لأصحاب االلانسر مشكلة في كهربة لانسر بومة

**os.a.ma** · 21-09-2015 02:35 AM

اولا كل سنة وانتم طيبين
ثانيا : انهردة بعد ما غسلت العربية في المغسلة ومع اني مغسلتش الموتور لكن حصلت مشكلة اولها اني وانا شايل المفتاح من العربية نور الصالون بيفضل منور والعداد بيفضل شغال يعني اللمبات التحذيرية بتفضل منورة واجي احط المقتاح وادور متدورش ...
شسلت اسلاك البطارية ووصلتها تاني العدادات قفلت ودورت العربية ودارات لكن لما باجي اطفي العربية بيحصل حاجاتين
اولا : نور الفوانيس الي قدام - النور الواطي - المفروض بيقفل مع فتحة الباب لما اطفي العربية ومن غير ما اطفيه من الدراع الي حصل بقى ان النور بقى يشتغل وينطفي ومبيقفلش خالص
ثاني حاجة ان في صوت جاي من ناحية علبة الفيوزات الي جنب البطارية واشارات العداد التحذيرية بتشتغل وتطفي لوحدها والمفتاح متشال من العربية .
انا دلوقتي فاصل البطارية وقفلت العربةي ومش عارف اعمل فيها ايه .

**pepo2011** · 21-09-2015 10:04 AM

ياباشا دخل مية علي حاجة عاملة قافلة و الله يباركلك اوعي توصل البطارية دلوقتي وحاول تنفخ كل الفيش والحساسات وعلبة الفيوزات بالهوا جامد وسيبها في الشمس اطول فترة ممكنة وياريت تكون فاتح الكبوت عشان المية تنشف ولو وصلت البطارية وسمعت الصوت تاني عند علبة الفيوزات افصلها تاني بسرعة لان دا صوت الماس
لاقدر الله عواقب الماس ده وخيمة جدا حفظك الله منها

**os.a.ma** · 21-09-2015 11:21 AM

المشاركة الأصلية كتبت بواسطة pepo2011

ياباشا دخل مية علي حاجة عاملة قافلة و الله يباركلك اوعي توصل البطارية دلوقتي وحاول تنفخ كل الفيش والحساسات وعلبة الفيوزات بالهوا جامد وسيبها في الشمس اطول فترة ممكنة وياريت تكون فاتح الكبوت عشان المية تنشف ولو وصلت البطارية وسمعت الصوت تاني عند علبة الفيوزات افصلها تاني بسرعة لان دا صوت الماس
لاقدر الله عواقب الماس ده وخيمة جدا حفظك الله منها

دلوقتي العربية واقفة من بليل في الجراج وفاتح الكبوت والشبابيك عشان تتهوى المهم نزلت من شوية اشوف لقيت نفس المشكلة وصوت التكتكة جاي من علبة الفيوزات من جزء اخضر كبير كدة واخد نص العلبة تقريبا مش عارف ايه هو الصراحة

**pepo2011** · 21-09-2015 11:33 AM

ياباشا الجراج رطوبة والمية مش هاتنشف ياريت تطلعها في الشمس والجزء الاخضر دا كتاوت اكيد دخل فيه ميه او في الفيشة المسؤول عنها الكتاوت دا يعني العيب مش فيه هو
ياريت تشيلة وتحاول تنفخه وتشوف فيه ميه ولا لاء

**os.a.ma** · 21-09-2015 12:20 PM

العربية من الساعة 8 في الشمس وبردو لسة نفس الصوت موجود الصوت طالع من الـ ecu بس العربية بتشتغل عادي ومشيت عليها شوية حولين البيت والصوت مبيظهرش فيه الا لما ابطل العربية

**lancer06** · 21-09-2015 05:23 PM

المشاركة الأصلية كتبت بواسطة os.a.ma

العربية من الساعة 8 في الشمس وبردو لسة نفس الصوت موجود الصوت طالع من الـ ecu بس العربية بتشتغل عادي ومشيت عليها شوية حولين البيت والصوت مبيظهرش فيه الا لما ابطل العربية

السلام عليكم ورحمة الله
مرحبا اخى الكريم
بجانب علبة الفيوزات الداخلية هتلاقى متركب السنتر والأنزار بتاع العربية
فك الفيش بتاعتة واتأكد ان مفيش فية مية
بعدين ركبة تانى وشوف المشكلة موجودة ولا لأ