الموضوع: الاســكــندرانـيـة .. ( كـلاكـيت تاني مرة )

يا جماعة مفاجئة جبارة
الاستاذ مايكل عازم كل اللى حييجى على 4 عصاير من اى نوع من عصاير مكة
عاوزين اكبر عدد ييجى عشان ندبسه

[]
ده لو حد شاف استاذ مايكل يا شباب
على فكره مايكل بيقول ان عربيته لانوس لكن هي الحقيقه شاهين غلبانه مكتوب عليها
My Name Is The KING
مايكل يعنى
اللى يشوفنى يجيلى وانا هاظبته فى اللى هو عاوزه
[/QUOTE]
انا حغير لونها و اشيل الكلمة

اوباااااااااااااااااااااا ااااااااا


شكلي كده بتدبس

يعني انت تيجي المقابلة وكمان هتوفر في البنزين عاشن جنب بيتك وكمان عايز تاكل وتشرب

وانا اللي اغرم

'مش انت اللى متزعم رابطة اسكندراية اشرب بقى يا عم انتوا مفكرين الزعامة ديه ببلاش

قرار جديد :

- ممنوع اصطحاب الماكولات والمشروبات بجميع انواعها

فعلا انا معاك فى القرار ده و مؤيد تمام التأيد ممنوع اصطحاب المأكولات و المشروبات لان اى حد يجيب حاجة معاه يبقى بيشتمك و ده غلط بقى ازاى يعنى نيجي و نجيب معانا احنا حنيجي و انت حتجبلنا على فكرة يا جماعة لان الاخ محمد عبد الرحمن حالف يمين طلاق تلاتةان اللى حجيب حاجة معاه اكل او شرب او حتى بنزين عربية يبقى بيشتمه لو انتوا عايزين تزعلوه بقى هاتوا الحاجات ديه و انتوا جايين انتوا حررين بقى زعلوا الزعيم بقى .

علي فكره هو عاملكم مفاجئه وكان حيغدينا عند بلبع وكل واحد حياخد علبه عائليه بحد اقصي 4 افراد وهو مروح (محدش يقول احنا 5 علشان ميبقاش طماع واستغلالي )

لو فعلا العدد ده كل جاى ان شاء الله كش حينفع للاسف نروح لبلبع علشان الرخص كلها حتتسحب على انه موكب بدون تصريح :)
انا بقترح بما اننا فى كارفور اننا نقضيها مؤمن كل واحد واجبة حلوة كده يعنى
انا عن نفسي يا عم مش طماع ولا 3 افراد ولا 4 هو واحد Sea Food Plus كومبو بطاطس و بيبيسي .
و على فكرة يا جماعة الاخ محمد مش ناسي الحلو كمان بعد ما نخلص وجبات مؤمن هو حاجز 4 تورت من عند Delight فمحدش يقلق من حاجة و اول ما نخلص الحلو الراجل مش حرمنا من حاجة فى الرحلة ديه حنحبس بقى بموكا ساقعة من عند كارلوس و الخاتمة ان شاء شيشة عند كارلوس .
شوفت انا بحبك ازاى :)
و طبعا توفيرا للبنزين كل دول عند كارفور يعنى مفيش عربيات حتتحرك من مكانها توفيرا للبنزين و حفاظا على الرخص .
على فكرة انا نسيت اقول ان الأخ محمد عبد الرحمن و الملقب بغلاسة فى منتدى نايل موتورز عاملة مفأجأة جامدة اوى و هى ان كل واحد و هو مروح حياخد عدد 4 كوبون كل كوبون فيه 20 لتر بنزين 95 و ده مساهمة منه فى المحافظة على مواتير العربيات الجديد بلاوكتان العالى .

انا حعمل حسابى انى ما اكلش نهائى من يوم الاربعاء لو الموضوع كده وحفول العربية عالاخر علشان السباق

لا ياباشا يوم الأربعاء ايه بس دانا بدأت الصيام من دلوقتى ده انا لسه قافل مع الأخ محمد التليفون و بيأكد عليكوا موضوع مؤمن ده .

ولمعلوماتكوم بقه كل واحد يجيب ساندويتشاته والزمزميه فى الشنطه الحمرا وكمان يفول العربيه او يجيب شويه بنزين فى قزازه احتياطي

كده يبقى نغير مكان المقابلة من كارفور للنزهة او انطونيادس

في ايه الموضوع كده شكله هيقلب جد ولو قلب جد انا مش جاي

الكلمة ديه سهو خطأ هو قصده ان الموضوع لو قلب بهزار و حد قال مش عايز اكل و الكلام ده هو مش حيجي

يبقي كده عندنا الجايزه الاولي شقه وعربيه ابيزا والتانيه عربيه لانوس واللي يكسب عربيه يتفضل ويتواضع ويبقي يوصل صاحب العربيه القديم سواء استاذ مايكل او استاذ محمد لاقرب

و مالها التكسيات ؟ ال نوصلهم ال

يعنى غدانا على الاستاذ محمد ............................. و ربنا يستر على الراجل

لا الراجل قدها و قدود تعالى انت بس انت و اصحابك كلهم الدعوة عامة يعنى اخ محمد عبد الرحمن رجلا والرجال قليلوا .
الراجل سداد ياخى متقلقش

الاستاذ مايكل عازم كل اللى حييجى على 4 عصاير من اى نوع من عصاير مكة

فل موت اخر حاجة انا حاخد لب ابيض و لب اسمر و بوريو يالحلاوة و رضعة أسد
بس احنا ممكن نوفر حكاية مكة ديه لمرة تانية علشان الاخ محمد عبد الرحمن ميزعلش مننا

ههههههههههههههههههههههه

تصدقو بايه ان انا شكلي مش جاي ام المقابلة دي

كله كده داخل على طمع

ياااااه على جشع البني ادمين

مفيش واحد يطلع يقول تعالو كده وانا اللي هعزمكو كل واحد عمال يرمي العزومة ع التاني

طيب بصو بق انا عشان هريحكو

اليوم ده هاجي وانا صايم

عشان ولا حد يعزمني ولا اعزم حد

ههههههههههههههههههههههههه

فعلا الصيام حلو جدا للصحة بما انك زايد فى الوزن اليومين دول حبتين
انت تعالى صايم زي مانت عايز متكالش كتير علشان الأكل مبقاش مفيد زي زمان المهم انك تعزمنا و تطبق البرنامج زى مانا كاتب كده لكن انت تاكل متكلش برحتك ياباشا ديه حاجة ترجعلك
يلا كفاية كده النهاردة مش حطول عليكوا و يجعلوا عامر و على معانا يوم الجمعة ان شاء الله