مش المهم قد ايه
المهم ان انتوا الاتنين تعرفوا بعض كويس
يعني تتعايشوا مع بعض في كل حاجة و يكون في مشاركة
يعني في المشاكل في وقت الضيق في وقت الملل في كل الظروف و كل المناسبات
لازم تشوفوا طباع بعض عاملة أزاي في كل حاجة
يعني لو قدرتوا تشوفوا بعض و انتوا لسة صاحيين من النوم يبقى كويس
لو في حاجة فيك هي مخادتش بالها منها انت تقولها و خصوصاً لو حاجة وحشة

أنا عملت كدة بصراحة
و الحمد لله دلوقتي بعد سنة و 4 شهور جواز زي السمن على العسل محصلش مشاكل خالص تخيل !!
اه و الله و لا حتى نص مشكلة
لاني كنت بتعامل وقت الخطوبة بشخصيتي و ماكنتش احمد ذكي ( انا لا اكذب و لكني اتجمل )
يعني خليك على طبعيتك حتى لو استمريت شهر بالطريقة دي
احسن من 10 سنين و انتو ما تعرفوش بعض