الموضوع: ايه الجنان ده !!!!! ياريت تتدخل وتقولى رايك

السلام عليكم ورحمة الله وبركاته على رجالة المنتدى وكل عام وانتم بالف صحة وخير
هحكلكم على حاجة غريبة قوى بتحصل فالعربية وعاوز اعرف ايه رايكم
ماشى من يومين بالليل والدنيا تمام وزى الفل ومفيش اى حاجة ركنت العربية ولسه ماشى ببص لاقيت مياه تحت العربيه
طب ده ايه بقى رحت علطول فاتح الكبوت وضارب الكشاف اول حاجه لاقيتها ترتشه مياه نحيت القربه واثار مياه حولين القربه وفعلا تسريب المياه تحت العربيه نحيه القربه علطول شكيت فالغطا بتاع الرقبه
فعلا فكيت الغطا لاقيت الكوتشه الى جواه مقطوعه وللعلم القربه لاقيت فيها مياه ومش فاضيه خالص يعنى مثلا فضت حوالى كوب مثلا
طب اطمن على الحرارة رغم انى موسوس جدا ومش بمشى بالعربية فاى مشوار الا وعينى على امبير الحرارة زياده حرص
قفلت الغطا كويس ودورت العربية لاقيت الحرارة مظبوطة مثلا 87 او 88 رحت مزود شوية المياه ومشيت مفيش حوالى ربع ساعه ووقفت تانى لاقيت ميه تانى تحت العربية فتحت غطا القربه لاقيت نفس المقدار اللى زودته نقص تانى
قولت خلاص كده بعد العيد هغير الغطا كده الغطا باى باى وقفلت على كده من غير مزود مياه وانا مروح فضلت مراقب امبير الحرارة مضبوط تماما العادى بتاعه مثلا 87 او 88 او 89 والمراوح بتشتغل على 90.5 او 91
نزلت تانى يوم الجراج والعربية بايته وبارده خالص دورت العربية وفتحت القربه وزودت المقدار اللى ناقص حوالى كوب ميه وضبطت منسوب الميه وقفلت الغطا وفضلت مراقب ايه اللى هيحصل
امبير الحرارة ماشى عادى خالص والعربية طبيعية جدا واول لما المؤشر وصل لـ 90.5 او 91 عشان المراوح تشتغل هوبااااااااااااااا
لاقيت المياه فالقربه بتعلى بتعلى بتعلى لحد ماوصلت للغطاه وفى شويه ميه طلعوا من الغطا رغم انى مارط على الغطا بغباء ومتاكد انه قافل تماما
المياه فضلت عاليه فالقربه طول مالمراوح شغاله واول مالمراوح بردت العربية وفصلت لاقيت مستوى الميه بينزل سبت العربيه دايره عشان اجرب تانى
الحرارة مضبوطة تمام وامبير الحرارة زى الفل والميه ثابتة فالقربه واول مالمراوح بتشتغل تلاقى مستوى الميه فالقربه بيعلى المراوح تفصل مستوى الميه بينزل
هنا السؤل ليه الميه بتعلى فالقربه لما المراوح تشتغل بس ولما المراوح تفصل الميه تزل ؟؟؟؟؟؟
طب بص بقى الحته اللى جايه دى قنبله
فضلت برضو سايب العربيه دايره وقلت لنفسى طيب اشغل التكييف ازود الحمل على الماتور هل ممكن يحدث تغير فالوضع
شغلت التكييف المراوح اشتغلت بضرب عينى على القربه لاقيت الميه ثابته المراوح فضلت تشتغل وتفصل عشان تريح الطبيعى بتاعها كدة وجربت التكييف كمان بجميع سرعات المروحه وكل ده والميه ثابته فالقربه
واول مالحرارة وصلت لـ 90.5 او 91 لاقيت الميه بتعلى فالقربه ههههههههههههههه
بص بقى الجنان امبير الحرارة نزل المراوح فصلت بعد مابردت الماتور مستوى الميه فالقربه نزل المراوح اشتغلت تانى عشان التكيف شغال الميه ثابته ولا اكن فى اى حاجه !!!!!!!!!!!!!!!!!
اذا بعد تلك التجربة السؤال سيتغير ليه الميه بتعلى فالقربه بس لما بتكون درجة الحرارة على 91 ؟؟؟؟؟
لان مع تشغيل التكيف وعمل المراوح الموضوع مش مرتبط بالمراوح
مستنى رأى الاساتذة والعمالقة خاصة البروفيسير المخترع الاستاذ فادى اللى تقريبا قريت كل موضوعاته والكبير قوى طنانى باشا الراجل الخبره اللى بصراحه شايف انه مش بيتاخر عن اى حد بالرد والمشورة والمساعدة شورا عليا وقولولى ايه اللى بيحصل عندى
بس انا ليا استفسار ضغير لو انت ضغطت بنزين بقوة هل سيندفع بعض المياه من الرداتير الى قربه المياة من خلال خرطوم الفايظ ؟؟؟؟؟
عشان انا لاحظت كدة امبارح
العربيه اوبل استرا موديل 2000 ---- 1200 سى سى
اخوكم فالله شادى