الف مبروك العربيه وان شاء الله تستمتتع بيها وتنبسط معانا موضوع قفل الباب ده فى حاجه اسمها child lock فى الباب بتقفله ماحدش بيعرف يفتخ الباب من جوه اصلا
معلش عندي سؤال هل فعلا الاتوماتيك بتحس بالنقلات وفي نتشه ولا الموضوع مش محسوس اصلا
رقم العضوية : 56232
تاريخ التسجيل : 19Dec2009
المشاركات : 202
النوع : ذكر
الاقامة : القاهرة
السيارة: Optra A/T 2009
السيارة[2]: Juliet
دراجة بخارية: لا يوجد
الحالة :
بسم الله الرحمن الرحيمالحمد لله ، وما شاء الله ولا قوة إلا بالله
اشتريت رينو لوجان هاي لاين 2016
اشتريتها من محمد زكي فرع ميدان المروحة في طريق القطامية
ولا أنصح أي أحد إنهم يشتروا من عندهم ،، معاملتهم سيئة للغاية وفي منتهى قلة الذوق ،، وبعد ما تشتري لو طلبت منهم كوباية مياة ،، مايعرفوكش
انطباعي عن السيارة :
** العيوب :
- أهم وأخطر عيب حتى الآن إن مافيش لوك داخلي للسيارة ،، وده خطير جداً بالنسبة للأطفال ،، بمعنى أنك لو قافل اللوك العام للسيارة ( وهو زر في منتصف التابلوه ) فإن السيارة تُغلق خارجياً فقط لكن أي واحد لو قاعد جوّة السيارة وفتح الباب .. هايتفتح معاه عادي ،، وده عيب خطير من وجهة نظري ،، أتمنى لكون له حل وأنا ماعرفوش حتى الآن .
- مرآة الصالون صغيرة جداً ،، ولا تعطي رؤية جيدة .
- الباور تقيل جداً ( مقارنة بالأوبترا اللي كانت معايا ) ..
- بالرغم إنها 110 حصان والموتور 16 صباب إلا إنك تصل إلى سرعة 110 فقط حينما تكون على أر بي إم 3 وهو مستوى متأخر ،، لإن في الأوبترا مثلاً عند أر بي إم 3 تكون على سرعة 130 وليس 110 كم/ساعة
- غطا تانك البنزين يُفتح من الخارج ،، وده عيب خطير ورخم ،، وممكن أي عيل في الشارع يفتح أو يكسره ،، في حين إن الأوبترا مثلاً كان بيتفتح من زر تحت مقعد السائق ، كما أنك مضطر تشيل المفتاح من الكونتاكت وتعطيه لعامل البنزينة عشان يموّنلك السيارة ،، وطبعاً هايرجعلك المفتاح مشحم وريحته بنزين
- إيريال راديو السيارة طويييييل جداً عامل زي بتاع التوكتوك ،، ولو قارنته بالأوبترا ( من غير إريال أساساً ) لإن أوبترا الإيريال بتاعها مدمج في الزجاج وهو عامل غاية في الجمال والروعة ،، وغاية في السوء والتأخر من رينو الحقيقة ،، كما إنك معرض إن الإريال يتسرق .
- مافيهاش جهاز إنذار ، والحقيقة مش فاهم إيه وجهة نظرهم في كده ،، ده بـ 100 جنيه يا جدعان
** نيجي بقى للمزايا :
- السعر منافس جداً ،، وهي من وجهة نظري الشخصية أفضل من النيو أوبترا ،، ومن النيسان صني ،، اللي في نفس سعرها .
- الشنطة بتاعتها بحر ،، ممكن تحط فيها أوضة نوم .... ( لطفل صغير :) )
- العفشة بتاعتها جميلة ما شاء الله .
- عالية عن الأرض .
- لسه ما جربتش التكييف كتير ،، لكني جرّبته حاجة بسيطة ،، شكله كويس إن شاء الله .
- الفرامل ما شاء الله كويسة جداً ،، أحسن من الأوبترا 100 مرة .
