الموضوع: استلمت رينو لوجان 2016

ايه ياجماعة كل دي مشاهدة ومفيش ولا رد حتي قولولي مبروك

أنا على وشك أجيب واحدة أنا كمان وكنت محتار ما بين الهاي لاين بتاعتك فئة e3 والفئة e2 الأوتوماتيك الفول أوبشن أوتوماتيك...

أنا حاسس ان الهايلاين فيها كماليات كتير مش هحتاجها خالص وممكن أعيش من غيرها من غير ما أحس بنقصان خصوصاً مع الe2 الفول أوبشن وهتفرق في مبلغ يوصل ل10 ألاف جنيه فرق بين الشريحتين ...

قولي من خبرتك رأيك في لوجان 2016 لأني فعلاً عمال بفكر بدل المرة ألف ومش راسي على قرار لسة ... وكمان سؤال , إيه رأيك في استهلاك البنزين بتاعها ؟؟؟ وإيه رأيك في سحبها ؟؟ حلوه ولا ؟؟

المشاركة الأصلية كتبت بواسطة هشام1984

أنا على وشك أجيب واحدة أنا كمان وكنت محتار ما بين الهاي لاين بتاعتك فئة e3 والفئة e2 الأوتوماتيك الفول أوبشن أوتوماتيك...

أنا حاسس ان الهايلاين فيها كماليات كتير مش هحتاجها خالص وممكن أعيش من غيرها من غير ما أحس بنقصان خصوصاً مع الe2 الفول أوبشن وهتفرق في مبلغ يوصل ل10 ألاف جنيه فرق بين الشريحتين ...

قولي من خبرتك رأيك في لوجان 2016 لأني فعلاً عمال بفكر بدل المرة ألف ومش راسي على قرار لسة ... وكمان سؤال , إيه رأيك في استهلاك البنزين بتاعها ؟؟؟ وإيه رأيك في سحبها ؟؟ حلوه ولا ؟؟

العربية حلوة وجميلة وشكلها شيك اوي وفكك من الناس الي تقولها هات كوري احسن لان ناس كتير كانوا بيزنه عليا وقالولي حرام تدفع 120 الف في رينو هات اكسنت ار بي وانا ركبت الاكسنت معجبتنيش قولتلهم ادفع 120 و130 في رينو مالها رينو شركة محترمة توكيل من احسن التوكيلات في مصر عربية فرنساوي تكفيلها كويس وكفاية بس الاوبشن الي فيها العربية شنطة واسعة صالون واسع شكل الصالون ملوش حل وعايز اقولك انها جميلة في البنزين انا عملت 100 كيلو وكنت مشغل التكييف ولسة ولا شرطة نزلت الفرامل جميلة جدا وعالية عن الارض وثباتها ملوش حل اتكل علي الله فيها
اما بالنسبة للفئة ال e3 وال e2 الفرق الشاشة وال gps ومثبت السرعة وسينسور باركينج وتكييف تاتش شوف انتي محتاج ايه ولو عايز تسأل علي حاجة انا تحت امرك

انا استلمت من شهر عبيتى لوجان 2016 هاى لاين nav ومش مضطر اشكر فيها لانها فعلا عربيه فوق الممتاز وخصوصا فى السفر والحمد لله رحت عملت صيانة ال 1000 فى التوكيل بالعبور وكل حاجه تمام وزى الفل وبالنسبه للاوبشنز اللى فيها مش ممكن تلاقيه بالسعر ده فى اى عربيه تانيه

على فكره انا نسيت حاجه مهمه اوى - لاحظت كتير بيشتكو من النيو لوجان ان مفيهاش لوك امان او كما يسمونه سيفتى للابواب الخلفيه عشان الاطفال
اللوجان 2016 اللى معايا موجود فيها مفتاح اللوك (السيفتى) لكل باب من الابواب الخلفيه تمنع الاطفال من فتح الباب من الداخل

السلام عليكم..
هو ينفع اطلب فئة e2 وازود شاشة وسينسور باركينج بس؟ وتكلفتهم كام؟
لانى مش محتاج gps ولا تاتش التكييف ولا مثبت السرعة..