بفكر اشترى هوندا سيتى 2016 ايه رايكم

**mezo_88** · 28-09-2015 02:08 PM

عشان الهاى لاين بتاع السيتى فيه اوبشن مش موجود فى الكرولا الهاى لاين نفسه ... تانى حاجة لو همشى تبع السوق و قطع غيار و الكلام دا ... الهوندا قطع غيارها موجودة بره و لكن انا من الناس اللى مادام هشترى عربية بالمبلغ دا مش هخلى غير التوكيل اللى يلمسها .... خلاصة الكلام هوندا تركبها و انت مغمض
التيوتا جميلة بس مش زى الهوندا

**mezo_88** · 28-09-2015 02:43 PM

بص حضرتك امكانيات الهاى لاين فى السيتى و البيزك فى الكرولا اللى ب 185 هتلاقى فرق رهيب جدا

**mezo_88** · 28-09-2015 02:45 PM

مواصفات هوندا سيتى | هوندا مصر

**Mohamed Zahran** · 28-09-2015 03:38 PM

المشاركة الأصلية كتبت بواسطة mezo_88

بص حضرتك امكانيات الهاى لاين فى السيتى و البيزك فى الكرولا اللى ب 185 هتلاقى فرق رهيب جدا

مع احترامي للهوندا كعربيه أعلي من التويوتا بس مينفعش نقارن السيتي بالكورولا لأن الكورولا تتقارن بالسيفيك

**محمد مجدي 22** · 28-09-2015 07:50 PM

بالظبط كدة
العربيات مبيتقارنش بينها بالاوبشنز
لو علي كدة اشتري اي عربية صيني و وفر لو بتدور علي الاوبشنز
لكن لو هنقارن بين كورولا و سيتي الكورولا هتكسب بنسبة 100%
و الدليل علي كدة انا ما شفتش غير 2 هوندا سيتي و شفت بتاع 10الاف عربية كورولا

**melouk1** · 29-09-2015 12:20 AM

حضرتك ممكن تكون شوفت كورولا كتير لان دي ثقافة شعب مش لانها كويسه .. زي الناس اللي بتقولك كورولا موديل ٢٠٠٥ ب ١٢٠ و هي متسواش غير ٦٥ الف و يبقى كتر خيرها
و زي البومة اللي ب ١٢٠ و ١٣٠ الف
الموضوع الناس معندهاش ثقافة في العربيات خالص وثقافتها من الميكانيكية !!! و قليل اللي فاهم

**محمد مجدي 22** · 29-09-2015 12:40 AM

طب لو كان السيتي مثلا ب 140 الف مش كانت اكتسحت السوق
دية كانت مش هتخلي ولا عربية تتباع لكن 185 الف دية فئة تانية خالص

**melouk1** · 29-09-2015 12:08 PM

انا معاك ان تسعير العربيات في مصر مجنون بس دي مشكلة عامة مش هوندا بس .. بس عارف انا ركبت ألماني كتير و ياياني كتير
بجد والله الهوندا زي الألماني في فئتها بمواتير أقوى عدا التربو وانا معاك ان ١٨٥ الف غالي بس ده المتاح في مصر

**mezo_88** · 29-09-2015 12:35 PM

فعلا مينفعش نقارن السيتى بالكورولا لأن دى فئة و دى فئة بس انا من النوع الميال للسيتى للأسباب كتير
تانى نقطة و هى التسعير كل العربيات فى مصر سياسة التسعير بتاعتها زفت لما تبقى الأكسنت الهاى لاين ب 159 يبقى الهوندا تستحق الهاى لاين ب 185
نقطة انها مش منتشرة عشان ثقافة شعب مش اكتر اننا نشترى العربية المنتشرة حتى لو وحشة
ان العربية مش بالأوبشنز لأ انا الأوبشنز مهمة بس تكون من ماركة محترمة زى هوندا

**Mohamed esam** · 29-09-2015 05:02 PM

انت بتقول اي كلام اولا...ثانيا الكورولا متتركبش غير هايلاين ...ثالثا السيتي واسعه من جوه جدا و الشنطه كذلك ..رابعا اداءها احسن بكتييير من الكورولا..اخيرا انا مش راكب هوندا اصلا عشان محدش يفتكر اني متحيز..ده تقييمي بناءا علي التست درايف اللي عملتو و عربيات صحابي الركت معاهم.

الموضوع: بفكر اشترى هوندا سيتى 2016 ايه رايكم

LinkBack

أدوات الموضوع

عرض

-

-

-

-

المواضيع المتشابهه

مطلوب اسعار قطع غيار هوندا سيتى 2016 ؟؟؟

بفكر اشترى الموبيل nokia lumia 820 ايه رايكم فيه

بفكر اشترى شقة فى هليوبلس الجديدة و محتاج رايكم

بفكر اشترى Samsung Galaxy S حتى اشتراه و ايه رايكم فيه ؟

بفكر اشترى صنى 2002 او 2003 مستعملة فمحتاج رايكم

الكلمات الدلالية لهذا الموضوع

المفضلات

المفضلات

ضوابط المشاركة