سلك الشفاط وتسخين السيارة

**uhlphp** · 19-11-2008 09:05 PM

لدى سيارة مازدا 323 موديل 81

اثناء الصيف كنت بدور عادى من اول مرة او تانى مرة ومنذ فترة لما اجى اشغل السيارة الموتور يدور لمدة ثوانى ويبطل تانى
اشغل تانى يدور لمدة نصف دقيقة بدون انتظام ثم يبدا الموتور فى الدوران المنتظم وعادة سرعة لفات الموتور تكون قليلة ولما تسخن السيارة سرعة لفات الموتور تنتظم ( واحد صديق اللى انه لا يوجد لدى سلك شفاط وانى لازم اركبو عشان يساعد فى تسخين السيارة )
فارجو معرفة سبب هذه المشكلة واريد ان اعرف ما هو الجزاء الموجود فى الكربيرتير ويدخل الية سلك كهرباء

واشكر كل من يتكرم بالمساعدة

**ahmedsrs** · 20-11-2008 02:04 AM

وجود سلك الشفاط مرتبط بحالة الكربيراتير لو الكربيراتير قديم ومتهالك وفيه تصليح كتير سلك الشفاط بيكون ملغى لأنه كان بيعلق وتم اعفائه من الخدمة . يعنى متحولش تركب سلك شفاط فى كربيراتير قديم

**uhlphp** · 21-11-2008 11:33 PM

ممكن اعرف بيعلق ازى

وهناك شى اخر بعملو ان فى مسمار فى الكربيرتير لما بربط المسمار شوية سرعة لفات الموتور بتعلى وتكون على 1200 لفة وهى على السلانسية ولما اجى ادور السيارة بدور على طول ممكن اعرف تفسير الموضوع ده اية وهل هناك اضرار انى ارفع عدد لفات الموتور

**ahmedsrs** · 22-11-2008 01:49 AM

المسمار الى بتلفه ده بيفتح البوابة سنة صغيرة عشان السلانسيه والبوابة دى الى لما بتوس على البنزين بتفتح ولما بتسيب بتقفل بس مش قفلة محكمة لآن المسمار الى انت بتلفه بيتحكم فى مدى غلقها وزيادة عدد لفات الموتور فى السلانسية بشكل مبالغ بيسخن العربية وبيستهلك بنزين غير ان صوت العربية بيبقى خشن

**uhlphp** · 22-11-2008 07:58 PM

اولاً : اشكر حضرتك جداً على المساعدة

ثانياً : انا بالاحظ فعلاً ان صوت العربية بيبقى خشن ولكن انا بلاحظ بشدة ان العربية بدور افضل وانا معلى عدد لفات الموتور خاصتاً وهى بارده وخلال ثوانى ومن اول مرة لكن لما بوطى عدد لفات الموتور على 900 لفة احاول ادور كذا مرة العربية مدورش واحيانا البطارية تفضى من كثرة المحاولة .
ثالثاً : ارجو معرفة بيك السلانسية عبارة عن اية هل هو مسمار ايضاً ام هو الجزاء النحاسى الذى يدخل اليه سلك كهرباء ومتوصل بفيشة من البطارية واذا كان هو بيك السلانسية كيف اسطتيع تنظيفة .

**shoudy2005** · 23-11-2008 12:44 AM

العربية بتدور عادى الصبح لما بتعلى مسمار الidle (السب هو انك بتقوم بعمل الشفاط بس بطريقة متعبة) و ظيفة الشوك انو بيرفع عدد لفات المتور و هى باردة بدل ما تفضل دايس بنزين و لما تسخن عن طريق الheater و ميه الرادياتير الشوك يقفل فتوطى العربية اوتوماتيك

**ahmedsrs** · 23-11-2008 02:31 AM

شوف الرابط
http://auto.howstuffworks.com/question377.htm

**uhlphp** · 23-11-2008 06:25 PM

اشكر حضرتك جداً على المساعدة

وارجو معرفة بيك السلانسية عبارة عن اية هل هو مسمار ام ماذا
وايضاً ما هو الجزاء النحاسى الموجود بالكربيرتير الذى يدخل اليه سلك كهرباء ومتوصل بفيشة من البطارية واذا كان هو بيك السلانسية كيف اسطتيع تنظيفة .

**mido90** · 24-11-2008 07:48 PM

بص يا باشا.... اللى حضرتك بتقول علية دة جزء نحاسى وو اخد كهرباء من البطارية هو بك السلانسية و دة عندك بك كهرباء و ماتحاولش تلعب فية لحسن العربية تبرجل منك وتلاقيها بتطلع دخان اسود و بلاوى....