مشكلة في عربيتي اهتزاز الدريكسيون علي سرعة 100 الي 110 ؟؟ ارجوا المساعدة

**uioprty** · 09-10-2015 01:45 AM

السلام عليكم ورحمة الله

لدي مشكلة وانا اعيش في دولة اوربية من فترة قريبة ولاخبرة ليا في الامور هنا بتاعت تصليح العربيات .. ..المهم عندي عربية هونداي اكسنت 2003 1400 سي سي

حصلت مشكلةان نظام abs مانع الانزلاق حصل فية مشكلة والفرامل اتصلبت تحت رجلي ....ووقفت ..!!! وانا بركن العربيةفي البركينج .....طبعا التصليح هنا مشكلة وعالي جدا ..وممكن فعلا زي ما كنا نسمع زمان ترمي العربية علشان التصليح غالي ..!!
المهم واحد عربي صلحت عنده بمبلغ محترم بس اقل بكتير من المراكز الرسمية للصيانة هنا

لما استلمت العربية لاقيت ان الفرامل اوكي لكن لاحظت العربية بيحصل فيها رعشة او رجة عند سرعة 110 الرعشة بتكون في المقود الدركسيون ؟؟؟ ودا معنديش المشكلة دي باهتزاز او رعشة الدريكسيون قبل ما الرجل يصلحها ؟؟
الاهتزاز بيحصل من بعد ال 100 الي 120 . تقريبا .وبيخف شوية لو الدركسيون راح يمين او شمال شوية وانا ماشي بالسرعة دي

دلوقتي ممكن حد يساعدني عي سبب المشكلة مع كل الشكر والتقدير ؟
.
لماذا سبب الرجة والرعشة علي الدركسيون ؟
وهل ممكن السبب من المصلح ان عمل حاجة غلط؟
وماهو الغلط المتوقع اللي عملة ؟؟
لاني هرجع له واكلمة بس عاوز ابقااااا فاهم الله يوفقكم حد يفهمني ؟؟

اعتذر عن نشر الموضوع مرتين ..لكن مش عارف المكان الاصح للموضوع ...!!

**Mecha** · 09-10-2015 02:07 AM

لكن انت مقلتش هو غير ايه او عمل ايه .وبسهوله بالتليفون تعرف.
من ضمن اللي يحصل وعدت عليه ,في مسمارين صغننين بيربطوا الدسك في الصره.لو ركب العجله في غير وضعها بترف وتعمل اللي حصل

**uioprty** · 09-10-2015 09:16 AM

المشاركة الأصلية كتبت بواسطة Mecha

لكن انت مقلتش هو غير ايه او عمل ايه .وبسهوله بالتليفون تعرف.
من ضمن اللي يحصل وعدت عليه ,في مسمارين صغننين بيربطوا الدسك في الصره.لو ركب العجله في غير وضعها بترف وتعمل اللي حصل

الف شكر علي الرد والمساعدة
هو غير قطعتين في ال abs
وغير الديسكات
وغير بالخلف قطعة مرتبطة بفرامل اليد
وقال ان في قطعةشغلهااا بمكان او مع البوربلن او رمان البلي ..اتغيرت ..!!!
المشكلة ان المكانيكي عراقي وكل كلامة ومصطلحاتة غريبة ...مش زي عندنا بمصر ....! ولا فهمت منة حاجة وانا كمان مش بفهم بمكانيك العربيات ؟؟ بس كان بيوريني مكان القطع اللي بتتغير ويشرح ...

انا هتصل بية وهقول له علي المشكلة ..بس خايف طبعا يقولي دي مش من التصليح ويقولي سببها ترصيص مثلا ....بس انا عربيتي قبل التصليح كانت ولا فيها رعشة ولا اهتزاز ..وهقولة علي كلامك ان ربما انه مسمارين صغننين بيربطوا الدسك في الصره.لو ركب العجله في غير وضعها بترف وتعمل اللي حصل...
وان شاء الله خير
والف شكر اخي الكريم علي المساعدة