ما في عرايس حلوه اهه

**إنسانة** · 11-09-2015 12:41 AM

المشاركة الأصلية كتبت بواسطة hitman235

تعقيب على كلامك البنت ممكن تستعوض نقص الشكل بالماديات او بانها مضطرة تتجوز او الراجل كل دماغها بكلمتين حلوين لكن الراجل مابتفرقش معاه فلوس البنت او كلامها كل الى يفرق معاه انها تكون بنت و يكون شايفها كدة بس لو مش شايفها بنت )انثى ) لا هيفرق معاه اهلها ولا دينها ولا شخصيتها
و بنت الناس المحترمين الوحشة بتعنس ليه الناس بتجادل فى الحقيقة الوحشة بتعنس و المسترجله بتعنس و السمراء بتعنس او بتتاخر و الى تعليمها مش متناسب مع مستواها الاجتماعى بتعنس برضه

الي اعرفه ان العنوسة مرتفعه في الرجال اكثر من البنات بفارق كبير

غير ان الموضوع ليه ابعاد اخرى

يعني الاقل جمالا ماينفعش يبص لحد فائق الجمال فبتالي بتلاقي مستويات معينه من الجمال بيحصل بينهم زواج جايز مقاييس الجمال بتفرق معاهم عن نظر غيرهم << انا هنا بتكلم عن علاقة بدايتها قبول شكلي

ولكن

الراجل ممكن يتزوج وحده غير جميلة في نظره عشان جنسيتها او فلوسها زي ما فيه بنات بتختار كدا << وبيكونوا قارفنين من حياتهم على فكره ههه

يعني في النهاية القبول الشكلي مهم مين يتجوز مين مش مهم

المهم الانسان يختار حد مقتنع بشكله

**mody1982** · 11-09-2015 12:46 AM

الاستاذ dream مصر يطلعنا حيوانات و سطحيين و مش عارف ايه رغم ان في اخت فاضله معانا تنتمي للنوع الاخر اللي هي الاناث و مش محموقه زي ما هو محموق بس هو مصر علي اللي في دماغه
ثانيا انا قصدت بالجمال جمال الوجه و ده رأيي شخصيا و ده الي عملت الموضوع علشانه غيري ذكر الانوثه و غيره بس انا مقصدش الا جمال الوجه و علي فكره البنت اللي شوفتها كانت عاديه مش واو و لاحاجه
بس مقارنه باللي بشوفه ملكه جمال

**Dreamer_Man** · 11-09-2015 12:55 AM

المشاركة الأصلية كتبت بواسطة إنسانة

بس براحة من فضلك << بلاش يكون عندك تصور جاهز عن كلامي

اولا موضوع الميديا مش سليم لان دا شيء تطوري في الانثى اختيار الزوج الافضل في الصفات الشكلية والبدنية

وطبعا الشقروات لفظ مطلق لا يعني الجميلات ولا يعني الغبيات

كلامك مش مبني على شيء علمي لان التجارب العلمية في المسائل المتعلقة بالامور الاجتماعية مش مبنية على المطلق

"الشقروات" "غبيات"

كلها تعميمات تدل على ان كاتب الكلام دا كان بيكتب لناس مش فاهمه حاجة

اولا الشقروات اكثر نساء العالم عملا ونشاطا وذكاء واوروبا وامريكا قائمة على نشاط المواطنين "ذكور واناث" بلا تمييز وبشكل متقارب النسب

والرجل الامريكي او الاوروبي راجل واعي جدا ومن اكثر الرجال ذكاء و اللي مش سهل يدفع حاجه الا بحساب ولشخص يستحق

الناس اللي حضرتك بتتكلم عنهم بيحسبوا علاقاتهم بالملي زي مابيحسبوا مصاريفهم بالملي

