حلال ولا حرام؟؟؟؟؟

**midoabdeen** · 23-09-2015 02:03 PM

السلام عليكم ورحمة الله وبركاته

كل سنة وانتوا طيبين

دلوقتي انا محاج اجيب عربية علي اول السنة الجايه كدة
العربية حاجتي ليها هتبقي كبيرة جدا علشان مكان شقتي اللي هتجوز فيها في مكان مافيهوش مواصلات كتير
والدنيا باليل بتبقي صعبه جدا
وطبعا هتبقي عرضة لاي موقف بعد الجواز حد تعب او طلبات البيت وهكذا

سالت علي قسط العربيه بس لاقيت المبلغ هيبقي كبير عليا في الوقت الحالي

فموظف البنك قالي علي قرض علي سبع سنين وهدفع كل شهر حوالي 1000ج لاني مش عايز مبلغ كبير

اللي في دماغي اني هاخد القرض اجيب العربية وفي خلال السنة التانية اكون خلصت جمعياتي و اسدد المبلغ بتاع القرض كله مرة واحد من جمعيه تانية علشان الحرمانية

ما مدي الحرمانية في الكلام دا
علما بان مش هيبقي في فلوس خالص في فترة اول سنة بعد الجواز لان المرتب كله جمعيات
وانا مش عايز عربية للفشخرة و هجيب اي حاجه اقضي بيها مشاويري و مشاكل قليله لقله الصنايعيه في مكان السكن

**micromoud** · 23-09-2015 02:24 PM

ناس هنا كتير هتقولك طالما البنك فى الموضوع يبقى = حراااااام.

معلش طالما الكلام فى الحلال والحرام اسأل أهل الذكر يعنى اسأل قى دار الافتاء المصرية.
دار الإفتاء المصرية

**midoabdeen** · 23-09-2015 04:55 PM

اللي سمعته من ناس ان دار الافتاء محلله القروض
وهنا اكيد في ناس ليها تجارب في الموضوع دا ممكن يفيدونا

**هيثم مجدي** · 23-09-2015 05:06 PM

ربنا ييسر لك أمورك إن شاء الله ويرزقك الذرية الصالحة
انت متقدرش تتحمل السنة دي لحد لما تنتهي من التزاماتك ؟
حتى لو تعتمد على شخص يكون معاه سيارة تكلمه مثلا وقت لما تحتاجه, فيه كتير اصحاب سيارات و تاكسي بيبقوا تحت الطلب بالتليفون. أكيد هتلاقي ان شاء الله, ومادام سنة بامر الله تعدي بسرعه
واحتسب فعلك دا لتجنب الحرام وعدم أكل الربا.

**midoabdeen** · 23-09-2015 06:50 PM

والله انا معاك في الكلام دا
بس كنت سمعت من شخص ان القروض في حاله انك محتاج ليها بشدة هتبقي مش حرام والله اعلم
ومش عارف اصدق مين بالظبط

**طارق _عبد السلام** · 23-09-2015 07:40 PM

طيب زود كمان جمعيه وادفع فيها اللى هيندفع قسط للبنك منها هتكون كسبت الفرق ومش هتدفع فوايد....ومنها قلقك من الربا انتهى......................دع مايريبك الى مالا يريبك

**#MAAM#** · 24-09-2015 12:12 AM

هاتلك عربية مستعملة على قدك أحسن كتير

**هيثم مجدي** · 24-09-2015 10:14 PM

المشاركة الأصلية كتبت بواسطة midoabdeen

والله انا معاك في الكلام دا
بس كنت سمعت من شخص ان القروض في حاله انك محتاج ليها بشدة هتبقي مش حرام والله اعلم
ومش عارف اصدق مين بالظبط

جزاك الله خيرا
الحاجة الشديدة زي مثلا شخص تهدم بيته وهيبات هو وأولاده في الشارع ومفيش طريقة الا القرض بالربا. دي ضرورة. لكن في حالتك إن شاء الله مفيش ضرورة قاهرة ولا شئ.
انت حالتك لها بدائل وان كانت متعبة شوية, لكن احتسب التعب دا لله وهتلاقي معونة وتيسير من الله سبحانه وتعالى.