الموضوع: تحويل السيارات للغاز الطبيعي خطوة خطوة (تقرير مصور)=Convert cars to N.G. step by step

الغاز كويس و موفر
بس عن تجربة واحد قريبى كان معاه ياريس زيرو
العربية فضلت شغاله معاه مدة اربع سنين بالغاز عمل فيهم 170 الف كيلو و ميه ميه
بعد كدا جابت موتووووووور
الشمايز اتسلخت
صبابات
و حاجات تانيه كتير
باع العربية و جاب واحدة تانيه طبعا :)

الغاز موفر و جميل جدا و انا مش معترض
بس على المدى الطوييييل تعمل حسابك فى موتور استيراد

شكراً لك على موضوعك المميز ومجهودك فية، وربنا يبارك لك

نشكر الاخ الفاضل على الموضوع الجميل واحب ان اوضح بعد الاشياء البسيطة وذلك عن تجربة فى سيارتى الشخصية هيونداى النترا وهى كالاتى :
1- بالنسبة للسيارات الحديثة فأن الفرق بين استعمال الغاز والبنزين من ناحية الاداء العام للسيارة فهو بسيط جدا يكاد لا يذكر حيث عزم وسرعة السيارة اثناء استخدام الغاز كالبنزين بنسبة تتعدى 95% علما بانى اقطع مسافة 250 كم يوميا واسير بسرعات تصل الى 160 كم/س وذلك على الصحراوى بدون اى مشاكل
2 - قصة انة بيهلك الماتور ده كلام غلط 100% انا مركب الغاز فى سيارتى من 3 سنوات تقريبا وقطعت بالغاز مسافة تقريبا 155000 كم ( مئة وخمسة وخمسون الف كم ) دون ظهور اى مشاكل كبيرة
3-الصيانة اساسية فى استخدام الغاز يعنى كل شهرين تلاتة تروح تضبط الغاز بالكمبيوتر فى مركز الخدمة وده مجانا او بسعر لا يتعدى 15 جنيه وفى الاغلب مجانا
4 - اثناء الصيانة لابد ان يكون القائم بالصيانة المهندس وليس الفنى مع كامل احترامى لهم
5 - التوفير اكثر مما قاله الاخ الفاضل لانى كما قلت باقطع يوميا مسافة لا تقل 250 كم وذلك يكلفنى حوالى 7 سبعة جنيهات فقط وفى حالة قيادتى بسرعة كبيرة تزيد عن 130كم/س فان التفويلة فى حدود 8.5جنيه يعنى لو ماشى بنزين 25 لتر متوسط اللتر 10 كم 25لتر x جنيه1.75 = 43.75 يعنى التوفير اكتر من 35 جنية يوميا
6 - حجم الاسطوانة حسب السعه وهى تحسب باللتر وهى 60 و70 و80 و90 لتر للسيارات الملاكى وسعات اكبر للسيارات الاخرى والشائع والمتوفر حاليا 60 و70 لتر والوزن تقريبا من 70 الى 80 كجم

تسلم ايدك

موضوع رائع جدا .... انا اقتنعت وركبت غاز بس مع النظام الجديد الsquencial او ما يسمي بالحقن المباشر للغاز و ما شاء الله ممتاااااز