الموضوع: تناقدات و تضارب فى بيانات سيات توليدو 2016

المشاركة الأصلية كتبت بواسطة scientist9508

بسم الله الرحمن الرحيم

الأخ الفاضل m.elwan

هل من الممكن أن ترسل لى الموقع الذى تم أخذ منه تلك الصور؟

لك منى كل الشكر

السلام عليكم ورحمة الله و بركاته

تم اخذ الصور من مشاركة الزميل الفاضل scientist 9508
لك من كل التحيه

السلام عليكم,

ممكن الرد يكون متأخر حبتين بس لابد من توضيح عدة امور. اولاً واضح ان حضرتك بتحب التفاصيل و البحث الكتير على المعلومة. فأتمنى ردى يكون فيه اجابة على اسألتك ان شاء الله

مبدئياً طالما احنا فى مصر فمينفعش نقارن بين عربيات بمواصفات عالمية بالمواصفات المحلية اللى بتنزلنا هنا حتى لو نفس العربية و نفس الشركة و نفس الصناعة, علشان ببساطة لو العربيات نزلت مصر بمواصفاتها الحقيقية هتكون غالية جدااااا عن الاسعار الحالية (و ده بسبب السوق بتاعنا مش اكتر اللى فرض علينا شوية عربيات اداءها متوسط و امانها شبه منعدم و فى المقابل سعرها عالى جدا). و تانى سبب المواصفات ممكن تكون غير ملائمة للكل الأسواق. يعنى على سبيل المثال تخيل كل العربيات اللى بتنزل مصر عاوزة بنزين 95 زى ما بتنزل فى اوروبا, هل انت متخيل ان ده لو حصل الناس هتشترى؟؟ طب افرض بقى ان دولةً ما مفيهاش اصلاً بنزين 95, هل من المنطقى ان العربيات فى البلد ديه تنزل بنفس المواصفات الاوروبية؟؟ مستحيييييل و إلا مش هيبيعوا و لا عربية و هيخسروا. يبقى معنى الكلام ده ان كل سوق و ليه مواصفاته و على فكرة الكلام ده هتلاقيه فى كتالوج كل عربية.
طيب امثلة حية على الكلام ده بعيداً عن توليدو خالص؟؟؟ عندك مازدا 3, عربية محترمة و يابانى و حاجة فخيمة و ليها جمهور واسع فى مصر, هل عندك فكرة بمواصفات مازدا 3 الحقيقية و اللى بتنزل مصر؟؟
لو حابب تعرف ممكن تقرأ اللينكات ديه:
ده مازدا امريكا
2016 Mazda 3 Sedan - Specs & Features | Mazda USA

و ده موقع مازدا مصر
Mazda Misr

لو قارنت بين الاتنين هتلاقى فرق السما من الارض. طيب مثال تانى؟؟ البولو سيدان و ده اللينك بتاعها
Price & Specs < The Polo Sedan < Models < Volkswagen Malaysia

اولاً البولو سيدان مواصفاتها اللى موجودة فوق مش هى بتاعت مصر. ثانياً المفاجأة بقى, بولو سيدان عربية مش بتنزل غير فى مناطق معينة و اصل البولو اساساً هاتشباك. بس لما لقوا بعض البلدان عاوزينها بس سيدان عملوها لكن مش هتلاقيها فى كل حتة و ده لينك بولو سيدان مصر
http://www.vw-eg.com/Models/Polo_sedan.aspx#gallery
قارن بينها و بين ماليزيا و شوف الفرق بنفسك. و على فكرة العربيتين فولكس و نفس الموديل و نفس الشكل و الماركة.

طيب الأمثلة كتير جدااااااا, بس المهم اننا وضحنا ان موديلات العربيات بتختلف من مكان للتانى و مش محتاجين نتكلم عن الموضوع ده تانى.

