بفكر اشترى هوندا سيتى 2016 ايه رايكم

**tarekhassaan** · 27-09-2015 11:00 AM

السلام عليكم
ما رايكم فى هوندا سيتى 2016 - انا شايف مازدا 3 او سوباروا امبريزا افضل بس خايف من التوكيل
ياريت حد ينصحنى
شكرا

**Optiplex** · 27-09-2015 11:36 AM

لا متخفشى توكل على الله و هات مازدا عربية محترمة عيبها الوحيد ان ماتورها قديم عليها و مش بتاعة شد

**midofullmoon** · 27-09-2015 11:51 AM

وانا كمان برده بفكر جديا اجيب الهوندا سيتى فيا ريت حد يفيدنا وشكرا

**محمد مجدي 22** · 27-09-2015 04:45 PM

الهوندت سيتي غالية علي الفاضي
عربية اصغر من الفيرنا و ب175 الف لية
مازدا احسن منها بكثير
او لو عايز حاجة حلوة و ليها اعاجة بيع يبقي ياريس
او طبعا زود و هات كورولا عربية ممتازة و كمان شوف الشارك

**Mohamed esam** · 29-09-2015 05:02 PM

انت بتقول اي كلام اولا...ثانيا الكورولا متتركبش غير هايلاين ...ثالثا السيتي واسعه من جوه جدا و الشنطه كذلك ..رابعا اداءها احسن بكتييير من الكورولا..اخيرا انا مش راكب هوندا اصلا عشان محدش يفتكر اني متحيز..ده تقييمي بناءا علي التست درايف اللي عملتو و عربيات صحابي الركت معاهم.

**swimmer25** · 29-09-2015 05:23 PM

جنوط وكمان استبن سبور وزرار ستارت وسمارت كي دخول باللمس وجير سي في تي الجديد بشيفتات في الطارة وبلوتوث وكروز كنترول ومالتي في الطارة وفتحات تكييف خلفية وشنطة واسعة جدا وكنبة خلفية طي وحساسات ركن وشاشة dvd وموتور قوي و كل ده مع "هوندا"
وكل ده ب 186 ألف في التوكيل وبرا التوكيل أقل كمان
تمام التمام

**mezo_88** · 27-09-2015 04:54 PM

استاذ طارق اخر حاجة تخاف منها هى التوكيل .... انا اقدر اقولك من تعاملى مع توكيلات مختلفة مفيش توكيل بيهتم برضا العميل ذى توكيل هوندا خصوصا و ان فى اشراف عليه من هوندا الشرق الأوسط فى دبى
هقول لحضرتك حاجة بسيطة:
1- التوكيل الوحيد اللى لما حصل حملة استدعائات كلم العملاء
2- التوكيل الوحيد اللى بعد كل صيانة تلاقى مكالمة من دبى تتأكد ان كلوا تمام
3- التوكيل الوحيد اللى لما لقى قيمة الصيانة فى مرة كانت 3350 عملى خصم اوتوماتيك و خلاها 2890
4- التوكيل الوحيد اللى تروح و انت مطمأن ان لما تخلص صيانة عربيتك هتسوقها تحسها فاقت و رجعت زيرو

دى خلاصة تجربتى 7 سنين مع التوكيل و مع السيتى 2006 و لو ربنا كرم انا هركب 2016 منها عربية بمعنى الكلمة

**JapRuleZ** · 27-09-2015 09:20 PM

السلام عليكم
جميعها عربيات ممتازة
انما مش خيتفع تاخد كل حاجه
فيه الجميله و الذكية و المتدينه و لاكم تشوف بتحب مين فيهم

لو يهمك تسارع و اداء محرك و توفير بنزين يبقى الهوندا
لو بيهمك الثبات شديد و متعه قيادة سوبارو
لو عاوز ثبات حلو و شياكه مازدا

لو عاوز التلاته bm 320
e90 بس موديل قديم و مصاريف كتير

شوف سيفيك استعمال خفيف حتحقق المعادله الصعبه و ممكن تشوف المستعمل بتاع التوكيل نضيف اوى و عليه ضمان !

**melouk1** · 27-09-2015 09:39 PM

العربية تصميمها اكثر من رائع واسعة جداا من جوه بالنسبة لحجمها الهاي لاين منها ممتاز
توكيلها يعتبر من احسن و انضف التوكيلات في مصر ...
مفيش ياباني زي الهوندا .. هي غاليه لانها ببساطة بعد الألماني وان كانت تتفوق على الألماني في حاجات كمان و شكراً

-

الموضوع: بفكر اشترى هوندا سيتى 2016 ايه رايكم

LinkBack

أدوات الموضوع

عرض

العرض المتطور

-

-

-

المواضيع المتشابهه

مطلوب اسعار قطع غيار هوندا سيتى 2016 ؟؟؟

بفكر اشترى الموبيل nokia lumia 820 ايه رايكم فيه

بفكر اشترى شقة فى هليوبلس الجديدة و محتاج رايكم

بفكر اشترى Samsung Galaxy S حتى اشتراه و ايه رايكم فيه ؟

بفكر اشترى صنى 2002 او 2003 مستعملة فمحتاج رايكم

الكلمات الدلالية لهذا الموضوع

المفضلات

المفضلات

ضوابط المشاركة