الموضوع: محتاج النصيحة في رينو سينيك مو 2000

السلام عليكم و رحمة الله و بركاته اعضاء المنتدي الكرام
بداية كل عام و انتم بخير
انا معايا رينو سينيك موديل 2000 اوتوماتيك و اضطريت اني اغير ضفيرة حوض و تابلوه بناءا علي كلام الصنايعي اللي شغال في العربية و كانت المشكلة ان مفيش غيار بيثبت علي شاشة التابلوه و لما يثبت كانت العربية بتنتش المهم بعد ما رحت عند واحد ضلالي حسبي الله و نعم الوكيل فيهم (يحي و خالد في صقر قريش) و هماحرامية و اونطجية بمعني الكلمة غيرلي الضفيرتين و العربية ما جاتش يوم قدام بس الغيارات اتظبطت و ظهرت علي التابلوه (هو قال انه غير السيليكتور سوتش الموجود علي الفتيس و مسؤل النقلات الاوتوماتيك) و حصل الاتي :
1- بس العربية كل شوية تبطل و مش بترضي تدور و غيرت 3 مارشات من كتر الدوارة
2- بعد اسبوع بالظبط المشكلة بتاع الغيارات ظهرت تاني و اضطريت امشي بالفتيس علي وضع السيف مود (حصل ده بعد ما زودت زيت فتيس لانه كان في تنشيعة تحت العربية من ناحية الفتيس)
3- كان فيه فيش مش واصلة زي الانتظار و فيشة التكييف
4- الراديو باظ نهائي و مش بيلقط اي اشارة حتي في قلب القاهرة
5- ودي اهم مشكلة كل شوية وانا ماشي او وانا واقف علي السلانسيه مرة واحدة الاقي شاشة العدادات تفصل و العدادات تنزل مرة واحدة و لمبة البنزين و الفتيس ينوروا مع بعض و الموضوع ده مقلقني
6-لما بحول الغيارات من الn الي r او العكس بتظهر علامة فانوس الشبورة في التابلوه و بردوا احيانا بتظهر لما بدوس فرامل
6-هل في فيوز للفتيس هو اللي بيخلي الفتيس يخرف
7- لما العربية بتبطل و مش بترضي تدور في فيوز في علبة الفيوزات اللي في حوض العربية بطلعه و بعمل له تشعيرة و اركبه تاني و اول ما الف الكونتاكت بسمع صوت البوابات
ملاحظة اخيرة انا لما اشتريت الضفيرة للحوض كانت من عربية اوتوماتك بس الدريكسيو يمين و ماكنش فيه غيرها و كانت الفيش اللي رابطة بضفيرة الحوض مختلفة فاضطريت اني اشتري ضفيرة الحوض معاها و اغيرها
بالله عليكم افيدوني لاني خلاص العربية صرفت عليا كتيييير و انا مش قادر و مش عاوز اسلم دماغي لاي حد تاني كفاية

و في فيش برضوا بجوار علبة الفيوزات الداخلية مش و اصلة و شبه فيش واصلة و مش عارف خايف ليكون عكس فيش مكان فيش