اسبورتاج 2016

**AHMEDJUDDY** · 21-09-2015 09:27 PM

المشاركة الأصلية كتبت بواسطة eng.mark

الكنبة الخلفية ضيقة جداً و بالكاد يقعد فيها أطفال لو السائق و الراكب الأمامي طوال ... ثباتها زي الزفت و سحبها متواضع و ماتستهلش مليم يتدفع فيها :) !!!
أنا معايا porsche cayenne s في ألمانيا و كان معايا قبلها audi q5 و المدام كان معاها q7 و هو ده مفهوم ال suv علشان كدة حكمي ممكن يكون صعب شوية بالنسبة للsportage و لكن علي العموم رجاء شخصي مني لو تقدر تنتظر لحد الشكل الجديد ما ينزل يبقي أفضل بكتير لأن موتوره أقوي و شكلها بقي أفخم و ساعتها ممكن تشتري الشكل الحالي أرخص من سعرها بكتير
لو مكان حضرتك هفكر تاني ... بص بصة سريعة علي القاشقاي و ال3008 و الكوجا و لو فضلت مقتنع بالsportage يبقي ربنا يبارك لحضرتك فيها إن شاء الله :)

كل كلامك علي عيني و رأسي ... عدا كلمه واحده ان الكنبه الخلفيه ضيقه .... بالعكس الكنبه الخلفيه بينها و بين الكرسي الامامي بحر بجد ... واللي مش مصدقني يشوفها في الحقيقه .

**ENG.MaRk** · 21-09-2015 10:53 PM

المشاركة الأصلية كتبت بواسطة ahmedjuddy

كل كلامك علي عيني و رأسي ... عدا كلمه واحده ان الكنبه الخلفيه ضيقه .... بالعكس الكنبه الخلفيه بينها و بين الكرسي الامامي بحر بجد ... واللي مش مصدقني يشوفها في الحقيقه .

أنا قعدت فيها و كلامي عن تجربة بس لو حضرتك مقتنع بالعكس يبقي تمام ربنا ييوفقك إن شاء الله :)

**The doctor** · 21-09-2015 10:56 PM

المشاركة الأصلية كتبت بواسطة ahmedjuddy

كل كلامك علي عيني و رأسي ... عدا كلمه واحده ان الكنبه الخلفيه ضيقه .... بالعكس الكنبه الخلفيه بينها و بين الكرسي الامامي بحر بجد ... واللي مش مصدقني يشوفها في الحقيقه .

طب و بالنسبه لباقى النقاط اللى eng.mark اتكلم فيها زى الثبات و السحب
مع العلم ان دى أول عربيه ليا و مليش فى السرعه اوى يعنى اخرى 100-120 كم

**borio1704** · 21-09-2015 11:21 PM

المشاركة الأصلية كتبت بواسطة The doctor

طب و بالنسبه لباقى النقاط اللى eng.mark اتكلم فيها زى الثبات و السحب
مع العلم ان دى أول عربيه ليا و مليش فى السرعه اوى يعنى اخرى 100-120 كم

المقارنة في الحتة دي بالذات ظالمة جدا للاسبورتاج...

أولا .. معروف طبعا إن السيارات الألمانية متفوقة في الثبات نظرا لمتطلبات الطرق الألمانية..

ثانيا.. ما ينفعش نقارن عربية 3000 cc بعربية 1600 cc ونقول العربية ال1600 وحشة علشان سحبها ضعيف... ماهو أكيد سحبها هيكون ضعيف..

ثالثا.. الأودي والبورش عربيات فخمة وغالية ومعمولة لفئة معينة من الناس مستعدة تدفع وتاخد أي حاجة هي عايزاها.. زيها زي المرسيدس والبي إم دبليو.. وبالتالي ما ينفعش نقارن بيها أي عربية تانية تعتبر اقتصادية مخصصة لاستخدامات الناس العادية ..

رابعا.. العربية الاسبورتاج مناسبة جدا للمستهلك المصري من كذا جهة.. سواء من ناحية الطرق المصرية أو استهلاك البنزين أو قطع الفيار والصيانة .. وقبل كده كله.. السعر والمميزات في العربية.

...

**The doctor** · 22-09-2015 10:04 PM

المشاركة الأصلية كتبت بواسطة devil_storm

من تجربتي العربيه ثباتها كويس جدا و عجبني و معنديش تعليق عليه لكن سحبها فعلا ضعيف، انا جربتها بماتور 2000cc و كان سحبها ضعيف يبقي الماتور 1600cc حيكون عامل اذاي!؟؟! علشان اوضحلك النترا او سيراتو 1600cc تطلع من اسبورتاج 2000cc و بسهوله كمان، و طبعا اللي سايق بورش و اودي q7 اكيد حيشوفها سيئه

موضوع السحب ده أنا عارفه و كل أرقامها و مواصفاتها
أنا بدور على رأى حد مجربها هنا فى مصر يكلمنى عنها على الطبيعه و ايه العيوب او المشاكل اللى واجهته معاها