الموضوع: سيارتى نوبيرا مش بتدور ارجو المساعدة

رحت تركيل المركز الكورى اللى فى بنها صاحبه واحد اسمه الشيخ بهاء النجار على بجوار مصنع العربى
اول ما رحت قال لى طلمبة البنزين مش شغاله وغيرها وبصعوبه دارت العربيه
اول ما دارت لقينا صوت ارتفاع وانخفاض فى العربيه
وعداد ال rpm بيعلى ويوطى
قال للى عنده غيره الكنترول
جابوا واحد استيراد وعيروه ونفس المشكله موجوده
قال لهم غيروا البوابه
جابوا بوابه استيراد ونفس المشكله موجوده
فى الاخر بص لى وبكل بساطه قال لى العربيه دى عاوزه يتعمل لها ضفيره من الاول
شال الكنترول بتاعهم والبوابه ورجع كل شيء لأصله تانى ما عدا طلمبة البنزين اللى ركبوها بدال بتاعتى
يعنى من الاخر جرب دى مطلعتش يبقى جرب التانيه وهكذا لحد ما يخربوا بيت صاحب العربيه
قلت لمسئول التوكيل دا العربيه دى مفيهاش ضفيره لانى لسه شاريها وكانت من يومين بتشتغل طبيعى
ربنا ألهمه انه يجيب لمبة اختبار ويشيل الفيشه الخاصه بالبوابه ويجرب الاسلاك
طلع سلك مش واصل لفيشة الكنترول أول ما وصل له كهربا العربيه ظبطتت ولمبة الاتشك طفت وصوتها هدى وكل شيء تمام
مشيت سافة 5 كيلو والعربيه بطلت تانى
وبدات محاولات التدوير تانى وبدون دوى
واحد جالى معاه جهاز كمبيوتر تانى كشف لقى حساس الماس مسجل عطل فى ذاكرة كمبيوتر العربيه
شاله وعمل له تنضيف وركبه - وحذف العطل المسجل فى الذاكره
العربيه دارت كويس ومشينا بيها مسافة 50 كيلوا كتجارب مبطلتش فيهم ولا مره
قال لى لو بطلت تانى يبقى دا لازم يتغير واللى يقول لك بوابه وطلمبة بنزين يبقى عاوز يعمل عليك شغل وفى الاخر مش هتتحل مشكلة عربيتك غير لما تغير الحساس دا
رجعنا تانى لحساس الماب

النهارده من ساعه بطلت العربيه

سألت فى منطقتى على حساس الماب فى شوادر الاستيراد مش موجود
انا ساكن فى ميت غمر

معقول حساس زى دا يطلع عنين اللى حلفونى ويغلب توكيل عربيات بجلالة قدرهم وكهربائى معروف انه هيرو العربيات الحديثه
وفى الاخر واحد مغمور لسه فاتح جديد يكتشف العطل لكن للاسف مش لاقيين الحساس

أرجو من الأخوة الأفاضل يدلنى الاقيه فين
هل يوجد جديد أو استيراد اى شيء المهم عذاب العربيه دا ينتهى لانى تعبت من اشتغالات الصنايعية

المشاركة الأصلية كتبت بواسطة asas630

اولا انا بعتذر اني اصريت ان المشكلة من حساس الكرنك واتضح ان العيب مش منه
ولكن بعد ما قرات موضوعك تاني لاقيت ان النوبيرا الي معاك اوربي يعني بوابة كهربا وديه مش موجودة في معظم ملاكي النوبيرا في مصر الي عندنا واير وده الي خلاني مصر علي راي

اولا البوابة الكهربا ممكن تعمل الاعراض الي عندك لو باظت
سبب تلفها تنظيف الميكانيكي ليها بالاسبراي
هات واحدة استيراد كاملة بحساس الايدل (بس مش عايزك تمل جرب واحدة واتنين لحد خمسة لان ممكن تصدف وتكون الي انتا جبتها بايظة برده ومتدورش العربية)
اتمني لك التوفيق ان شاء الله

فعلا يا باشمهندس التنظيف بجهل من الميكانيكى ممكن بدل ما يصلح يفسد
كمان الكهربائى اتسبب فى عطل جديد قبل ما تروح له مكنش فيه مشكله فى البوابه خالص وفصل عن الفيشه سلك عمل عطل البوابه
التوكيل كمان يغير , يغير ومعندهمش فنية اكتشاف الاعطال مباشرة واهو الزبون بيدفع
كل اللفه اللى فاتت دى ورجعنا للعطل اللى باشتكى منه قبل ما حد يلعب فى العربيه من الناس دى ألا وهو العربيه بتبطل - بعد محاولات بتدور وممكن متدورش - والسبب حساس الماب

المشاركة الأصلية كتبت بواسطة mecha

ممكن المشكله في فيشة الماب او هو نفسه ودا يقدر يبطل المكنه ، غيرهم
حساس الكرنك بيبتدي بتعتيل الدواره لحد ما يقطع
تماما ، البوابه بحساسها بيبتدوا برعشه ع السلانسيه

فعلا المشكله فى الحساس أو الفيشه المهم فيهم
انا بأدور عليه دلواتى مش لاقيه فى شوادر الاستيراد فى ميت غمر
هل حضرتك تقدر تدلنى الاقيه فين وهل يوجد منه جديد

قرأت الان عن وظائف الحساس دا طلع مصيبه
بيتحكم فى كمية البنزين الداخله الرشاشات وبيتحكم فى كمية الهواء فى المانيقولد وكمان بيقيس درجة حرارة الهواء وممكن لو حس ان الهواء سخن يبطل العربية - وكمان ولو حس ان كمية البنزين الداخله للرشاشات كتيره يوقف ضخ البنزين ويبطل العربيه
يعنى لو خرف العربيه تخرف هى كمان ويكون الاعطال رشاشات وبوابة هوا وطلمبة بنزين وهو السبب الحساس والصنايعية الجهله يشتغلونا بجهلهم

ازاي لما غيرو الطرمبه دارت ,وانت كاتب قبليها انك بدلت الطرمبة في مكان سابق ومدارتش!!!!!!!!!!!!!!!.
والماب يقدر يموت مكنه والناس بتتغافل عنه. فكدا ايه الحكايه؟؟؟.
عندك طرمبه وماب ,وملاحظتش قبل الاطعه الاخيره تخسيع من المكنه.
!!!!!!!