كام في رأيكم ؟؟؟
عرض للطباعة
كام في رأيكم ؟؟؟
12 جنيها للدولار
825 الى 850
لا اعتقد انه حيوصل لكدة ... ان شاء الله مش حيعدى 8 جنيه .. او اعلى شوية
9 جنيه على الاقل في الصرافة و 8.5 بنك
8.2-8.25
8-9 جنيه مش لفشل الاقتصاد اكتر من ان دول كتير خفضت عملتها و كده شويه الصادرات بتاعتنا هتروح و جزء منها عشان يريح الاحطياتى
تخفيض الجنيه سيساهم في زيادة الصادرات من المصانع المصرية وزيادة الحركة الملاحية في قناة السويس الجديدة
تماما زي الصين ماعملت وخفضت عملتها عشان تزيد الصادرات
الف باء الاقتصاد الكلي (Macro Economics)
عندما تزيد صادراتك عن وارداتك ، يكون تخفيض سعر العملة مفيدا (كما هو الوضع في الصين) لزيادة الصادرات
واذا كانت الواردات اكبر من الصادرات يؤدي تخفيض العملة للتضخم اي زيادة الاسعار وهروب المستثمرين لارتفاع تكلفة مستلزمات الانتاج
احنا فين في المعادلة؟
حضرتك تقصد ان مصر خفضت قيمة الجنيه امام الدولار علشان نزود الصادرات ؟؟!!
الحكومة عملت ايه علشان تخفض قيمة الجنيه ؟؟!! ولا حاجة ... علشان الجنيه قيمته اصلا اقل من القيمة الى بنتعامل بيها .... فالحكومة قامت قللت شوية من فرض سيطرتها على سعر الدولار
عارف حضرتك تعرف قيمة الدولار الحقيقية امتى ؟!! لما الحكومة ترفع يدها عن التحكم فى الدولار تماما و تتركه عرضة للعرض و الطلب .. و بالتالى لحركة التجارة
و سؤال لمعلوماتى الشخصية ... هى مصر بتصدر ايه للخارج ؟؟
انا اعرف بعض المحاصيل الزراعية ... زى البطاطس و البصل و البرتقال ... ايه المنتجات التانية ؟؟؟
الشركاء التجاريين
الصادرات 28.37 مليار
نوع الصادرات النفط الخام والمنتجات النفطية والقطن والمنسوجات والمنتجات المعدنية والمواد الكيميائية، والأغذية المصنعة
شركاء التصدير إيطاليا 8.7٪، الهند 7.3٪، المملكة العربية السعودية6.1٪، الولايات المتحدة 5.2٪، تركيا4.9٪، إسبانيا 4.2٪، فرنسا 4.2٪ (2011)
الواردات 58.76 مليار
نوع الواردات الآلات والمعدات، والمواد الغذائية، والمواد الكيميائية، والمنتجات الخشبية، وأنواع الوقود
شركاء الاستيراد أمريكا 10.7٪، الصين 9.1٪، ألمانيا6.3٪،وإيطاليا 5.1٪، والكويت 4.7٪، تركيا 4.4٪، 4.3٪ السعودية (2011)
المصدر ويكيبيديا و الصادرات الزراعيه دى هى تالت اكبر مصدر للعمله الصعبه فى مصر و لازم يحافظ عليها بيعمل ايه قرار البنك المبكزى برفع قيمه الدولار امام الجنيه اسمه تخفيض قيمه العمله و عليه بيطلع السعر او ينزل و الدول الى خفضت قيمه عملتها زى الصين و سويسرا و غيرها مش سايبه قيمه العمله للسوق الحر
بدون مقارنه معاهم طبعا يفضل فشلنا هو فشلنا و نجاحهم هو نجاهم بس السبب المباشر انهم مطرين ينزل قيمه الجنيه شويه مش ارقام اقتصاديه جديده لا هى هى نفس الفشل بتاع للسنه الى فاتت بس السبب تخفيض الصين اساسا لعملتها و ما تبعه لو لسه عايز تصدر اى شىء اصلا
لا يصح مقارنة مصر بالصين
أدعوكم لمعرفة سبب أزمة البورصة في الصين ، والتي أثرت على جميع بورصات العالم
