قريبا .. حجب skype whatsapp viber facebook calls

**kazamodia** · 06-10-2015 01:15 AM

الحمد لله طلع اشاعة

**Mu7ammeD** · 06-10-2015 04:05 AM

المشاركة الأصلية كتبت بواسطة mr code

الكلام ده عمره ما هيتم انا شغال في خدمات الويب و طبعا كل شغلنا على البرامج دي و الأتفقات و الكلام ده
بالنسبه للسكايب هوا فعلا هيتقفل بس ده علشان جوجل اشترت الهوتمايل و مش عايزه تشغل اي حاجه غير الـgmail يعني من الأخر جوجل عايزه تكوش كل حاجه على النت و مش عايزه اي منافس ليها في اي حاجه من خدماتها

يعني شغال في خدمات الويب وده كلامك ؟!

الهوتميل هو مسنجر وميل سيرفر تابعه لشركه مايكروسوفت. التي قامت بشراء سكايب واعتمادة كبرنامج محادثه بدلا من مسنجر الهوتميل الافتراضي.

وبالفعل سكايب محظور من باقات الانترنت الخاصه بالموبايل.

**hobiko** · 06-10-2015 02:11 PM

يا ريت كل واحد اتحمق و زعل و حط فى نفسه و لاقاها فرصة يشتم فى البلد و اللى جابوا البلد ......... يهدى كده و يتبسط و بعد كده يتعلم درس انه مايمشيش ورا اى حد يقوله اى حاجة و لا ورا شوية اشاعات (و ماقصدش صاحب الموضوع طبعا انا بتكلم بشكل عام)

للاسف احنا مش بنتعلم ....... لازم نبدأ نتمتع بعقلية نقدية تصنيفية .......... يعنى لما يتعرض عليك اى خبر تعرف ازاى تحلله و تقيم احتمالات انه صح و لا غلط و تشوف مصدرة هل مصدر موثوق فيه و لا اى كلام

مش ممكن كلمة تودينا و كلمة تجيبنا !!!

**Bassem Youssef** · 06-10-2015 07:42 PM

انا اعرف واحد مشترك مع adsl vodafone و وسائل التواصل المذكوره موقوفه

اتصل بالشركه و عمالين يماطلوا معاه

و المفروض اصدق الوزير اللطيف اللي طلع ينفي الخبر

**volociximab** · 07-10-2015 11:13 AM

يا خبر النهارده بفلوس بكره يبقى ببلاش
انا مش شايف اى مشاكل و برامج السمارت فون بالهبل
فى السعودية تم ايقاف الاتصال الهاتفى صوت عن طريق الواتس اب

**sherifahmed** · 07-10-2015 11:36 AM

هوا بس ملاحظة
اسمه سكيب skype
الe silent
مش سكيبى خالص
للزم التنبيه عشان انا مش قادر الحقيقة

**moha sasa** · 07-10-2015 12:01 PM

عشان لو اتحجبت.. كيفية تفعيل مكالمات سكايب وواتس آب وماسنجر |اليوم السابع

**hobiko** · 07-10-2015 05:26 PM

حتى لو اتحجبت .......... اى بروكسى بتلاتة مليم يفتحلك اى حاجة

**Bassem Youssef** · 07-10-2015 07:59 PM

طب و يحجبوه وسائل التواصل دي ليه من الاول ؟؟؟ ايه اللي يخلينا نلجأ للبروكسي ابو 3 مليم من الاساس ؟؟؟

النهارده السكايب و الفيبر ... بكره الفيسبوك و تويتر

**moha sasa** · 07-10-2015 08:27 PM

نفي مصدر مسئول بوزارة الاتصالات وتكنولوجيا المعلومات، اتجاه الحكومة المصرية لحجب خدمات شبكات التواصل الاجتماعي فايبر وواتس آب وفيس بوك ماسنجر، أو فرض أي نوع من الرقابة عليها.

وأضاف في تصريحات خاصة لفيتو منذ قليل، أن الهدف من ترويج تلك الأنباء، إثارة البلبلة والرأي العام فقط.

وكانت مجموعة من النشطاء على صفحات "فيس بوك"، تداولت أنباء مفادها أن الحكومة تسعى لحجب شبكات التواصل الاجتماعي، عبر قرارات ستتخذها في وقت لاحق.

- المصدر:-

«الاتصالات» توضح حقيقة حجب «واتس آب» و«فايبر» و«فيس بوك ماسنجر» | الموجز