الفرق بين بنزين ٨٠ او ٩٢ شيفرولية لانوس ٢٠١٥

**Ahmed abdkarim** · 01-10-2015 12:50 PM

المشاركة الأصلية كتبت بواسطة parq28

من وجهة نظري المتواضعة مفيش اي مشكلة غير ان حضرتك هتغير فلتر البنزين كل تغيرة زيت وهتحس ان السحب بتاع العربية قل شوية بس هتتعود عليه ولكن انصحك بالتخليط وهوا الانسب للتوفير والمحافظة وبالتوفيق بإذن الله

المشاركة الأصلية كتبت بواسطة amoor89

غير فلتر البنزين على فترات صغيره نسبيا وعدل فيشة الأوكتان على 80 هتفرق معاك فى السحب تماما

المشاركة الأصلية كتبت بواسطة pepo2011

مفيش مشكلة من 80 المهم ركز مع الفلتر وبعد مثلا كل تفويلة 80 تحط 20 لتر 92 تنضف بيهم الدورة تاني مشكلة 80 ان الحريق بتاعه بطيء فبيهبب البوجيهات

ليه يا جماعة بتحسسونى ان البنزين ال 92 هو بنزين 80 بس اتصفى فى مصفة اضيق شوية فالشوائب اللى فى البنزين نزلت فبقى 92 ؟؟؟؟؟؟؟؟؟

الكلام ده غلط تمام البنزين ال92 مش انضف من ال 80 الاوكتان نفسه مختلف زى مثلا كوباية مايه فيها معلقة سكر و كوباية تانيه فيها ملعقة ونص مش بالظبط بس تقريبا حاجه زى كده

**MOTOR HEAD** · 01-10-2015 12:51 PM

هو بنزين 80 او 92 مش بيتحدد على اساس السنه (2015) لأ

على اساس نسبه الانضغاط (cr) و بس

**zendo** · 01-10-2015 09:11 PM

المشاركة الأصلية كتبت بواسطة motor head

هو بنزين 80 او 92 مش بيتحدد على اساس السنه (2015) لأ

على اساس نسبه الانضغاط (cr) و بس

ايوة زى ما انا قلت نسبة الانضغاط والاوكتان ولو عربية موديل 80 ومعدل انضغاطها 9 لازم تحطلها 92 غير كده بدمر موتور العربية

**dr youssef** · 02-10-2015 02:41 PM

يعني ٨٠ مينفعش خالص ?

**luckyman** · 02-10-2015 05:32 PM

مداخله بسيطه للسائل في ناس هنا بتقول كلام خطير اوي وغلط جدا مع احترامي لجميع وجهات النظر
اولا بنزين 80 او 90 او 92 او 95 ايا كان مالهوش كلاقه بالفلتر وكله بنزين نظيف مفيش حاجه اسمها بنزين انظف من التاني
وفي ناس بتقول مفيش فيها حاجه وبيؤثر علي المدي البعيد ده كله كلام مردود عليه جمله وتفصيلا وكلام غير دقيق وخطأ
ممكن يقطم لك عمود الكرنك نتيجه الاجهادات بتعمل زي عصر او لي في العمود غير الاجهادات علي جدران الشميز او السلندر والشنابر انت بكده بتدمر الموتور
بص البنزين 80 ببساطه سريع الاشتعال اسرع من بنزين 92 وهكذا بنزين 95 ابطيء من بنزين 92 الخ
تعتمد زي ما الناس قالت علي نسبه انضغاط سيارتك الملائم لسيارتك هو بنزين 90 وبما انه مش متوفر يبقي الاعلي منه وهو 92 ولو علشان الناحيه الاقتصاديه وتوفر ممكن تخلط بنزين 80 مع بنزين 92 مثلا لو بنسب متساويه حيبقي عندك بنزين 86 او الحل ان لو سيارتك مزوده بفيشه الاوكتان تغير التوصيل لظبطها واعتقد غالبا لانوس 2015 غير مزوده بفيشه الاوكتان والله اعلم اتأكد برضه
خلاصه الكلام لو حطيت بنزين 80 حيحصل اشعال مسبق مسبب ظاهره التسقيف او الدق وزي ما قلت لك حيأثر علي الموتور وممكن يكسر الكرنك او حاجات تانيه اقلها يهلك المحرك وبسرعه والكراسي والشنابر وجدران الاسطوانات يعني محركك حيبقي مهوي اسف علي الاطاله بس اضطريت لان لقيت الناس مستخفه بالموضع وبالنتائج السلبيه المدمره غير انك بترمي فلوسك في الارض مش بتاخد المحتوي الحراري الموجود في البنزين لانه بيولع بدري هذا والله الموفق والمستعان واعلم ودمت بود

**medo_love** · 03-10-2015 02:48 AM

طب استفسار بعد اذن صاحب الموضوع طبعا
هو البنزين 92 بيبقى استهلاك الماتور فيه احسن من استهلاكه في 80 يعني لو عملت نفس المشاوير هتاخد بنزين 92 اقل من اللي بتاخده في 80 و لا نفس الاستهلاك و الاستهلاك ملوش دعوة بنوت البنزين ؟!؟؟؟؟؟

**medo_love** · 09-10-2015 02:21 PM

؟؟؟؟؟؟؟؟

**hany ali_20000** · 21-10-2015 09:55 AM

2015 يعنى بنزين 92 اكيدددددددددد

**eisaa100** · 21-10-2015 10:42 AM

لما قلت حرام عربيه 2015 تحطلها 80 الاخوه ردوا مش بالموديل
طبعا مش بالوديل لكن بنسبه الانضغاط بس انا عارف ان الكل عارف نسبه الانضغاط للانوس وبالتالى الموضوع محسوم
بس فيه ناس بتشتري علشان تبيع طبعا دى مش هتدور
الخلاصه لو عربيه العمر حافظ عليها لمصلحتك
وكله عارف كل حاجه
تحياتى

**A7medelfe2y** · 26-10-2015 12:09 PM

المشاركة الأصلية كتبت بواسطة medo_love

طب استفسار بعد اذن صاحب الموضوع طبعا
هو البنزين 92 بيبقى استهلاك الماتور فيه احسن من استهلاكه في 80 يعني لو عملت نفس المشاوير هتاخد بنزين 92 اقل من اللي بتاخده في 80 و لا نفس الاستهلاك و الاستهلاك ملوش دعوة بنوت البنزين ؟!؟؟؟؟؟

طبعا الاستهلاك في اال92 اقل من ال80