أهم الاسباب هو حدوث ارتفاع كبير جدا في نسبة المدخرات حتى وصلت حوالي 50%
ثم رفع القيود عن الاستثمار في البورصة ، فدخل حوالي 90 مليون مستثمر جديد (يعني عدد سكان مصر) أغلبهم ليس له خبرة بالاستثمار في البورصة
باختصار السبب في الازمة هو زيادة الرفاهية لوجود فوائض ضخمة في الصين
فكيف تتم المقارنة ؟
البنوك 9 جنيه
وزير الاستثمار قال حرفيا في مؤتمر اليورومني ان تخفيض سعر الجنيه لم يعد اختيار
صحيح أنه أنكر هذا الكلام فيما بعد باعتبار أن هذا الكلام يعتبر تدخلا غير مقبول في سياسة البنك المركزي ، ولكن كلامه موثق
وإذا أخذنا في اعتبارنا ان التعاقدات الآجلة على الدولار تتم على أساس زيادة سعر الدولار بنسبة 22% خلال العام القادم
وإذا اعتبرنا أن سعر الدولار الآن 8 جنيه تقريبا ، فإن الزيادة المتوقعة = 8 × 22% = حوالي 175 قرشا تقريبا
أي ان السعر الرسمي المتوقع للدولار (وليس سعر السوق) = 9.75 ، أي أنه سيتراوح ما بين 9.5 و 10 جنيهات للدولار الواحد ، وهذا لم يعد اختيارا كما سبق أن أشرنا
يتبقى أمام محافظ البنك المركزي قرارين لا ثالث لهما:
القرار الاول: اختيار التوقيت المناسب ،
والقرار الثاني: طريقة التنفيذ هل تتم على مرحلة واحدة أم عدة مراحل
طبعا سينتج عن ذلك زيادة في الاسعار بنفس النسبة على الاقل
حضرتكم نسيتوا حاجتين مهمين جدا
أولا قناة السويس الجديده
ثانيا اكبر حقل غاز طبيعى فى العالم
يعنى انتعاش للأقتصاد المصرى وتراجع الدولار امام الجنيه المصرى
بما ان الدولار حاليا عامل 8 جنيه تقريبا اعتقد انه هايكون ما بين 8.5 الى 9 جنيه على الاقل
عملة ايه اللي يتم تخفيضها امام الدولار !!!!!!
المسئول اللي قال كده ده اخره يسرح ببطاطا علي الكورنيش
الصين لما تعمل كده يمكن ... لانها بلد بتصنع من الابره للصاروخ يعني صادرتها تفوق بكثير واردتها انما مصر اللي بتستورد حتي فانوس رمضان واكل كلاب لو عملت كده تبقي مصيبه سودا ، لان ده هيؤدي الي ارتفاع كبير جدا في الاسعار لانك بتستورد كل شئ وتقريبا مش بتنتج حاجه ،يعني بالبلدي كده لما تيجي تستورد هتدفع دم قلبك في السلعه علشان عملتك ملهاش قيمه ، بعكس المصدر تماما سلعته هتنافس بقوه في السوق الدولي لان تكلفتها اقل ، فاللي بيقول تخفيض العمله ده مش فاهم حاجه
انا عندي فكرة جهنمية
احنا نلغي الجنيه ونعمل جنيه جديد قيمته ١٠ دولار
شوف بقى ساعتها الاقتصاد المصري هيعمل ايه
السودان عملت كدة من عشر سنين كان الجنية المصرى ب 18 جنية سودانى ..طلعوا جنية جديد يعادل 100 جنية من القديم..والفشل استمر والجنية الجديد استمر باﻻنخفاض وبقى يساوى اتنين جنية مصرى بعد ما كان معدى خمسة..
في حالة مصر خفض السعر هيكون مهم لخفض الواردات
انا متفق مع حضرتك فى الاطار العام ... بس مختلف فى طريقة التعبير
البنك المركزى لا يملك انه يرفع قيمة الدولار .... بس يملك انه يخفض قيمة العملة المحلية ... ازاى ؟! بخطوات و قرارات متعددة ... منها مثلا انه يطبع نقود محلية ... هو ده بيعمل تضخم صحيح .. بس بيقلل قيمة العملة المحلية ...
