سلام عليكم .. أنا معايا عربيه مرسيدس 81 ولسه معمّره وكل حاجه فيها تمام ما شاء الله

من فتره كده ظهرلي مشكله مش عارف أوصل لحلها أو سببها ، العربيه طول ما أنا ماشي 60 أو 80 في الحدود دي يعني شغاله وماشيه عادي زي الفل ومفيش حاجه .. تمشي علي 100 بقى أو أكتر تلاقيها إتكتمت وتبدأ تعطس وتفرقع من الشكمان وكل ما أدوس بنزين تتكتم أكتر ولو شيلت رجلي من ع الدواسه تبطل ؛ والمشكله إنها بتعملها معايا على طول يا إما على الطريق السريع يا إما في طلعة كوبري وطبعاً الطريق كله بيقف ورايا :d .. المهم غيّرت فلتر البنزين ونضفت الكاربراتير ولسه نفس المشكله !

مش عارف بقى كده العيب في دورة البنزين تكون بتسحب وساخه من التانك ولا بوابة السلانسيه بتتقفل مثلاً ولا إيه بالظبط ؟؟؟