انا زي ما ذكرت في كلامي ان موضوغ ان الشقاروات اكثر غباءا دا دراسة مش من دماغي ,تاني حاجة بالتجربة العملية وبالمشاهدات نري بالفعل ان الشقاروات اكثر غباءا من غيرهن من النساء
حضرتك بقي بتقولي ان الشقراوات اكثر النساء عملا ونشاطا اهو دا اللي كلام الل ملوش محل من الاعراب , دا كلام غير عملي ولا دليل عليه
وسيبك من النظريات والدراسات العلمية , كل المشاهدات في حياة المشاهير واصحاب المال بتدل علي كلامي , رجل ثري لديه المال يصادق امرأة صغيرة جميلة شقراء , حالات كثيرة نراها في الميديا عن شقراوات عبارة عن بضائع في الاسواق , حتي هوليود وهي اكبر مكان لصناعة السينما تعترف بغباء الشقراوات .
وانا عن تجربة شخصية تعاملت مع الشقراوات والجميلات شكلا وتعاملت مع الغير جميلات كما تصنفوهم , ولمست بنفسي قلة ذكاء الشقراء بالمقارنة بالاخريات .
اما بخصوص وعي الراجل الامريكي والاوروبي , فاحب اذكر حضرتك بواقعه اختراق موقع الخيانة الزوجية الشهير وبيانات اعضاءه اللي اتفضحوا امام العالم كله واللي لسه كان في قس انتحر بسبب انه كان احد اعضاء الموقع وتم نشر بيانات علي الانترنت .
واضح انك منبهره بالغرب ولا تري الموضوع بنظره عقلانيه
اتفهم جيدا اننا نعيش في مجتمعات عربية متخلفة ولكن ليس معني هذا ان الغرب جنة الله علي الارض .

**Dreamer_Man** · 11-09-2015 01:00 AM

المشاركة الأصلية كتبت بواسطة mody1982

الاستاذ dream مصر يطلعنا حيوانات و سطحيين و مش عارف ايه رغم ان في اخت فاضله معانا تنتمي للنوع الاخر اللي هي الاناث و مش محموقه زي ما هو محموق بس هو مصر علي اللي في دماغه
ثانيا انا قصدت بالجمال جمال الوجه و ده رأيي شخصيا و ده الي عملت الموضوع علشانه غيري ذكر الانوثه و غيره بس انا مقصدش الا جمال الوجه و علي فكره البنت اللي شوفتها كانت عاديه مش واو و لاحاجه
بس مقارنه باللي بشوفه ملكه جمال

محموق !!!
ايه الالفاظ والاسلوب دا
انا مش هزء نفسي معاك وانزل لمستواك
اسف اني علقت اساسا علي موضوعك

**إنسانة** · 11-09-2015 01:07 AM

المشاركة الأصلية كتبت بواسطة dreamer_man

انا زي ما ذكرت في كلامي ان موضوغ ان الشقاروات اكثر غباءا دا دراسة مش من دماغي ,تاني حاجة بالتجربة العملية وبالمشاهدات نري بالفعل ان الشقاروات اكثر غباءا من غيرهن من النساء
حضرتك بقي بتقولي ان الشقراوات اكثر النساء عملا ونشاطا اهو دا اللي كلام الل ملوش محل من الاعراب , دا كلام غير عملي ولا دليل عليه
وسيبك من النظريات والدراسات العلمية , كل المشاهدات في حياة المشاهير واصحاب المال بتدل علي كلامي , رجل ثري لديه المال يصادق امرأة صغيرة جميلة شقراء , حالات كثيرة نراها في الميديا عن شقراوات عبارة عن بضائع في الاسواق , حتي هوليود وهي اكبر مكان لصناعة السينما تعترف بغباء الشقراوات .
وانا عن تجربة شخصية تعاملت مع الشقراوات والجميلات شكلا وتعاملت مع الغير جميلات كما تصنفوهم , ولمست بنفسي قلة ذكاء الشقراء بالمقارنة بالاخريات .
اما بخصوص وعي الراجل الامريكي والاوروبي , فاحب اذكر حضرتك بواقعه اختراق موقع الخيانة الزوجية الشهير وبيانات اعضاءه اللي اتفضحوا امام العالم كله واللي لسه كان في قس انتحر بسبب انه كان احد اعضاء الموقع وتم نشر بيانات علي الانترنت .
واضح انك منبهره بالغرب ولا تري الموضوع بنظره عقلانيه
اتفهم جيدا اننا نعيش في مجتمعات عربية متخلفة ولكن ليس معني هذا ان الغرب جنة الله علي الارض .