البنك المركزى كل الى عمله .... او حيعمله ... انه حيخفف قيوده على الدولار ... يعنى مش حيطبع و لا حيتعب فى حاجة .... انا متفق مع حضرتك فى الاطار العام
و اختلف مع حضرتك ان الصين و سويسرا مش سايبة قيمة العملة للسوق الحر
و كمان انا اختلف مع الويكيبيديا ... و لما سألت حضرتك كنت عاوز معلومات من السوق الفعلى
النفط الخام ..... كنا زمان بنصدر النفط الخام المحلى المتدنى الجودة ( هو بيطلع من الارض كدة ) و توقفنا بسبب احتياج السوق المحلية
المنتجات النفطية .... زى البنزين و الديزل مثلا ؟؟ ... الكلام ده مش بيحصل ... احنا بنستورد العجز فى البنزين و الديزل من الخارج
قطن و منسوجات ..... على حد علمى ... كانت فيه مشكلة من فترة على موضوع القطن المحلى و الحكومة مش عاوزة تاخده من المزارعين .. ده غير صعوبة تصديره .. ده غير انخفاض جودته
ايه المنتجات المعدنية الى بنصدرها ؟؟!!
و ايه المواد الكيميائية الى بنصدرها برضو ؟؟
الاغذية المصنعة ... ايوة انا شفت بعض المنتجات المصرية فى دول غير مصر
تقبل مرورى
هو فيه حركة حلوة عملتها ايران اثناء الحرب مع العراق
طبعت اكثر من 30 مليار دولار بنكنوت اصلي فئة 100 دولار ، مما اضطر امريكا في ذلك الوقت الي اجراء تغييرات في علامات التأمين الخاصة بالدولار ، وطبعا ايران خرجت من الحرب بدون اي ديون خارجية ، في حين خرجت العراق مديونة لطوب الارض برغم المساعدات الغزيرة من دول الخليج.
في معلومة مهمة ناقصة في نظرية حضرتك
ان في جزء كبير من الواردات بتاعتنا منتجات مش محتاجها السوق المصري , زي فوانيس رمضان واكل الكلاب وحاجات استهلاكية كتير
واذا كان انت شايف ان تخفيض العملة غلط ,فما هو الصح
هل الصح ان البنك المركزي يخسر الاحتياطي النقدي علشان يدعم العملة المحلية !!!
اعتقد ان نظريتك متنفعش في الحالة الاقتصادية الحالية لمصر
تقبل ودي وشكرا علي المعلومات
أولا:
هل سيادتك واثق ان الدولة بتوفر الدولار لمستوردي فوانيس رمضان وأكل الكلاب والحاجات الاستهلاكية الكتير؟
ثانيا:
أنا ماقلتش ان تخفيض العملة غلط أو صح ، انا بقول ان تأثيره يختلف باختلاف حالة الدولة ، فلماذا تضع الكلمات في فمي ثم ترد عليها؟
عاوز تعرف الصح يبقى سيادتك تروح تسأل بتوع الاقتصاد طالما سيادتك مش عاجبك الكلام ، وأنصحك تسال عن الفرق بين السياسة النقدية و السياسة الاقتصادية ، ومكونات كل منها
ثالثا:
دي مش نظريتي بالمناسبة ، دي حاجة بيقولوا عليها علم الاقتصاد ، ولا أعتقد ان سيادتك سمعت عنها قبل كده ، ياريت قبل ما تهاجم تروح تثقف نفسك شوية عشان تتكلم في حاجات أكبر من قدراتك العقلية (عرفتك طبعا)
سلام يا معلم
مقارنة مصر مع الصين مقارنة خاطئة لأن مصر دولة بلا انتاج صناعى حقيقى لكن تعتمد بشكل كبير جدا من دخلها القومى على الخدمات والصناعات الاستهلاكية وليس الانتاجية.
عايزين حد دبلوم تجارة يوضحلنا الموضوع
طريقة حضرتك حادة جدا فى الرد و لا تخلو من نبرة استهزاء ....
انا كنت داخل اؤكد كلامك و ارد على الاستاذ Dreamer_Man ... و لكنى الان حوجه نظر حضرتك الى الرد القاسى الى رديته
الاستاذ Dreamer_Man مغلطش ... الراجل ليه وجهة نظر و تحترم ... بالرغم من اختلافى معاه
حضرتك حولت الموضوع من الكلام عن الاقتصاد و محاولتى الاستفادة من خبرات الاخرين الى شبه شجار .. و الموضوع كدة لن يلاقى استحسان
اتمنى من حضرتك حسن الظن بالغير
Technically, عكس الكلام ده هو الصح و يمكن هو الدافع الفعلي لتخفيض سعر الجنيه..
