تقرير اول الف كيلو لسيراتو 2016

**sherifsamir116** · 11-10-2015 11:16 AM

المشاركة الأصلية كتبت بواسطة wael30003

انا عامل ٢٠٠٠٠كم والصوت موجود عندى ......بس مش فاضى اروح التوكيل ....
الصوت مش عامل لى قلق

تمام ياباشا....عقبال صيانة الـ 100,000 كم ومن غير اعطال ان شاء الله

**sherifsamir116** · 11-10-2015 11:22 AM

المشاركة الأصلية كتبت بواسطة mr . Gold

ألف مبروك وربنا يعطيك خيرها ويكفيك شرها
معلش هي سعر الفئة اللي مع حضرتك وصل كام .. وهل في زيادة في الأسعار ولا كما هي

ربنا يخليك ياباشا...الفئة دي ساعة لما جبتها كانت 155,000 جم وبعد زيادة بقت 159,000 على حسب المعرض وطبعا وكيل

**nabil samir** · 11-10-2015 11:42 AM

ايه اخبار الثبات فى السرعات 130 واكتر وفى الملفات

**sherifsamir116** · 11-10-2015 10:19 PM

المشاركة الأصلية كتبت بواسطة nabil samir

ايه اخبار الثبات فى السرعات 130 واكتر وفى الملفات

طبعا انا مقدرتش اجيب السرعة دي غير بعد التليين, ولكن لغاية 140 والعربية ثباتها كويس لو الطريق مستقيم وبصراحه مجربتش على اكتر من كده في الملفات

**Omar Sarray** · 12-10-2015 12:10 AM

مبروك على الصيانه والعربيه وموضع الفرامل ده موضوع معظم الناس عيوب صناعيه استلمو العربيه وموضع ان العربيه حتى لو محمله واطيه وتحك مفيش اللكلام ده خالص عندى بصراحه علما بانى عندى يسراتوى اعلا فه 2016

**adelgafar** · 13-10-2015 01:08 AM

اخبار الفرامل فى التماسك اه وياترى فى فرق فى التماسك بين الفات الاعلى مع عدم وجود نظام abs
افكر فى شراء هذة الفاة ولكنى متخوف من عدم وجود انزمة امان فى الفرامل .

**said.d.y** · 13-10-2015 01:30 AM

المشاركة الأصلية كتبت بواسطة sherifsamir116

الحمد لله ربنا كرمني واستلمت سيراتو 2016 اول فئه وكيل من حوالي اسبوعين

ولسه عاملة صيانة الالف اول امبارح في مركز كيا اللي في روكسي.

اول حاجه بالنسبة للعربية :

الموتور : ممتاز والسحب جيد جدا مع اني كنت بحس ان صوت الموتور عالي شوية ولكن بعد تغيير الزيت قل عن الاول بس يفضل فيه صوت برده.
العفشة : ناشفه بعض الشئ والاحتكاك بالمطبات متكرر لو محمل العربية في الكنبة ورا.
اعتقد ممكن يكون علشان الجنط عند حضرتك 15
الفرامل : جيدة جدا والحمد لله حتى الان مظهرش عندي الصوت اللي بيشتكي منه اغلب ملاك السيراتو.
ابعاد العربية : كبيرة شوية وطبعا ده مقارنة بإني كان معايا نيو اكسنت 2010 مانيوال قبلها

التابلوه : جميل جدا الخانات المستخدمه فيه الى حد ما نضيفة
الصالون: واسع وقعدة الكراسي مريحة.
الكاسيت : صوته مش قد كده ومش عارف ده من الكاسيت ولا من السماعات.

