربنا يعوض عليك فى ما دفعته للحرامية الكلاب

**hossamhussein0** · 31-08-2015 04:51 PM

المشاركة الأصلية كتبت بواسطة imostafa1

على فكرة انا عرضت عليه ياخد فلوسه بعد اكتشاف مشكلة رقم الشاسيه فورا و لكنه رفض و اصر على شرائها قائلا العربية دي بتاعتي و شكراا لردك

واضح ان زميلك غير رايه لما عرف من حد بره ان دق الشاسيه علي القايم هيعيب العربيه و ينزل ثمنها و ده حقيقه بالذات في عربيه حديثه و غاليه زي كده لأنه ببساطه امر غير معتاد الحدوث و يخلي اي حد يقلق من العربيه علشان كده لازم يبقي فيه تضحيه في السعر و تنازل من ناحيتك شويه .... بصراحه له عذره برضه ،،، و طالما انت عرضت عليه ياخد فلوسه تاني يبقي عندك النيه و الاستعداد لكده ...

رجعله فلوسه و ربنا يعوض عليك و لك الثواب و العوض من عند الله و علي راي المثل القديم يا بخت من بات مظلوم و لا باتش ظالم ...

**mohamed_rhem** · 31-08-2015 05:30 PM

المشكلة ان دق الشاسية ده بيبقي علي العربيات الملحومة نصين طبعا بعد المعاينة واثبات ان العربية كانت عاملة حادثة

فاللي بيشتري لما يلاقي الشاسية علي القايم يبقي العربية ده كانت عاملة حداثة ومغيرة نص امامي

**roayagraphic** · 31-08-2015 09:52 PM

بغض النظر عن مشكلتك .... انت تقدر تجيب من اللي سرق عربيتك ....
أزاي ؟
هقولك بما أنهم حاولوا يتلاعبوا في رقم الشاسية دا معناه ان في عربية لديهم عاملة حادثة وعاوزين ينقلوا رقمها لعربية سليمة فبعد ما دقوا الرقم لاقوا أنه هينكشف فحاولوا يتفاهموا معاك ويطلعوا بأي فلوس
المهم أنت حاولوا تعرفوا الرقم اللي حاولوا يدقوه كام وأسألوا علية في المرور وانت هتعرف صاحب العربية اللي طلع دا رقمها وأكيد هيطلع هو الحرامي ولو اتاكدت ان العربية نفس نوع عربيتك وعاملة حادثة يبقي مليون المية هو ... وفكك من موضوع البيع والشراء وصاحبك إللي رجع في كلامة وتذكر حديث الرسول رحم الله سمحاً إذا باع سمحاً إذا أشتري صدق رسول الله صلي الله علية وسلم
واعتبر خسارتك دي أبتلاء أكبر وربنا خفففة بالفدية الللي أنت دفعتها
بس كمل مشوارك وصر على أنك تعرف الحرامي

**Imostafa1** · 01-09-2015 01:17 AM

المشاركة الأصلية كتبت بواسطة roayagraphic

بغض النظر عن مشكلتك .... انت تقدر تجيب من اللي سرق عربيتك ....
أزاي ؟
هقولك بما أنهم حاولوا يتلاعبوا في رقم الشاسية دا معناه ان في عربية لديهم عاملة حادثة وعاوزين ينقلوا رقمها لعربية سليمة فبعد ما دقوا الرقم لاقوا أنه هينكشف فحاولوا يتفاهموا معاك ويطلعوا بأي فلوس
المهم أنت حاولوا تعرفوا الرقم اللي حاولوا يدقوه كام وأسألوا علية في المرور وانت هتعرف صاحب العربية اللي طلع دا رقمها وأكيد هيطلع هو الحرامي ولو اتاكدت ان العربية نفس نوع عربيتك وعاملة حادثة يبقي مليون المية هو ... وفكك من موضوع البيع والشراء وصاحبك إللي رجع في كلامة وتذكر حديث الرسول رحم الله سمحاً إذا باع سمحاً إذا أشتري صدق رسول الله صلي الله علية وسلم
واعتبر خسارتك دي أبتلاء أكبر وربنا خفففة بالفدية الللي أنت دفعتها
بس كمل مشوارك وصر على أنك تعرف الحرامي

معاك حق لازم اعرفهم .................................................

تم الايقاف أسبوع لمخالفة القاعدة 12 من قوانين المنتدى
م ع 7

الموضوع: الحقوني اعمل ايه سرقة سياراتي و رجوعها بالسلامة و ياريتها ما رجعت

LinkBack

أدوات الموضوع

عرض

-

-

-

-

المواضيع المتشابهه

الحمدلله كوكا رجعت بالسلامة

بعد سرقة السيارة بأكثر من 14 شهر ... الحمد لله رجعت إلى صاحبها

الحقوني رخصتي ضاعت اعمل ايه

الحقوني انا سقطت في امتحان الرخصة اعمل اية ؟

جيجي رجعت بالسلامة

الكلمات الدلالية لهذا الموضوع

المفضلات

المفضلات

ضوابط المشاركة