الغرب جنه بصراحه والشرق الاوسط متخلف بصراحه تاني ^^" << دي الحقيقة هعمل ايه

انا بفضل ان حضرتك تروح للغرب بنفسك وتعرف ان موضوع الشقروات دا ليس له دلاله على الجمال لديهم اصلا

بخصوص الميديا << اللي طلعت حضرتك متأثر بيها

كمان بتتاجر بأجسام واشكال الرجال الاكثر وسامة

واغلفت المجالات والاعلانات والتلفزيون في الشوارع والقطارات والحوائط عليها رجال وسيمين

لما تمشي في الشارع وتشوف لوحة 7*9 عليها عيل لسه يادوب مكمل 18 سنه شبه عاري << تسال نفسك الغرض من عرضه بالطريقة دي ومعروض لمين يعني

انا مش فاهمه هو حضرتك مهتم بموضوع الميديا ليه وايه علاقتها بالارتباط بين شخصين هيأسسوا اسره

بلاش الجمال في شكل الرجل او المراة

ينفع تحط في بيتك نبات شكله وحش ؟ ريحته مش عجباك ؟

لما بتشوف طفل جميل مش بتحس بارتياح نفسي ليه

الميول للجمال بشكل عام

طفل ورده شجرة ريحة حلوة اكلة جميلة << كل الجمال مرغوب ويشعرك بشعور افضل

دي حقائق

البشر كدا !

**mody1982** · 11-09-2015 02:21 AM

المشاركة الأصلية كتبت بواسطة dreamer_man

محموق !!!
ايه الالفاظ والاسلوب دا
انا مش هزء نفسي معاك وانزل لمستواك
اسف اني علقت اساسا علي موضوعك

محموق بقت الفاظ و بقيت هتنزل لمستوايا
عامه كلمه محموق موجوده و الناس تشعد هي الفاظ و حشه و لا لأ
و كتر خيرك انك نزلت لمستوايا و رديت عليا
و اعتقد معلش انك لا تعرف مستوايا الاجتماعي و لا التعليمي علشان تحكم اذا كان هتنزل ليه و لا هتطلع ليه لما ترد عليا
شكرا لمرورك يا استاذ الرجل _ الحلم

**micromoud** · 11-09-2015 03:00 AM

ممكن يكون الامهات اصحاب او قرايب ومصاحبين الولد على البنت عشان حوار جواز..اما البنات فى مصر بقى راسها براس الولد اولويات البنت الشغل والطموح والفلوس وبعد كده العريس بس يكون واد مز حتى لو هى مش مزة ..!! وانظر حولك روح ملتقى توظيف شوف كام بنت معاها سى فى وبتقدم شوف كام بنت بتشتغل دلوقتى وبتقبض ادك او ازيد منك وكام واحد راكبة عربيتها وبتدخن زيها زيك..طب بلاش تعالى نتكلم على الطبع والاخلاق مبدأيا العصبيه والنرفزة والتناكه والصوت العالى طيب الصحوبيه مع الاولاد واللى تقولك دا صاحبى ودا زميلى ودا اخو صاحبتى...طب هو اصلا دلوقتى فى بنت معرفتش ولد فترة وسابها؟؟
اسئلة كتير واجاباتها عندنا كلنا بس فى ناس اكيد هتنكر ان دا موجود!!

**medosalah** · 11-09-2015 03:15 AM

المشاركة الأصلية كتبت بواسطة dreamer_man

محموق !!!
ايه الالفاظ والاسلوب دا
انا مش هزء نفسي معاك وانزل لمستواك
اسف اني علقت اساسا علي موضوعك

يعني حضرتك اتضايقت اوي من كلمه محموق .. ولكن عادي جدا انك توجه اهانه للاعضاء اصحاب وجهه النظر الاخري؟؟؟؟ وتشبهم بالحيوانات وانهم اللي عندهم ده غريزه حيوانيه فقط .. وانهم ماشيين يتفرجوا علي الستات في الشارع

حضرتك .. يا اما تتقبل وجهه النظر الاخري وتناقشها بهدوء .. يا اما تتعصب لرايك زي مانت عايز بس بدون اهانه لباقي الاعضاء المحترميين .. بلاش تتصور اننا كشباب خلاص جيل بايظ وفاسد .. ربما استطعنا ان نفعل في سنين قليله جدا ما لم يستطع فعله جيلكم من عقود من الزمن.. ولسه المستقبل امامنا