الحركة اللي عملتها الصين بتخفيض عملتها عملت ضغط كبير على كل الاقتصادات الصاعدة, و اللي منهم مصر, بتخفيض عملاتهم بالتبعية لتحسين فرصم في مجاراة الصين في سوق التجارة و عدم الخروج من المنافسة..
على الرغم ان حجم صادرات مصر حوالي تلت حجم وارداتها, لكن مازال ليها سوقها في التصدير اللي بيجيب دخل بالعملة الاجنبية..
على ناحية تانية, لما عملة البلد تبقى ارخص ده عامل كويس لتنشيط قطاع السياحة و حافز مهم لدخول المزيد من الاستثمار الاجنبي اللي تكلفة راس المال بالنسباله هتكون قليلة..
و ده بالاضافة طبعاً لانخفاض احتياطي النقد الاجنبي و تحكم البنك المركزي في سعر العملة, فالقرار ده لمصر بقى ضرورة حتمية..
صحيح الموضوع ممكن يتبعه شوية تضخم, بس هو الحقيقة التضخم كده كده هيحصل و طبيعي انه يحصل حتى لو كان الاقتصاد ماشي بشكل صحي..
اختلف مع حضرتك فى عدة نقاط ...
اختلافى زى ما وضحت مع الاستاذ كريم علاء فى التعريف نفسه .... تخفيض قيمة الجنيه ..... الى بيخفض حاجة او يرفعها ... بيعمل شوية اجراءات و قرارات و شغل مش قليل علشان يحقق الخفض او الزيادة ...
الحكومة ما عملتش اى حاجة .. اكتر من انها قللت الرقابة المفروضة على الدولار ... الى فى الاصل سعره مرتفع عن القيمة الى البنك فارضها و بيتعامل بيها ....
و مع ذلك ... مفيش مشكلة .... البنك خفض قيمة الجنيه
الصين عملت حركة ضغط على الدول الصاعدة اقتصاديا بالفعل .... بس مصر مش من بينهم !!! الكلام ده لما يكون عندنا صناعة و بنبدأ ننافس و نصدر و يكون لينا انظمة جودة و نتبع مقاييس عالمية فى جودة المنتج !!! و الكلام ده مش موجود حاليا ....
و لا اعتقد ان حجم الصادرات ثلث حجم الواردات على الاطلاق
و لو حضرتك تعرف سلع مصر بتصدرها ياريت حضرتك توضحها ... ( غير المنتجات الزراعية ) علشان ادور عليها و اشتريها من مصر نفسها
اتفق معاك جزئيا على نقطة انخفاض العملة حينشط السياحة
دخول رأس المال الاجنبى .... دى فيها كلام كتير .... و انا مش متفق مع حضرتك فيها
التضخم ..!!! من اسوأ الحاجات التى بتحصل فى بلدنا من سنين .... و حيزيد .. و تتبعه زيادة الاسعار .. و الخدمات تقل .. و المرتبات لا تزيد بنفس زيادة الاسعار
متابع معاك
الفكرة ببساطة ان الدولار يعتبر سلعة مثل اي سلعة تخضع لقانون العرض والطلب
إذا زاد الطلب عن العرض لابد أن يرتفع سعره ، فإذا زادت الواردات عن الصادرات زاد الطلب عن المعروض
تخفيض سعر العملة المحلية قد يكون سياسة مقصودة لتشجيع الصادرات (سلعية وخدمية) لكنها بالتأكيد لا تصلح وحدها في تحقيق النمو الاقتصادي ولابد أن تصاحبها إجراءات أخرى لا يتسع المجال لذكرها
لو حسبناها عمليا هنلاقي انه مع استمرار هبوط العملة المستثمر بيأجل دخوله لحين الوصول الي اقصى هبوط
مثال بسيط : لو حضرتك عايز تشتري عربيه ولاقتها بتنزل كل شهر الفين جنيه هتشتريها ولا هتصبر لحد ما قيمتها تهبط كمان وكمان وتشتريها ؟
طيب لو لاقيتها بتزيد كل شهر الف جنيه هتتأنى ولا هتلحق تشتريها قبل ما تغلى أكتر ؟
