الموضوع: ماهي الطريقة المناسبة للقيادة علي المرتفعات

1- حاول تدى النقلة العجوزة عالطول
2- لو ركنت على مطلع أعدل الدريكسيون ناحية اليمين قوى علشان لو الفرامل سابت العربية تخبط فى الرصيف
3- أستخدم فرامل اليد بجانب التعشيق على نقلة ويفضل الأول

الموضوع دة بيبقى متعب فعلاً ... أنا شخصياً بأفضل جايب الأول طالما العربيات حركتها بطيئة و عند الوقوف بأمور و أرفع فرامل اليد عشان محملش كتير على تيل الفرامل الأمامى.

بص يا باشا لو مثلا جراج و مطلعاية جامدة و طويلة تخليك على الأول و متحولش تقف ولا تنقل للتانى و تخلى عدد لفات الموتور عالية شوية عن العادى بس يعنى مش 5000 RPM لأ مثلا على 3000 RPM

و لكن مثلا لو شارع و فية مطلعاية و اضطريت انك تقف فى النص فيه حاجة من اتنين

1- انك تفضل معشق على الأول بس مبتكونش ولا شايل دبرياج ولا دايس على الأخر فى النص كدة مع سنة بنزين مش عارف فهمتنى ولا لأ يعنى اكن العربية مش قادرة تطلع و واقفة فى مكانها يعنى توازن كدة لا العربية تطلع ولا ترجع لورة ولا تبطل طبعا :? :? :? :? مش عارف فهمتنى ولا لأ مش عارف اشرحلك :? :? :? و لما تحب تطلع تقوم مزود بنزين و شايل سنة دبرياج
2- انك لما تفرمل تقوم شادد فرامل اليد و تشيل رجلك من على الفرامل و لما تيجى تطلع تقوم معشق اول و حاطط ايدك على فرامل اليد و مزود سنة بنزين و تشيل رجلك بالراحة من الدبرايج و اول ما تلاقى العربية عاوزة تتحرك تقوم منزل فرامل اليد و تطلع عادى

3- طبعا دية الناس المحترفة الى بتعرف تشيل بسرعة من الفرامل للبنزين و تعرف تطلع العربية منغير ما تبطل

بس طبعا فى رأى الحل رقم 2 هو الأفضل

و لازم تطون فرامل اليد بتفرمل جامد مش اى كلام

اتمنى اكون افدتك

المشاركة الأصلية كتبت بواسطة Nader

fahd_628 كتب:

1- انك تفضل معشق على الأول بس مبتكونش ولا شايل دبرياج ولا دايس على الأخر فى النص كدة مع سنة بنزين مش عارف فهمتنى ولا لأ يعنى اكن العربية مش قادرة تطلع و واقفة فى مكانها يعنى توازن كدة لا العربية تطلع ولا ترجع لورة ولا تبطل طبعا مش عارف فهمتنى ولا لأ مش عارف اشرحلك و لما تحب تطلع تقوم مزود بنزين و شايل سنة دبرياج

كدة اسطوانة الدبرياج تتحرق

MMamdouh

+ حمل على الموتور وممكن يسبب سخونة.

+10000000000000