يا ريت تتقبل وجهه نظري

**mody1982** · 11-09-2015 03:30 AM

المشاركة الأصلية كتبت بواسطة medosalah

يعني حضرتك اتضايقت اوي من كلمه محموق .. ولكن عادي جدا انك توجه اهانه للاعضاء اصحاب وجهه النظر الاخري؟؟؟؟ وتشبهم بالحيوانات وانهم اللي عندهم ده غريزه حيوانيه فقط .. وانهم ماشيين يتفرجوا علي الستات في الشارع

حضرتك .. يا اما تتقبل وجهه النظر الاخري وتناقشها بهدوء .. يا اما تتعصب لرايك زي مانت عايز بس بدون اهانه لباقي الاعضاء المحترميين .. بلاش تتصور اننا كشباب خلاص جيل بايظ وفاسد .. ربما استطعنا ان نفعل في سنين قليله جدا ما لم يستطع فعله جيلكم من عقود من الزمن.. ولسه المستقبل امامنا

يا ريت تتقبل وجهه نظري

يا راجلد ه احنا معانا اخت فاضله موافقه علي كلامنا مع انها هي المفروض تزعل و رغم ذلك الاستاذ هاجمها بعنف

**medosalah** · 11-09-2015 09:00 PM

المشاركة الأصلية كتبت بواسطة msobhy

شوف حضرتك انا هاقولك على كام حاجه كده وبعدها هاجاوب على سؤالك
انا ابتدت علاقتى الفعليه بالارتباط وما شابه وانا عندى 17 سنه - الدنيا كلها بالنسبه ليه كانت مبنيه على حاجه واحده بس - أجمل بنت فى الشله تبقى بتاعتى - اى بنت مش حلوه وشيك وستايل كنت بنفض لها تماما - كان عندى مبدأ ان زوجتى لازم تكون جميله جداااااااااااااا وده ليه ؟؟؟؟؟ علشان لما اصحى الصبح محسش ان واحد صاحبى نايم جنبى
بالمناسبه انا مش من الرجاله اللى بتتباهى بالحريم اللى معاها - بالعكس انا كنت مقضى فتره محترمه فى حياتى خناقات ومشاكل بسبب البنات اللى معايا وان فيه حد بص لهم - بمنتهى البساطه انا شرقى وغيور حتى النخاع

وانتهت الفتره ديه نهايه مأساويه بدون دخول فى تفاصيل

انا تقريبا داخل على 40 سنه وهاجاوبك بمنتهى الصدق

معلش بس .. استفسار.. هو حضرتك بتدور من سنه 17 لحد 40 سنه ولسه ما لقتش الزوجه المناسبه واتزوجتها ؟؟؟؟؟؟؟؟؟؟؟؟
والله والله والله والله لو لاقيت واحده بالمواصفات اللى ما عدا اخر كلمه (اللى هيه كريمه) لأنى مش فاهم معناها

قصدي من كلمه كريمه انها تكون مش بخيله.. ممكن تكون مدبره بس مش بخيله.. اكيد انا عمري ما همد ايدي علي مرتبها او فلوسها في يوم من الايام.. دي مش شخصيتي ولا تربيتي .. بالاضافه ان الامور الماديه الحمد لله كويسه .. بس اقصد اقول ان الست بعد الجواز بكام سنه.. وبعد العشره .. تبدا تتعامل مع مرتب زوجها علي انه للبيت وللاسره .. تبدا تراعي موضوع التدبير بس للاسف سعات بيبقي اوفر شويه ويقلب الموضوع بخل.. يعني لو اشتريت حاجه للبيت غاليه تدب معاك خناقه.. لو اشتريت فاكهه بايظه تدب معاك خناقه.. تديلها فلوس علشان حاجاتها الشخصيه واهتمامها بنفسها تقوم تحوش الفلوس وتستخسر حتي في نفسها
ده اللي اقصده

هاتزوجها بدون تفكير وهاكون اسعد انسان فى الدنيا

الزوجه رزق - والرزق ده كذا حاجه فى الاول بتفكر فى الجمال والجسم بس - وبعدها كله بيبقى بلح - بيتبقى لك يا برنس الاخلاق والطباع والتربيه وانها توقف معاك وتحافظ عليك وعلى بيتك

يا معلم اللى يقولك ان الراجل هو اساس البيت صدقنى ده بيضحك عليك - الزوجه هيه اساس البيت - الاساس مش مهم يكون حلو قد ما يكون قوى ويعتمد عليه - لكن كل ما كان الاساس حلو عمرنا ما هانقول لأ - المهم يبقى متين وقوى