تجربتي مع لانسر شارك ٢٠١٥ بعد ٧٠٠٠ كيلو

**dr.oun** · 05-09-2015 12:41 PM

انا زي ما قولت لحضراتكم مش بتجني علي العربيه
العربيه بتتباع ع سمعة لانسر اللي قبل كده
و العربيه كل ما ذكرته فيها موجود في كل العربيات
و كلمة حالات فرديه دي كلمه احنا اخترعناها عشان نضحك بيها ع نفسنا
مفيش شارك تقفيلها ممتاز و لا حتي شرق اوسط الا موديل ٢٠٠٨
وعلي كل انا قولت ده رأي شخصي بناء علي استخدام للعربيه
و العربيه بتتباع كسر زيرو كتير عشان للعربيه عيوبها كتير و لا تحتمل
محدش دافع ١٥٠ او ١٦٠ الف عشان يبيعها بعد ٢٠٠٠ و لا ٣٠٠٠ كيلو بخساره ع الاقل ١٠ الاف و مع ذلك برضو بنطلع تبرير انها عشان بتتباع كتير
عموما انا حبيت انقل التجربه عشان الناس متتخدعش فيها و هدفي النصح لوجه الله
انا لا تاجر عربيات و لا ليا عداء مثلا مع الشارك

**dr.oun** · 05-09-2015 12:42 PM

و بالنسبه للسنترا التقفيل التايلاندي
فانا عاوزك تركب الشارك
تقفيل ياباني تحت بير السلم
و بالنسبه لقطع الغيار الشارك كمان قطع غيارها مش موجوده في التوكيل و اللي موجود غالي نار

**hassan metwaly** · 05-09-2015 01:34 PM

طبعا معظم كلام حضرتك صح فيما يخص العزل و التقفيل و الكمايات و الصاج الضعيف انا معايا العربية بقالى 1300 km و ممكن ازود لحضرتك حاجات تانية بس اللى رايح يشترى العربية دى لازم يعرف انه بيشترى احسن شاسيه و متور و فتيس و عفشة فى الفئة دى و هيستغنى عن الكماليات عشان سعر العربية رخيص و للاسف الحاجات دى بتبان مش بعد 7000 كيلو دى تبان بعد 100000كيلو و د اللى مطمنى ان العربية فقيرة يعنى لو العربية كانت مليانة كماليات و يابانى و بالسعر ده كنت هقول ان متورها تعبان و عفشتها اى كلام بس هى معادلة سعر مش اكتر حضرتك انا لما كنت بدور على حاجة اجبها فى نفس سعرها و كانت المقارنة بينها و بين الريو , الاكسنت, يارس , عربيات كلها اصغر منها فى الفئة لكن دى ارخص عربية فى فئتها عموما انا متفق معاك جدا ان محدش يشترى العربية دى لا لما يجربها لان العربية مش ممتعةالا للناس اللى بتسوق على طرق سريعة زى حلاتى كدة كل يوم و ده رأى الشخصى

**dr.oun** · 05-09-2015 11:57 PM

بالظبط العربيه في السفر سيئه جدا جدا
يدوب تمشي بيها جوه البلد
و بالنسبه لموتور و فتيس فكل العربيات الزيرو موتور و فتيس هيعيش معاك مع الاستخدام الكويس
و في السنترا موتور افضل و فتيس احدث و اريح في السفر لانه cvt
و بعد زيادتها في السعر قربت من الاوبل استرا و الفلوانس و كلهم افضل منها بمراحل حتي في الميكانيكا
و برضو حضرتك انا مش دافع ١٥٠ او ١٦٠ الف عشان اشتري موتور
ما كنت اجيب ١٢٨ و اسقط فيهل موتور شارك زيرو مش هدفع ٢٠ الف
العربيه كلها وحده واحده
و رأيي الشخصي الشارك عيوبها اكتر بكتير جدا من مميزاتها

**dr.oun** · 06-09-2015 12:00 AM

نقطه تانيه سعر اعادة البيع للشارك سئ جدا
انا خسرت ٥٠٠٠ جنيه عشان كنت شاري رخيص
لكن بسعر السوق وقت ما بعت انا سايب في العربيه من سعرها زيرو ١٥ الف
البومه مثلا و المكواه و كل الياباني مفيش فيه كده
اعتقد العربيه دي بعد استعمال سنتين ٣ مع ضعف البويه و الصاج و فقر التقفيل اللي هيبيع هيخسر فيها مبالغ كبيره جدا عمرها ما حصلت في ياباني

**hesham fawzy h** · 06-09-2015 06:27 AM

المشاركة الأصلية كتبت بواسطة dr.oun

نقطه تانيه سعر اعادة البيع للشارك سئ جدا
انا خسرت ٥٠٠٠ جنيه عشان كنت شاري رخيص
لكن بسعر السوق وقت ما بعت انا سايب في العربيه من سعرها زيرو ١٥ الف
البومه مثلا و المكواه و كل الياباني مفيش فيه كده
اعتقد العربيه دي بعد استعمال سنتين ٣ مع ضعف البويه و الصاج و فقر التقفيل اللي هيبيع هيخسر فيها مبالغ كبيره جدا عمرها ما حصلت في ياباني

كويس انك خسرت فيها 5000 بس .. علشان اى عربية زيرو بتترخص بينزل فى تمنها حوالى 10000 جنية

و بالعكس سعر اعادة بيع الشارك فوق الممتاز .. علشان من اكتر العربيات مبيعا فى السوق المصرى فمنطقى ان سعر اعادة بيعها يبقى ممتاز

و العربية ثابتة علي السرعات العالية بشكل كبير فمينفعش تقول عربية مدينة بأى شكل من الاشكال ..