حاجتين مضايقني في العربية:

اولا: ودي حاجه غريبة جدا جدا ان الصالون مافيهوش اللمبة اللي بتبقى قدام عن كرسي السائق واللي فيها جراب للنضارة ودي حاجه تغيظ جدا

لأن دي المفروض انها مش كماليات او اوبشنز عشان تنزل في فئة وفئة تانية لأ وبتسبب صعوبة ليا لو عايز ابص على حاجه بالليل جوه العربية لما بتضطر افتح اللمبة اللي ورا مش بتدي اضاءة كويسة لكل الصالون.
ممكن تشترى لمبة الصالون الفيها جراب من عند واحد بتاع مستعمل وتركبها عند كهربائى نظيف ، بس الخوف خروج العربية من الضمان.
ثانيا : نزول الفئة دي من غير جهاز انذار او ريموت شئ غريب ومتعب لحد لما اركب انذار في التوكيل ان شاء الله وارتاح من الهم بتاع فتح وقفل العربية من الباب.
موضوع جهاز الإنذار الريموت سهل وهتركبة ببساطة.

مجملا, العربية جيدة جدا ولكن نصيحتي للي عايز يجيب انه يجيب الفئة الاعلى عشان كم الاوبشنز اللي مش موجود في الفئة دي.

كلامك صح بس مع الأسعار الجديدة الفئة بتاعة حضرتك 157900جم ، يعنى لما تحب تعلى شوية 164900 وال بعدها 174900جم (الفروق عالية قى السعر)
الف مبروك ربنا يديلك خيرها ويكفيك شرها

**sherifsamir116** · 13-10-2015 02:38 PM

المشاركة الأصلية كتبت بواسطة said.d.y

كلامك صح بس مع الأسعار الجديدة الفئة بتاعة حضرتك 157900جم ، يعنى لما تحب تعلى شوية 164900 وال بعدها 174900جم (الفروق عالية قى السعر)
الف مبروك ربنا يديلك خيرها ويكفيك شرها

الله يبارك فيك ياباشا.....فعلا فروق الاسعار كبيرة وعشان اجيب الفئة اللي نفسي فيها كان لازم ازود على الاقل 20 الف وده كان شيء صعب ناهيك عن الدخول في كاتيجوري تانية بالسعر ده

**wael30003** · 13-10-2015 06:17 PM

المشاركة الأصلية كتبت بواسطة nabil samir

ايه اخبار الثبات فى السرعات 130 واكتر وفى الملفات

لما تسأل عن السرعات والثبات تعالى لى انا ....
بص يا سيدى ....طبعا فى مصر ما فيش غير طريق مصر اسكندرية الصحراوى ..وبرده فيه انحناءات فى الطريق تخليك مش عارف تدوس كيك دون لمدة طويلة
وطريق العينالسخنة برده نفس المشكلة .....
انا هنا جربت العربية من الرياض لمكة والعكس ٩٥٠كم
ومن الرياض للمدينة والعكس ٨٠٠كم
ومن جدة للمدينة والعكس ٤٥٠كم
مشكلتى بس ان كل سفر اخد مخالفتين سرعة
انا وصلت بيها كيا ٢٠١٥ ستاندرد ل٢١٠ كم وعدت ال٢١٠ بشرطة اوشرطتين
وبس طبعا ما كررتهاش تانى عشان انا بس كنت بشوف اخرها كام

العادى فى السفر عشان الطريق طويل ١٧٠-١٨٠
وطبعا غصب عنك لازم تجرى وده لعدة اسباب
الاول ان امامك حوالى ١٠٠٠كم هتخلصهم ازاى
ثانيا الاستراحات كتير عشان معايا اطفال وعشان ساعات بركن عشان انام شوية
ثالثا الطريق بيساعدك انك تجرى
رابعا معظم السيارات لا تقل عن ١٥٠كم/ساعة
خامسا تقريبا انا حفظت اماكن الساهر (الردار)
سادسا وده الاهم العربية مساعداك
السرعة على ١٥٠-١٦٠ الثبات معقول
بعد كده بيقل شوية بس مقبول يعنى ١٧٠-١٨٠ احسن من الفيرنا لما تجرى على ١٠٠او ١٢٠....وده عن تجربة .....بس برده الثبات بيقل مع السرعات العالية

بس بصراحة الواحد بيستمتع وهو بيجرى ....ما يحسش بيها الا اللى بيحب الجرى

وشكرا