نيجى بقى للتوليدو, و اللى بينطبق عليها نفس الكلام اللى فوق ان مواصفاتها غير مواصفات اوروبا. طب تخيل كدة توليدو اصلاً مش منتشرة و فولكس عارفين كويس قوى ان سمعة ال dsg فى مصر زى الزفت. هل منطقى اصلاً ان العربية تنزل بالفتيس ده؟؟ اكييييييييييد لآ و الف لآ. طب يا عم مواقع النت معلوماتها مش صح و مش بيقولوا الحقيقة و الناس مش فاهمة. اعمل ايه! دائماً بيكون فيه تيكت لمواصفات العربية من المصنع نازل فيه كود الموتور و كود الفتيس و كللللل مواصفات العربية, حتى الجنط بيكتبوا مقاسه. يبقى الفيصل فى اى اختلاف هو التيكت ده. و أعتقد كان ممكن يبقى اوفر لحضرتك كوقت و مجهود انك تسأل على التيكت ده و تتحقق بنفسك من المعلومة ان فتيس العربية tiptronic 6 speeds و مش dsg.
طب اقوللك على معلومة جديدة بقى؟؟ سيات ليون منتشرة و مكسرة الدنيا. موديلات 2016 نازلة بنفس موتور و فتيس توليدو ال mpi 1600 cc و فتيس 6 سرعات زى توليدو بالضبط. و ده نفس موتور الاوكتافيا 2015. طب ما ليون كانت تنزل بموتور tsi و فتيس dsg لحد 2015. هم غيروا الكلام ده فى 2016. اللى عاوز اوصله للناس ان كل شركة و كل توكيل بيلعب فى مواصفات عربياته على حسب السوق بتاعها. فلو حضرتك متخوف من الفتيس انه dsg فأحب اقولك هو مش dsg و مبقاش فيه dsg فى سيات اصلاً فى 2016 فى كل العربيات. لكن لو حضرتك كنت بتعمل بحث عن توليدو و خلاص فحبيت اوضحلك المعلومة. و على فكرة احسن و ادق معلومة ممكن تاخدها هى من ملاك العربية نفسهم. تقبل تحياتى :)

المشاركة الأصلية كتبت بواسطة goyamasta

السلام عليكم,



طب اقوللك على معلومة جديدة بقى؟؟ سيات ليون منتشرة و مكسرة الدنيا. موديلات 2016 نازلة بنفس موتور و فتيس توليدو ال mpi 1600 cc و فتيس 6 سرعات زى توليدو بالضبط. و ده نفس موتور الاوكتافيا 2015. طب ما ليون كانت تنزل بموتور tsi و فتيس dsg لحد 2015. هم غيروا الكلام ده فى 2016. اللى عاوز اوصله للناس ان كل شركة و كل توكيل بيلعب فى مواصفات عربياته على حسب السوق بتاعها. فلو حضرتك متخوف من الفتيس انه dsg فأحب اقولك هو مش dsg و مبقاش فيه dsg فى سيات اصلاً فى 2016 فى كل العربيات. لكن لو حضرتك كنت بتعمل بحث عن توليدو و خلاص فحبيت اوضحلك المعلومة. و على فكرة احسن و ادق معلومة ممكن تاخدها هى من ملاك العربية نفسهم. تقبل تحياتى :)

المعلومة بتاعة الليون دي حتغير مبيعاتها بشكل كبير جدا
بس انا كنت سالت قبل كده كانو قالولي انهم ميقدروش يغيروا فتيس وموتور الليون لانها بتنافس الجولف وتغيير مواصفات العربيه ممكن يأثر علي شكل المنافسه بين العربيتين وده مينفعش يحصل عشان العربيتين يتبعو مجموعة vw

وفي رايي ان تغيير موتور وفتيس الليون حيأثر علي مبيعات الابيزا بشكل كبير وده لانه حيعتبر اعتراف بفشل الdsg

المشاركة الأصلية كتبت بواسطة M.Elwan

المعلومة بتاعة الليون دي حتغير مبيعاتها بشكل كبير جدا
بس انا كنت سالت قبل كده كانو قالولي انهم ميقدروش يغيروا فتيس وموتور الليون لانها بتنافس الجولف وتغيير مواصفات العربيه ممكن يأثر علي شكل المنافسه بين العربيتين وده مينفعش يحصل عشان العربيتين يتبعو مجموعة vw

وفي رايي ان تغيير موتور وفتيس الليون حيأثر علي مبيعات الابيزا بشكل كبير وده لانه حيعتبر اعتراف بفشل الdsg

بكل تأكيييييد. ده مش كدة و بس. العربية ديه هتعلم على اى عربية تانية فى السوق. بس التوكيل يبقى قدها و يقدر يوفر الطلب عليها و على فكرة الكلام ده رسمى و مش تخمين و البروشور و المعاينة الفعلية خير دليل

http://www.seategypt.com/brochures/Leon.pdf

اوووو. دايما سباق بالمفاجأت يا كبير
ده خبر قنبله بصراحه
ده محتاج منك موضوع جديد في قسم سيات