بفكر اشترى هوندا سيتى 2016 ايه رايكم

**Mohamed esam** · 29-09-2015 05:09 PM

المشاركة الأصلية كتبت بواسطة Mohamed Zahran

مع احترامي للهوندا كعربيه أعلي من التويوتا بس مينفعش نقارن السيتي بالكورولا لأن الكورولا تتقارن بالسيفيك

ليه عيب ولا ايه؟ :]

مش عايزين نخش في قصة b segment w c segment و دي 1500 لكن دي 1600

في الاخر في عناصر اهم في المقارنات اهمها القيمه مقابل الامكانيات.

**swimmer25** · 29-09-2015 05:23 PM

جنوط وكمان استبن سبور وزرار ستارت وسمارت كي دخول باللمس وجير سي في تي الجديد بشيفتات في الطارة وبلوتوث وكروز كنترول ومالتي في الطارة وفتحات تكييف خلفية وشنطة واسعة جدا وكنبة خلفية طي وحساسات ركن وشاشة dvd وموتور قوي و كل ده مع "هوندا"
وكل ده ب 186 ألف في التوكيل وبرا التوكيل أقل كمان
تمام التمام

**mezo_88** · 03-10-2015 06:49 PM

اولا انا مش مع حضرتك فى الكلام دا فعلا الكرولا فئة و السيتي فئة اصغر شوية و احنا دلوقتى بنقارن عربيتين يابنى فا فكرة ان الاوبشن مش مهمة لأ مهمة جدا فى حاجة اسمها القيمة مقابل الفلوس شوف دى هتديك ايه مقابل الفلوس اللي هتشتريها
السيتى تتفوق فى استهلاك بنزين و ابشن و شكل داخلى
الكرولا تتفوق فى الشكل الخارجى و ثبات اكتر من السيتى
هنا اللى بيشترى هيحدد ايه اللي هو محتاجه اكتر و هيتجه ليه
ثانيا قطع الغيار بالنسبة لقطع الغيار التوكيل بيوفر من الابرة للصاروخ و اي حاجة مش موجودة خلال اسبوع او اتنين يالكتير ووتكون متوفرة و انا من النوع اللي جربت قطع الغيار الاصلى و المضروب و اللي بيتباع فى الاسواق و بيتضحك علينا و بيتعبى فى علب الاصلي ... طول ما قطعة الغيار مش اصلي بتقصر من عمر العربية
اعادة البيع دى بقى المفروض مفكرش فيها لأنى بشترى عربية واتبسط بيها و متوقع تعيش معايا على الاقل 7 سنين و يمكن اللى بيركب هوندا مبينزلش منها قبل الفترة دي فاانا هشترى عربية اتبسك بيها مش اللي هيشتريها بعدي هيشتريها بكام