الموضوع: استغاثة: مشكلة لم اجد لها حل لدي الوكيل

المشاركة الأصلية كتبت بواسطة a7med.7assan

عندى نفس المشكله من سنتين وملقتلهاش حل لا فى التوكيل ولا بره التوكيل وغيرت كل اللى حضرتك قولت عليه بالظبت وبرده لازالت اتعايش مع المشكله ... الفرق الوحيد ان عندى التانك بيعمل 300 كيلو فى 35 لتر . فالحقيقه بطلت اجرى ورى حل المشكله اللى صرفت كتير اوى عليها وللاسف لسه موجوده ... تقريبا العربيه محتاجه اسفرها تتعالج بره ههههههههههههههههههههههههه هه

- كمل قرأة باقى الردود.

المشاركة الأصلية كتبت بواسطة mo7amed elkady

هههههههه عندك حق يا احمد بيه والله انا بعد مغيرت البوجيهات وفلتر البنزين والهواء فولت العربيه وصفرت العداد مشيت حوالي 20 ك داخل البلد و320 كيلو علي طريق صحراوي رجعت فولت العربيه اخدت 32 لتر حمدت ربنا علي كده بس الاستهلاك ده علي مكنه 1500 كتير برضه ابن خالي معاه اوبترا مكنتها 1600 و2 كامه وبتعمل 300/ 320 كيلو في 20 لتر
طيب انت جربت تغير البوابه وهل لما بتشغل التكيف العربيه بتتكتف زيي ولا ايه
ياريت يامعالي الباشا تتابع معايا وإن شاء الله هنلاقي حل للمشكل هنا

- خلى بالك المشى جوه البلد بيختلف عن السفر.

- ماشى جوه البلد مشغل تكييف ولا لاء؛ الدنيا زحمة ولا لاء.

- فى السفر كان فيه هوا جامد ولا لاء؛ الطريق أغلبه مطالع ولا لاء.

- معبى العربيه بنى أدمين وشنط ولا كنت لوحدك.

- نوع سوقتك.

- الشاب إللى بيلعب رياضه هيختلف استهلاكو عن الست العجوزة!!!!!!!!!!!!!

- كل ديه عوامل بتأثر على أستهلاكك.

المشاركة الأصلية كتبت بواسطة a7med.7assan

شوف يا محمد بيك موضوع اجرب بوابه ده بصراحه اتقلى بس معرفتش اعمله محدش رضى بصراحه يخلينى اجرب بوابه ويفك ويركب ... فمنجحتش انى اعمله للاسف ... وسعرها لما سالت ايامها كان تقريبا 250 جنيه لو مكنتش ذاكرتى خانتنى ... فى كمان معلومه نسيت اقوهالك لينا زميل هنا كان عنده نفس المشكله وغير كنترول العربيه نفسه والراجل بياكد انه حل معاه المشكله بتاعت ال ار بى ام ... لكن نفس استهالك البنزين او الاستهلاك زاد حاجه بسيطه ...

وفى ناس قالوا انها مشكله فى الكهربه ومحتاجه الكهرابئى يبص على الضفيره ويراجع علها ويشوف فى جاجه ملمسه سلك عريان لامس ايه . كلام كبير كده .. بس برده معملتش كده لانى صرفت كتير وياست اصلا من الحل

هههههههه من الواضح انك حاولت تحل المشكله لكن مفيش لدرجة انك وصلت لمرحلت الياس
بس عارف يامعالي الباشا انت لما قولت مشكلة كهرباء افتكرت علي طول وحدة رفع الزجاج عندي انا ركبتها اول لما جبت العربيه مع ظهور مشكلة الار بي ام ظهرت مشكله في وحدة الرفع بقت لما اقفل العربيه احيانا الزجاج مبيقفلش بس انا مستبعد قصة الكهرباء والله اعلم
امرنا لله نشيك علي الكهرباء عند كهربائي ونشوف يمكن يكون الحل

المشاركة الأصلية كتبت بواسطة moha sasa

- خلى بالك المشى جوه البلد بيختلف عن السفر.

- ماشى جوه البلد مشغل تكييف ولا لاء؛ الدنيا زحمة ولا لاء.

- فى السفر كان فيه هوا جامد ولا لاء؛ الطريق أغلبه مطالع ولا لاء.

- معبى العربيه بنى أدمين وشنط ولا كنت لوحدك.

- نوع سوقتك.

- الشاب إللى بيلعب رياضه هيختلف استهلاكو عن الست العجوزة!!!!!!!!!!!!!

- كل ديه عوامل بتأثر على أستهلاكك.

شكرا ليك يامعالي الباشا علي كل الردود والاهتمام انا عارف والله ان كل ده بيفرق مع استهلاك البنزين حتي الحرق علي الغيار كل ده بياثر علي استهلاك البنزين بس مش للدرجه دي كلها
الطريق مكنش فيه مطالع وكنت لوحدي في العربه ومفهاش اي شنط ومش مشغل التكييف بس الطريق وانا ورايح كان فيه شوية هواء يعني حركة 120 ك عكس تيار الهواء ومتوسط السرعه كان 120 الي 140
بالنسبه للكييف انا كنت بشغله قبل المشكله اه بيحمل علي المتورو والعربيه بيقل سحبها شويه لكن دلوقتي لما بشغله وانا وماشي بحس بسحبه شديده والعربيه بتخسع جامد ههههههه مش عارف هتفهمني في كلمة بتخسع دي ولا لا هنقول ايه بس صعيدي بقي

المشاركة الأصلية كتبت بواسطة mo7amed elkady

شكرا ليك يامعالي الباشا علي كل الردود والاهتمام انا عارف والله ان كل ده بيفرق مع استهلاك البنزين حتي الحرق علي الغيار كل ده بياثر علي استهلاك البنزين بس مش للدرجه دي كلها
الطريق مكنش فيه مطالع وكنت لوحدي في العربه ومفهاش اي شنط ومش مشغل التكييف بس الطريق وانا ورايح كان فيه شوية هواء يعني حركة 120 ك عكس تيار الهواء ومتوسط السرعه كان 120 الي 140
بالنسبه للكييف انا كنت بشغله قبل المشكله اه بيحمل علي المتورو والعربيه بيقل سحبها شويه لكن دلوقتي لما بشغله وانا وماشي بحس بسحبه شديده والعربيه بتخسع جامد ههههههه مش عارف هتفهمني في كلمة بتخسع دي ولا لا هنقول ايه بس صعيدي بقي

- أحسن ناس يا عم الصاعيدة.

- بس أهم حاجه جرب الحركه إللى أنا قلتلك عليها لما الأر بى أم يرتفع ومش عايز ينزل.

- وبطل لعب فى العربيه. عربيتك جديدة ومفيهاش حاجه.

المشاركة الأصلية كتبت بواسطة moha sasa

- أحسن ناس يا عم الصاعيدة.

- بس أهم حاجه جرب الحركه إللى أنا قلتلك عليها لما الأر بى أم يرتفع ومش عايز ينزل.

- وبطل لعب فى العربيه. عربيتك جديدة ومفيهاش حاجه.

مانا بعمل كده ومش بزود بنزين
ههههههه حاضر ياعم هبطل لعب فيها بس القصه دي تتحل
تسلم

المشاركة الأصلية كتبت بواسطة فتح الباب

هو الاكسراتير فى العربيه دى كهرباء ولا سلك واير؟

- واير.