- العامل المهم اللي رجّح كفّتها بالنسبالي عن النيسان صني مثلاً بالرغم إن البعض يظن أنه عامل هامشي ،، هو وجود USB لكن بالنسبة لي هو شيء مهم جداً
- النافيجيشن ممتع جداً الحقيقة .
- شاشة المعلومات بتقدملك شوية حاجات جميلة زي درجة الحرارة الخارجية ،، ومعدل استهلالكك ومشيت أد إيه ،، بدل ما تقعد تحسبها إنت ،، وتعمل لنفسك شييت إكسيل خاص بكده :)
- فيها كروز كونترول ،، ومحدد سرعة ،، ودول لسه ماستخدمتهمش ،، لكنهم مفيدين طبعاً خاصةً في السفر إن شاء الله
- صوت الكاسيت بصفة عامة معقول ،، وزر التحكم في الفوليووم من الطارة جميل ومريح .
- لسه ماجربتش حوار البلوتوث ،، ويا ريت حد يفهّمني فيه أكتر
- الباركينج سينسور جميل ،، ومفيد جداً الحقيقة .
- لسه ماجربتش إني أسوقها مانيوال ،، باسوقها أوتوماتيك فقط حتى الان ،، وحاسس إني مش هاحتاج المانيوال ده أصلاً ،، إلا إذا حد قاللي فايدته اللي أنا مش عارفها لغاية دلوقتي .
- السيارة عريضة ( أعرض من الأوبترا والإلنترا والصني ) .
- المرايات الجانبية رؤيتها ممتازة .
دي ملاحظات استخدامي لأسبوعين لها
اتمنى أكون افادتكم ،، وإدعوا لي ربنا يبارك لي فيها ، ويكفيني شرّها
.......
** ملحوظة : الفرق بين البيسك والهاي لاين في سيارات مثل كيا وهيونداي ولانسر وفولكس ،، إلخ بيكون كبير جدا ،، يعني ممكن تلاقي الفرق بين أول فئة والهاي لاين حوالي 50 ألف جنيه .
أما في اللوجان حوالي 15 ألف جنيه ،، يعني من الاخر ،، فرصة تجيب الهاي لاين :) :)
رقم العضوية : 34204
تاريخ التسجيل : 28Feb2009
المشاركات : 1,067
النوع : ذكر
الاقامة : النزهه الجديده- مصر الجديده
السيارة: لا يوجد
السيارة[2]: لوجان 2010
دراجة بخارية: مالها
الحالة :
الف مبروك العربيه وان شاء الله تستمتتع بيها وتنبسط معانا موضوع قفل الباب ده فى حاجه اسمها child lock فى الباب بتقفله ماحدش بيعرف يفتخ الباب من جوه اصلا
معلش عندي سؤال هل فعلا الاتوماتيك بتحس بالنقلات وفي نتشه ولا الموضوع مش محسوس اصلا
رقم العضوية : 3275
تاريخ التسجيل : 18Nov2007
المشاركات : 1,753
النوع : ذكر
الاقامة : حاليا ... السعوديه
السيارة: لايوجد
السيارة[2]: إسبرانزا 516 2012
دراجة بخارية: لايوجد
الحالة :
متااااابع
أنا لا أعطي مفتاحين لأحد :
مفتاح سيارتي ......
ومفتاح قلبي .......
