سعر الواجا

**DR/WAFEK** · 19-11-2008 08:07 PM

انا لما بشوف الواجا على المواقع القى واحد كاتب 2006 اوتوماتيك عامله 54000 الف والتانى كاتب 65000 الف وموقع تانى الاقى 80000 نا مش فاهم حاجه عايز اعلرف الرانج الطبيعى بتاهها كام دلوقتى لو اتوماتيك 2006 فابريكه وفيها الوسائد الهوائيه

**MohabSaeed** · 20-11-2008 12:16 AM

السعر بيتحدد على اساس اربع حاجات
1- الكيلو متر
2- اذا كانت فابريكه بالكامل ولا راشه بعض الاجزاء
3- اذا كانت بريميوم ولا استاندرد
4- هل فى الضمان ام لا

الواجا البرميوم بس هى الى فيها وسائد هوائيه " بجانب الواجا الجديده طبعا " .
الواجا البريميوم لو " بحاله ممتازه و فابريكه " بتعمل من 70 : 78 الف جنيه و و فى منها لسه فى الضمان . " حتلاقيها موديل 2005 : 2006 ( بجد تحفه )

الواجا استاندرد ( بدون وسائد هوائيه و كراسى جلد ) الاوتو و المانيوال " فابريكه و بحاله ممتازه " موديلات من 2005 : 2007 سعرها من 65 : 75 الغالبيه العظمى حتلاقيها لسه فى الضمان .

ياريت اشترى واجا تكون حالتها كويسه و تكون لسه فى الضمان و متستخسرش فرق 5 الاف جنيه .... علاشان حتفرق جدا فى حاله العربيه .

ابعد تماما عن العربيات الى سعرها واقع و فيها مشاكل او مرشوشه او ماشيه كتير
خليك فى عربيه تكون حالتها كويسه و صاحبها محافظ عليها , حتى لو اغلى .

ربنا يوفقك ان شاء الله فى عربيه كويسه

**mokhtar** · 20-11-2008 12:24 AM

فعلا الواجا فى تفاوت فى سعر المستعمل منها مش عارف ليه بس من خلال متابعتى لاسعارها لقيت ان ال2006 اوتوماتيك بتبقى فى 70000 ممكن ازيد او اقل والمانيوال 64000 او65000 الغريب بقى انى من كام يوم لقيتها على موقع car100100 موديل2006 اوتوماتيك تقريبا ماشيه 50000 كم وطالب فيها كام. 54000 ؟؟؟؟

..mokhtar..

**MohabSaeed** · 20-11-2008 12:42 AM

الفيصل فى الموضوع ده الفحص فى التوكيل " اعتقد ب 300 ... 350 جنيه " .

اهم حاجه فى العربيه انها متكونش متهانه و ليها صيانه دوريه ,غير كده لو ب 50 الف جنيه و حالتها مش حلوه بلاش منها لانها ختدخل صاحبها فى دوامه من صرف الفلوس .

الموضوع ان فى ناس بتجيب العربيه " اى عربيه مش شرط واجا " و بتقديها حرق و غرز و بتستهتر بصيانتها و متعملهاش و يركبلها حاجات مضروبه , و بعد ما يفحتها خالص ينزل يبيعها ب اقل من سعر السوق , بعد مايكون خد خيرها و فتك بيها الارض .
الفخ ده فى ناس كتير بتقع فيه .

**DR/WAFEK** · 20-11-2008 02:47 AM

ممكن اللى كاتب السعر المنخفض ده يكون بيراعى انه سوق اليومين دول واقع والعروض القديمه كلها اللى فى شهر 7 و8 كان ايامها سوق العربيات شادد حيله اوى اللى خلانى استغرب ان فى واحد كاتب 2006 بدون وسائد ولا ابى اس و80 الف تهيلئ عايش فى الوهم اوى

**DR/WAFEK** · 20-11-2008 02:58 AM

من فضلك يا استاذ محب الواجا ستاندر مفيهاش كمان ابى اس وحساس للباركنج ولا فيها؟

**MohabSaeed** · 20-11-2008 11:51 AM

تحت امرك فى اى استفسار .

الواجا استندرد فيها باركنج سينسورز ... فى اى موديل سواء اوتو او مانيوال .... طبعا بخلاف الكماليات المعروفه الاخرى " جينوط 16 / 205 , كاست سى دى بتحكم من طاره الدركسيون , مريات كهرباء , مفتاح ريموت كنترول + ايموبلايزر ,........ و باقى الكماليات المعتاده .

* لكن مفهاش ABS OR AIRBAGS و طبعا الصالون قماش .

البريميوم بتكون اوتومتك فقط و الصالون بالكامل جلد طبيعى " الكراسى و الابواب " , و فيها اجزاء على طاره الدركسيون ابنوس , ABS + AIRBAGS , و فيها مريات فتح و قفل بالكهرباء .

لو عند حضرتك اى استفسار ماتتردش .
" بالمناسبه انى اسمى مُهاب "