عاوز عروسه بس بشرط

**sfahmy6** · 14-09-2015 12:02 AM

بعيدا عن مشاركات السادة الاعضاء الأفاضل

أرى أن الموضوع اصلا ......من وجهة نظر متواضعة. ....

مخالف لتعاليم الدين الإسلامي الحنيف

حيث أنه شرط عدم الانجاب. ........يخالف أساسا أهد هدف رئيسى من اهداف الزواج الاسلامي. ......

قال صلى الله عليه وسلم (فيما معناه )
تزوجوا الودود الولود فإنى مباه بكم الأمم يوم القيامة

وكنت أحترم رغبتك في عدم إبداء الأسباب. .....واعتقدت ذلك لعلة بك وحملتك على حسن الظن

ولكنك ف التعليقات ضربت مثالا .......؟ لا يستحق حتى عناء الرد

أرجو من حضرتك. ........إعادة التفكير ..........

والله الموفق لكل خير

**msobhy** · 14-09-2015 01:37 AM

انت هاتتسلخ يا بوب
على العموم ايوه ينفع - ومش على الملاء - يعنى فى الخباثه
حاول تدور على واحده بتفكر زيك مقتنعه بطريقة تفكيرك - بلاش مبدأ الاصطياد فى الماء العكر مطلقه وارمله وما شابه

فى النهايه احب اقولك على معلومه رفيعه - اللهم لك الف حمد والف شكر - نعمة الاطفال لا تساوى الدنيا وما فيها

لو مكانك هاحاول افكر بمبدأ تانى اللى هو one boy only

اهم حاجه عايزك تكمل كلام فى الموضوع علشان الرجاله تكمل سلخ

**monamize4** · 14-09-2015 07:28 PM

المشاركة الأصلية كتبت بواسطة Samah AbdAllah

عرف مصرى !!
يعنى انت تروح تتجوز والعروسة تشتر عليك انها متخلفش منك وانت هتوافق عادى ؟

أه عرف و على فكرة العرف مش ملزم لحد
اصل السعادة ملهاش كتالوج ,, كل واحد يسعد نفسه زى ما هو شايف
المهم ان صاحب الموضوع يكون متأكد من دلؤقتى ان سعادته ف عدم الخلفة before its too late

**J A G U A R** · 15-09-2015 03:04 AM

بكره تغير رأيك وتقول عاوز أخلف
اصل دي سنه الحياه

**Samah AbdAllah** · 15-09-2015 06:12 AM

المشاركة الأصلية كتبت بواسطة monamize4

أه عرف و على فكرة العرف مش ملزم لحد
اصل السعادة ملهاش كتالوج ,, كل واحد يسعد نفسه زى ما هو شايف
المهم ان صاحب الموضوع يكون متأكد من دلؤقتى ان سعادته ف عدم الخلفة before its too late

ايه دخل العرف بانك تخلف ولا متخلفش
هو اى حاجة نلزقها فالعرف وخلاص
هى الناس بتتجوز وتخلف في مصر بس !!
غير ان الامومة غريزة عند كل بنت .....فيه كام رجل اتجوز على مراته او طلقها لانها مش بتخلف ؟؟
بلاش نقول عرف بس
محدش بيخلف مجاملة لحد

**abou-yahia** · 15-09-2015 07:21 AM

نصيحه

الانسان ميحاولش يقاوم الطبيعه عامه لان ده دايما بيكون خيار مكلف علي كل المستويات وبيحتاج ميكونش بيقوم بيه لوحده

الاولاد بيجوا بالتفاهم يعني انت عشان تقنع بنت انها متعملش فرح اللي هو اكيد حلم حياتها
لازم يكون عندك مبررات قويه و بدائل تعويض
مينفعش تقول انا مش عايز وخلاص

كذلك الاولاد
واضح انك عندك فكر لوحدك مش في الموضوع ده بس لاكن علي المستوي الإنساني مفيش مشكله
بس انت كده مينفعكش جواز الصالونات
انصحك تحاول تدور وسط الناس القريبين منك فكريا

لو في سبب طبي ده قصه اخري ( حاجه وراثيه تنتقل للابناء )

نصيحه لازم تعمل خطه احتياطية في حال انك مقدرتش تروض الطبيعه وقررت يكون عندك اولاد سواء برضاك او غصب عنك

المهم تكون مقتنع عشان تعرف تقنع غيرك

وكل فوله ولها كيال

ربنا يسعدك ويهني ايامك

وفعلا العرف السئ في مصر ان الوسط المحيط بيمارس ضغوط رهيبه علي المتزوجين حديثا
مش علي مستوي الاهل فقط لاكن علي كل دوائر الاتصال الاجتماعي

بنفس درجه التوحش اللي بتمارس علي البنت البي لسه متجوزتش
ياله شدي حيلك
مش حنفرح بيكي بقه
عقبالك

وطبعا بدرجه اقل علي الولد

تحياتي

**A.Saad** · 15-09-2015 03:35 PM

احييك على تفكيرك
الموضوع فى مصر نمطى متسلسل
تتخرج
تشتغل او ممكن مش تشتغل
تتجوز
تخلف
تربى
تطلع معاش

لو فكرت خارج النمط هتتعذب فلازم تستحمل
لو مش عايز اولاد فيه جوانب ايجابية للموضوع
هيكون معاك فلوس اللى بتتصرف عليهم ومدارسهم وتربيتهم
هترتاح من المسئولية
تسافر تروح تيجى مش مرتبط بمواعيد الدراسة

السلبيات
لو كبرت ممكن محدش يشيلك ، بس فى زماننا برده ممكن تخلف ومش يعرفوك
ممكن تحس بالوحدة
لازم يكون فيه تفاهم كبير بينك انت وزوجتك لان ممكن تفكروا فى الانفصال بسهولة لو مشكلة كبيرة
زن واسئلة من ناس مالهاش دعوة بيك فى العائلة او الشغل

وعلشان تعرف
الراجل بيحس بالابوبة وغريزتها بعد ما يخلف لكن الست قبل ما تخلف وهى تحس بيها
علشان كدة صعب تلاقى بنت تقبل طلبك

ممكن تفكر فى بنات عندها ظروف صحية تمنعها من الانجاب بس فكر وادرس هل ده يؤثر على اختلالات الهرمونات عندها او العلاقة الخاصة .