تعديل ابيزا 98

**moustafa2500** · 01-10-2015 02:32 PM

السلام عليكم دة تانى موضوع لية فى المنتدى وانا مبسوط بالتواجد معاكم المهم انا معايا ابيزا 98 سى سى 1000 العربية طقم التكيف عندى بالثلاجة عايزين يتغير والدينامو كمان علشان بمابيشحنش والماتور كمان تعبان يعنى بإختصار محتاج اغير حجات كتير نزلت ولفيت وسألت لقيت الموضوع حيدخل فى سكة 10000 جنية مكونات

(2e)1-موتور كامل بالباوروالكنترول والإرماس 2000 سى سى

2-طقم التبريد
3-عفشة امامية وخلفية
سؤالى بقى كدة كويس ولا اجيب نص كامل على بعضة وافضية فى العربية خصوصا ان بنفس السعر تقريبا وكمان الموتور 2000 دة مش يبقى استهلاكة عالى يعنى اخلينى فى 1600 سى سى علشان السعر وإستهلاك البنزين وكمان فى واحد قالى ممكن اجيب نص 2001 وافضية واغير شكلها ل 2001 بالتابوة والقاطمة كلها فمش عارف انا محتار خصوصا انى حصرف فلوس كتيرة فيا ريت حد ينصحنى وشكرا مقدما

**zokazok** · 03-10-2015 10:53 AM

الصح إنك تجيب نص و تنزله ف عربيتك مادام مصاريف يمصاريف بس هو دا الصح و إسال ف موضوع ال 2001 دا ينفع ع 98 و لا لأ

**moustafa2500** · 03-10-2015 01:16 PM

شكرا على الرد هو قالى ينفع حغير الرفارف والفوانيس بس باردوا الواحد محتار لسة اصل الواحد يخاف فى إعادة البيع

**moustafa2500** · 05-10-2015 08:59 AM

مافيش حد عندوا اقترحات تانية التعديل ل 2001 لية عيوب ولا لا مواتير الألفينات احسن ولا التسعينات

**the magice** · 10-10-2015 11:49 AM

بص احسنلك تجيب نص وتفضيه عندك سواء ٩٨ زي بتاعك او ٢٠٠٠ل٢٠٠٢ عادي مفيش مشكلة وتعديل الشكل ينفع برضه عادي جداً بس عشان الموضوع يكمل معاك والشكل يبقى مظبوط وماتحسش ان في حاجة غلط في شكل العربية هتجيب مع النص ٤ ابواب كاملين بالفرش بتاعهم وشنطة واكصدام خلفي وممكن تكتفي بتفضية النص وماتعدلش صاج لو التكلفة هتبقي عالية عليك