الى تقدر تقول عليها عربية مدينة افيو مثلا مش شارك !!!

**hassan metwaly** · 06-09-2015 08:29 AM

حضرتك ممكن مفهمتش كلامى صح انا بقول انها عربية جبدة فى السفر او على الطرف السريعة مش داخل المدينة خالص و على فكرة الفتيس الcvt هو تكنولوجيا حديثة اه و كل حاجة بس هو معمول عشان توفير الوقود و تقليل الانبعاثات بس لسة ما بنش مشاكلة لحد دلوقتى و انا راى ان محدش بجيب تكنلوجيا جديدة فى العربيات عشان اللى الحصل مع فتيس ال dsg من فولكس او الmmt من تيوتا او ال power shift من فورد و بالنسبة لاعادة البيع حضرتك السنترا جديدة 2016 نفس تمن 2015 و المتبقى من 2015 بيتباع اقل 10 الاف يعنى لو حضرتك كنت جبت السنترا اول فئة ب 155000 و معجبتكش بعد 7000 كيلو كنت اكيد هتبيعا باقل من 140000و ده لو عرفت تبعها اصلا فا الحمد لله انها جت فى الشارك و اى عربية معرضة لانها متعجبش ناس و تعحب ناس تانية

**4fun14** · 06-09-2015 10:18 AM

المشاركة الأصلية كتبت بواسطة dr.oun

نقطه تانيه سعر اعادة البيع للشارك سئ جدا
انا خسرت ٥٠٠٠ جنيه عشان كنت شاري رخيص
لكن بسعر السوق وقت ما بعت انا سايب في العربيه من سعرها زيرو ١٥ الف
البومه مثلا و المكواه و كل الياباني مفيش فيه كده
اعتقد العربيه دي بعد استعمال سنتين ٣ مع ضعف البويه و الصاج و فقر التقفيل اللي هيبيع هيخسر فيها مبالغ كبيره جدا عمرها ما حصلت في ياباني

الكلام ابتدى يبقى فى افوره كبيرة جدا..انت بتتكلم عن عربيه موجوده فى شوارعنا بالفعل بقالها 7 سنين وتقدر تعرف اعاده بيعها ببساطه مش ضرب ودع
جرب تشترى كده مازدا3 عامله 7 الاف كيلو وشوف سعرها هينزل عن الزيرو قد ايه!
وكمان تقفيل وتصنيع يابانى تحت بير السلم والتايلاندى..شابوه
ده كلام ميتوصفش والله!

**tarek_gamal** · 06-09-2015 10:56 AM

انا العربيه معايا 6000 ك... مفيش الكلام دا
العفشه زى الفل و افتكر انها انعم من السيراتو بكتير
ان مشبت بالعربيه على 180 فى طريق اسكندريه الصحراوي و كنت بأخذ غرز على 150
صوت الماتور عالى ...تمام و دى حاجه كنت عارفها قبل ما اشتريها ... بس الصوت زي الجين 2
الفتيس بتحس بالنقله فعلا و دي طبيعه الفاتيس و بتحس بيه فى الاول للتانى بس
انا شايف ان العربيع كويسه جدا و احسن من البومه كمان ...عيبها واحد بس الشنطه صغيره شويه

**د.هشام** · 06-09-2015 11:35 AM

المشاركة الأصلية كتبت بواسطة dr.oun

بالظبط العربيه في السفر سيئه جدا جدا
يدوب تمشي بيها جوه البلد
و بالنسبه لموتور و فتيس فكل العربيات الزيرو موتور و فتيس هيعيش معاك مع الاستخدام الكويس
و في السنترا موتور افضل و فتيس احدث و اريح في السفر لانه cvt
و بعد زيادتها في السعر قربت من الاوبل استرا و الفلوانس و كلهم افضل منها بمراحل حتي في الميكانيكا
و برضو حضرتك انا مش دافع ١٥٠ او ١٦٠ الف عشان اشتري موتور
ما كنت اجيب ١٢٨ و اسقط فيهل موتور شارك زيرو مش هدفع ٢٠ الف
العربيه كلها وحده واحده
و رأيي الشخصي الشارك عيوبها اكتر بكتير جدا من مميزاتها

انت كده بتظلم ال128، انا كان معايا 128 زمان جايبها من الزيرو، مافيهاش العيوب اللي انت قايلها على الشارك