رقم العضوية : 33398
تاريخ التسجيل : 19Feb2009
المشاركات : 667
النوع : ذكر
الاقامة : Cairo
السيارة: 127
السيارة[2]: Aveo / Renault Stepway
دراجة بخارية: لا
الحالة :
مبروك و ربنا يباركلك فيها و يكفيك شرها
اوؤيدك بشدة فى نقطه محمد ذكى - معرض سىء و كذابين و منصحش حد يتعامل معاهم
رقم العضوية : 56232
تاريخ التسجيل : 19Dec2009
المشاركات : 202
النوع : ذكر
الاقامة : القاهرة
السيارة: Optra A/T 2009
السيارة[2]: Juliet
دراجة بخارية: لا يوجد
الحالة :
مافيش إحساس بالنقلات خالص ،، وإنت في تصاعد للسرعة
لكن فيه حاجة غريبة وإنت نازل بالسرعة ،، يعني مثلا لو إنت ماشي على سرعة 100 وبعدين شيلت رجلك من على دواسة البنزين ،، هاتحس بالفتيس وهو بينزل بالنقلات بتاعته ،، ودي ماكنتش موجودة نهائياً في الأوبترا بصراحة ،، لما كنت تشيل رجلك من على البنزين كنت تحس إن العربية موّرت لوحدها ،، إنما في اللوجان باحس بيها جدا
بس مش مزعجة ،، يعني مش مضايقاني
رقم العضوية : 56232
تاريخ التسجيل : 19Dec2009
المشاركات : 202
النوع : ذكر
الاقامة : القاهرة
السيارة: Optra A/T 2009
السيارة[2]: Juliet
دراجة بخارية: لا يوجد
الحالة :
رقم العضوية : 146702
تاريخ التسجيل : 29Jul2013
المشاركات : 24
النوع : ذكر
الاقامة : أبو ظبي
السيارة: ELANTRA 2012 HYUNDAI
السيارة[2]: VW PASSAT 2006
الحالة :
السلام عليكم
ماشاء الله ربنا يديك خيرها ويكفيك شرها
لما حضرتك تفتح الباب الخلفي للاخر وتبص في الباب من جوا تلاقي مكان لمفك او مفتاح عربيتك كل ما عليك انك تدخل مفك عادي وتلفه عمر الباب ما هيفتح من جوا الا لما تعدله بنفسك
ملحوظه : احيانا المكان ده بيبقي متغطي ببلاستيكه سمرا بتشيلها وتلف بكل سهولة
تجربتي مع الالانترا في المانيوال انك لو حابب تطلع من حد ف اشارة او عايز تحس بنقل عربيتك وترجع تتابع صوت الموتور زي زمان انقل مانيوال واطلع وانزل وعيش
فيه بقي فايده خطيرة للفتيس المانيوال ويارب ماحد يحتاج لها ابدا لو انت ماشا علي 140 والله قدامك فرمل فجاه ومسافة الامان مش هتسعف فراملك وانت بخبرتك وسواقتك وعرفتك لفرامل العربيه متاكد انك هتخبطه خبطة مش سهله في اقل من ثانيه هات الفتيس مانيوال وانزل بالسرعات واضرب فرامل وسيب وانزل كمان هتلاقي العربية اتبطت معاك بسرعه رهيبه حتي لو رفع ال ار بي ام شويه مش مشكله بس المهم انك اتفاديت اللي قدامك .. الوضوع ده محتاج سواق عارف عربيته ورد فعله سريع ويكون متدرب ع الحركة دي قبل كده
تحياتي والف مبرووك
رقم العضوية : 172331
تاريخ التسجيل : 24Feb2015
المشاركات : 69
النوع : ذكر
الاقامة : القاهرة
السيارة: دايو لانوس
السيارة[2]: دايو لانوس
الحالة :
الف مبروك ربنا يديك خيرها ويكفيك شرها
انا ليا سؤال هل مكان الكلاكس زي ما هو في الشكل القديم في دراع النور
ولا غيروا مكانه وخلوه في الطارة لاني بحس ان مكانه رخم جداااااااااااااااااااااا
رقم العضوية : 178553
تاريخ التسجيل : 16Aug2015
المشاركات : 4
النوع : ذكر
الاقامة : مصر
السيارة: ربنا يكرم
السيارة[2]: لانسر كريستالة 99 مانيول
الحالة :
اولا
الف الف الف الف مبروك عليك السيارة
ثانيا ربنا يحميهالك يا رب
ثالثا اية اخبار العزل و الثبات بتاعها
رقم العضوية : 56232
تاريخ التسجيل : 19Dec2009
المشاركات : 202
النوع : ذكر
الاقامة : القاهرة
السيارة: Optra A/T 2009
السيارة[2]: Juliet
دراجة بخارية: لا يوجد
الحالة :
المفضلات