حد يعرف ازاى اخلص جمارك 4.5 Kg مكملات غذائيه بودر جايه من bodybuilding

**msms_ms2001** · 02-10-2015 03:31 PM

المشاركة الأصلية كتبت بواسطة khaled122408

fedex
لسه هتتشحن مصر وتكلفته الشحن 850 جنيه

كانسل الاوردر احسن لان الشحنه مش هتخرج الا بموافقه من وزاره الصحه وشغلانه كبيره ولو خرجت بالحب هتدفع علي الاقل جمرك 2000 مع فيديكس يااما هتعملها اعاده تصدير وكده انت هتتكلف حوالي 1700 شحن او هتتصادر في الجمرك وكده راح عليك تمن الشحن والمكملات هاتها معرحد نازل احسن

**هيثم مجدي** · 02-10-2015 03:42 PM

اسأل مخلص جمركي الأول. الجمارك الآن صعبة ومتعرفش نواياهم. لكن اللي اؤكدلك عليه فيه تشديد و غلاسه جامده على اللي بيستورد بشكل منفرد حتى لو حاجة ب 10 دولار. فحاول تشوف مستخلص جمركي الأول قبل اي حاجة. ولو لسه مشحنتش الحاجة غالبا هتلاقي زيها هنا في مصر. شوف في صفحة GYM Egypt على الفيس بوك بشوفهم بيتكلموا عن المكملات و اماكن موثوق فيها للشراء.

**Secret-Man** · 02-10-2015 04:27 PM

بنسبة 95% مش هتخرج بسبب موافقه الصحه وطبعا ديه استحاله هتجبها لانهم بيحتاجو عينات وقصه طويله كده

المهم شوفلك مخلص فاهم واديله فى ايدى 400 ولا 500 جنيه وهيعملك افراج من على الشهاده لان الشهاده هتكون باسم فيديكس فلازم فيديكس تعمل تنازل للمخلص ده علشان يقدر يتحرك بيها
وغالبا فيديكس هتبيعك وهتقولك تعالى هاتلنا موافقه صحه مش هيتصدرولك فى حاجه لان الشركات ديه مبتوجعش دماغها هتقولك احنا فى الاول والاخر شركه شحن مش تخليص

ولو الحاجه فى ايدك تكنسلها كنسلها احسن لانك هتلف حوالين نفسك وانا متاكد من الى بقوهولك ميه فى الميه
الجمرك على كلامهم يسمح بــ 1 كيلو فقط من المكملات البودر وعلبه كبسول واحده ولو ادويه طبيه لازم روشتة طبيب او من مستشفى خكومى

ربنا معاك