بليز انا محتاره بين اتراج ولادا جرانتا

**KITTY2000** · 12-09-2015 05:42 PM

مساء الخير .. انا محتاره جدا بين اتراج وجرانتا ممكن اللي عنده معلومات يساعدني انا عرفت ان اتراج وزنها خفيف وبتقلب واعرف واحد قريب اتقلبت بيه ارجوكم ياريت اللي يقول رايه يقول رايه بصراحه ويفتكر ان دي ارواح ناس شكرا جزيلا :)

**محمد مجدي 22** · 12-09-2015 05:49 PM

الاتراج انا بسمع عنها كلام مش حلو فعلا انها خفيفا و سحبها ضعيف و تقفيلها مش حلو
الجرانتا لسة جديدة فا لسة متعرفتش اوي
لكن حضرتك ممكن تشوفي رينو لوجان اوتوماتيك عربية ممتازة
او عندك فيرنا عربية حلوة برضو و كمام في اعادة البيع ممتازة و قطع غيار عند اي حد و سحبها ممتاز عيبها الثبات و دة حله انك تركبي جنوط للسيارة و كمان هيحسن الفرامل
و عيبها الثاني انها واطية شوية لكن في المجمل عربية كويسة

**KITTY2000** · 13-09-2015 02:40 AM

المشاركة الأصلية كتبت بواسطة محمد مجدي 22

الاتراج انا بسمع عنها كلام مش حلو فعلا انها خفيفا و سحبها ضعيف و تقفيلها مش حلو
الجرانتا لسة جديدة فا لسة متعرفتش اوي
لكن حضرتك ممكن تشوفي رينو لوجان اوتوماتيك عربية ممتازة
او عندك فيرنا عربية حلوة برضو و كمام في اعادة البيع ممتازة و قطع غيار عند اي حد و سحبها ممتاز عيبها الثبات و دة حله انك تركبي جنوط للسيارة و كمان هيحسن الفرامل
و عيبها الثاني انها واطية شوية لكن في المجمل عربية كويسة

شكرا جزيلا لرد حضرتك :)

**mirra** · 13-09-2015 04:30 AM

الجرانتا اكثر اعتماديه من الاتراج.. الاتراج تعتبر city car فقط.. اما الادا محرك 1600 تمانيه صمام و صاج قوى و شكل انيق.

**ehabomar1987** · 19-09-2015 09:33 PM

اللوجان افضل من الاتنين وبنفس السعر استلام فورى ب 105 والفارق مش كبير بينها وبين الاتراج او الجرانتا

**madooomad** · 19-09-2015 10:19 PM

ابعدي عن الفيرنا... اللوجان عربية ماشي حالها خصوصا ان تقفيلها مش قد كدة بتسمعي تزييق البلاستيك بتاع التابلوه و الصالون بسرعة جدا ... معرفش حاجة عن اللادا .. اعتقد انها ممكن تكون اقولهم بس ممكن تستني احد مايبقي ليها ريفيوهات كويسة .. عندك ال ٣٠١ و السياز و اعتقد سوزوكي عندها كلم عربية كويسة زي السويفت

**eng.m7md.ali** · 19-09-2015 11:02 PM

وزن الاتراج بالنسبة للموتور ال 3 سلندر يعتبر كويس .. سحبها عادي يعني مش بطة ولا صاروخ والسر هو وزنها .. هيا تعتبر عربية مدينة كويسة ومن عيوبها الصفيح الخارجي بتاعها عشان حرام نسميه صاج .. فراملها كويسة وتكييف كويس واستهلاك بنزين كويس .. مستغرب انها نازلة بأيرباج واحد بس حتي في الهاي لاين

**micromoud** · 20-09-2015 12:05 AM

اللوجان صفقة رابحة

**mif** · 20-09-2015 10:46 PM

لادا افضل بكتير

**scientist9508** · 21-09-2015 08:49 PM

بسم الله الرحمن الرحيم

أختنا الفاضله

حضرتك تعقدين المقارنه الأكثر شيوعآ و إنتشارآ لأن السيارات التى ذكرتيها فى الفئه السعريه الأكثر وجودآ فى مصر.

1 - لادا جرانتا

2 - ميتسوبيشى أتراج

3 - رينو لوجان

4 - سوزوكى سياز

5 - فيات بونتو

6 - سوزوكى سويفت

7 - بروتون بيرسونا أو جين 2

8 - جيلى إيمجراند 7

9 - سيتروين سى إيليزيه أو بيجو 301

10 - شيفروليه آفيو

11 - نيسان صنى

12 - هيونداى أى 10

13 - كيا بونتو

كل السيارات السابق ذكرها تشغل النسبه الأكبر من ساحات المقارنات فى كل منتديات السيارات. بشىء بسيط جدآ من البحث ستعرفين أن أسعار السيارات السابقه يترواح من 85,000 جنيه و حتى 137,000 جنيه و هذا مدى سعرى كبير و لكنه الأكثر شيوعآ و إنتشارآ لأن الذين مستعدون لدفع 140,000 جنيه و أكثر عدد أقل.

حتى لا يطول شرحى . . من فضلك قدمى مزيد من إحتياجاتك و طلباتك من السياره المنتظره لتتلقى المساعده المناسبه لأن كل زميل كريم فى المنتدى يقدم لك ما يراه مناسب من وجهة نظرآ و لكن ليس وفقآ لإحتياجاتك لأنك لم تحدديها بعد. مسألة الثبات فإن كل السيارات ثابته حتى سرعه معينه ثم يتفاوت الثبات صعودآ و هبوطآ من سياره لأخرى بزيادة السرعه.

هداك الله لأرشد أمرك و أقومه

السلام عليكم ورحمة الله و بركاته