وده اللى حصل فعلا ايام عاطف صدقي لما بدأ يعوم الجنيه الاستثمارات قلت للانتظار المستثمر الوصول لاقصي هبوط للحصول على أكبر قيمه لاستثماراته
طيب ده معناه ان لو الدوله دعمت الجنيه مثلا بمليار تبقى كسبت اتنين او تلاته مليار قيمة فرق العملة لاننا نستورد ضعفين قيمة تصديرنا بالاضافه الي الديون الخارجيه وفوائدها بالدولار
احسب احنا بنستورد بكام مليار دولار وبنسدد ديون وخدمات ديون بكام مليار دولار وشوف لو الدولار نقص جنيه ( من 8 ال 7 مثلا) شوف هنبقى وفرنا كام مليار
مش هتفرق اي حاجه للسائح
الفنادق : بتكون ديما مرتبطه الليله بالدولار مش بالجنيه حتى لو كان التعامل بالجنيه
المصاريف الشخصية للسائح : بارتفاع الدولار وهبوط الجنيه هيحصل تضخم
يعني التاكسي اللى كان بيركبه ب 10 جنيه هيركبه ب 15 والتمثال اللى كان 100 هيبقى ب 150 نتيجة للتضخم وبالتالي مش هيكون في اى اختلاف فعلى للسائح
طبعا دي كلها أراء ممكن تصيب وتخطئ
ومش معنى انى متفق مع التوجه السياسي وتم اتخاذ قرار معين انا شايف انه ممكن يبقى فيه ضرر ولو بسيط انى منتقدش القرار بالعكس
الغريب ان المعارضين شايفين تخفيض الجنيه ضياع لاقتصاد البلد وضياع للبلد بأكملها وهم نفسهم كانوا بيقولوا انه ضروره ولازم يهبط لما كان السلطه والاداره السياسيه مختلفه
معرفش ده يتقال عليه ايه بصراحة
متفق مع حضرتك فى اغلب ما ذكرت ... و لكنى احب اضيف شوية نقاط صغيرة ....
المثال الى حضرتك ذكرته عن انتظار المستثمر حتى حدوث اكبر انخفاض صحيح فى حالة المستثمر الجديد .... انما المستثمر الموجود بالفعل فى السوق و عليه التزامات و مادة خام و توريدات لازم يوردها فى ميعادها .... مش حيقدر يستنى كتير .... هو بيحاول ينتظر اطول فترة ممكنة يقدر عليها ... بس مش حيقدر ينتظر براحته حتى استقرار الاسعار .....
ادى حضرتك مثال لكلامى .... انا معايا دولار و عاوز اغيره لجنيه .. و الجنيه كل يوم بينزل .... بس بيتى مفيهوش فلوس ... و مش معايا فلوس مصرى خالص ... حروح اغير دولار بسعر السوق الحالى علشان انا مش قادر استنى اكتر من كدة
متفق معاك تماما بالنسبة للسياحة
و علشان الموضوع ميقلبش سياسة ..... المشكلة ان التوجه لا يكون سياسى فقط .... التوجات بتختلف فى طريقة التفكير و المعالجة ... فى الاسس و المبادئ .... و اضف لهذا ... نتيجة عدم وجود ثقافة الاختلاف ... فكل الى انت عملته ... لما انا اجى.... ارفضه ... و اشوهه ... ممكن يكون نفس الى انا بفكر فيه و يكون قرارك هو الصح ... بس انا برفضه علشان مختلف معاك
نتيجة ده ... اغلبية المعارضة ... بتكون معارضة على طول الخط ... و اغلبية المؤيدة ... بتكون مؤيدة على طول الخط
دار نقاش بينى و بين احد اقاربى .... و نحن مختلفان على طول الخط .... و اتفقنا على 3 نقاط فى الحكم على الاقتصاد .... و منها ... الحكم على السياسة ... و منها الحكم على الحالة الاجتماعية كمان ....
1- زيادة او انخفاض الاسعار
2- الخدمات .. بتتحسن و لا تسوء
3- سعر الدولار مقابل الجنيه
مع العلم .. اننا نعمل فى القطاع الخاص .... فى مجالين مختلفين تماما
و بالطبع زى ما حضرتك ذكرت ..... رأيى يحتمل الخطأ و الصواب ....
متابع معاك